آپ کے پسندیدہ اشعار!

[محمود ملک]

‏جنون عشق کی نیرنگیاں ، ارے توبہ
کبھی خداہوں کبھی بندۂ خدا ہوں میں
.
بیدم شاہ وارثی

 

[محمود ملک]

‏قاصد پیام ان کا نہ کچھ دیر ابھی سنا
رہنے دے محوِ لذت ذوقِ خبر مجھے

 

[محمد عدنان اکبری نقیبی]

اپنی طرف تو میں بھی نہیں ہوں ابھی تلک
اور اس طرف تمام زمانہ اسی کا ہے

امیر امام

 

[محمد عدنان اکبری نقیبی]

ان ستاروں کو خواہ مخواہ نہ سمجھ
زخم ہوتے ہیں آسماں کے بھی

راز احتشام

 

[محمد عدنان اکبری نقیبی]

اِس بھری کائنات کے اندر
صرف تیرا عدم اکیلا ہے

عبدالحمید عدم

 

[محمد عدنان اکبری نقیبی]

نئے چراغ جلا ،مجھ کو ڈھونڈنے والے
تری نظر تو نظر کے غبار میں گم ہے

عباس تابش

 

[فہد اشرف]

دہر کے غم سے ہوا ربط تو ہم بھول گئے
سرو قامت کو، جوانی کو قیامت لکھنا
حبیب جالب

 

[فرخ منظور]

یہ داغ ایک لفظ ہے مرہم بھی ایک لفظ
چارہ گری بھی، زخمِ نہانی بھی جھوٹ ہے

ہرزہ سرائی ہیں یہ محبت کے معجزے
الفت نئی بھی مکر، پرانی بھی جھوٹ ہے

(بہزاد برہم)

 

[زارا آریان]

نام سُنتے ہو جِس کا ویرانہ
وہی سودائیوں کی بستی ہے

✍ جوششؔ عظیم آبادی ( شیخ محمد روشن )
عظیم آباد، بھارت | ۱۷۳۷–۱۸۰۱
دیوانِ جوششؔ

 

[زارا آریان]

جو کچھ گزر گئی ہے خُدا سے کہیں نہ ہم
ہم ماجرائے غم بُتِ کافر سے کیا کہیں

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حِصّہ اول

 

[زارا آریان]

گرد جھاڑی پیرِ میخانہ نے اپنے ہاتھ سے
دامنِ دُردی کشاں رشکِ مصلّیٰ ہو گیا

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حِصّہ اول

 

[زارا آریان]

اب اور کس کو بتاؤں کہ مُجھ پہ کیا گزری
مجھے تو میرا خُدا بھی اُداس ملتا ہے

✍ امیرؔ قزلباش ( امیر آغا قزلباش )
دہلی | ۱۹۴۳ – ۲۰۰۳
انکار

 

[زارا آریان]

زندگی اور بندگی گزری
اُلٹے سیدھے نباہ نے مارا
۱۹۴۵ء

پنڈت جگموہن ناتھ رینا شوق
شاہ جہاں پور، بھارت | ۱۸۶۳
پیامِ شوق حصّہ دوم

 

[زارا آریان]

تعمیر دیر و کعبہ سے مٹی ہماری کچھ
باقی جو رہ گئی تھی سو پیمانہ بن گیا

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حِصّہ اول

 

[زارا آریان]

نگاہِ شوق سے پوچھو کہ کیا گزری ترے دم پر
کسی نے منہ چُھپایا جب سرِ دیوار دامن سے

✍ مرزا محمد تقی بیگ مائلؔ دہلوی
دہلی مٹیا محل | ۱۸۵۰ – ۱۹۳۱
کُلیاتِ مائلؔ حصہ اول

 

[زارا آریان]

دیوانگی میں اکثر اِک لُطف دے گیا ہے
پہروں خموش رہ کر زانوں پہ سَر جُھکانا

✍ مرزا علی رضا ضیاؔ عظیم آبادی
ریاضِ شاداب ۱۳۱۹ ھ

 

[زارا آریان]

سُنا ہے اب تو اُن کی بزم میں بھی ذِکر ہوتا ہے
مرے کام آ گیا آخر مرا بد نام ہو جانا

✍ حامد اللہ افسرؔ
لکھنؤ، بھارت | ۱۸۹۵–۱۹۷۴
پیامِ رُوح

 

[لاریب مرزا]

ہستی کے مت فریب میں آ جائیو اسدؔ
عالم تمام حلقۂ دام خیال ہے

(مرزا اسد اللہ خان غالب)

 

[محمد عدنان اکبری نقیبی]

ملے تو مل لیے بچھڑے تو یاد بھی نہ رہی
تعلقات میں ایسی رَوا رَوی بھی نہ ہو

افتخار عارف

 

[یاسر شاہ]

مزے جو موت کے عاشق بیاں کبھو کرتے
مسیح و خضر بھی مرنے کی آرزو کرتے

میر تقی میر