آپ کے پسندیدہ اشعار!

[ام اویس]

امجد جدائیوں کی یہ تمہید تو نہیں
لہجوں میں پھر ملال سا آیا ہوا تو ہے

امجد اسلام امجد

 

[ام اویس]

نچوڑ لیں مرے بچے عقل کے پیالوں میں
مرے تجربوں سے جو کچھ نچوڑ سکتے ہیں

منصور عالم خاں

 

[ام اویس]

بہت دریدہ دہن ہوں جواب کیا لے گا
جو خود غلط ہے وہ مجھ سے حساب کیا لے گا

مضفر وارثی

 

[رباب واسطی]

درد ہو تو دوا بھی ممکن ہے
وہم کی کیا دوا کرے کوئی

یگانہ چنگیزی

 

[محمد وارث]

سوچنا پڑ گیا زمانے کو
مٹ کے بھی ہم نہ جب ہوئے ارزاں
رفعت سلطان

 

[سردار محمد نعیم]

سر کو ٹپکا ہے کبھو ، سینہ کبھو کوٹا ہے
رات بھر ہجر کی دولت کا مزہ لوٹا ہے
شیخ ظہور الدین حاتم

 

[ام اویس]

ہمیں بھی عرضِ تمنا کا ڈھب نہیں آتا
مزاج یار بھی سادہ ہے کیا کیا جائے

احمد فراز

 

[ام اویس]

ارادہ باندھنے اور توڑنے کا کام کرتی ہوں
ان ہی بے کار کاموں میں صبح کو شام کرتی ہوں
خیالوں میں کہانی ان کہی روزانہ لکھتی ہوں
پھر اس کو تتلیوں اور جگنوؤں کے نام کرتی ہوں

نجمہ یاسمین یوسف

 

[La Alma]

جو ذہن، آگہی کی کار گاہ تھے
خیال کی دکان بن کے رہ گئے
بیاض پر سنبھل سکے نہ تجربے
پھسل پڑے بیان بن کے رہ گئے

 

[رباب واسطی]

طبیب یوں کوشش نہ کر ، تجھے کیا خبر میرے مرض کی
تو عشق کر ،پھر چوٹ کھا ، پھر لکھ دوا میرے مرض کی

 

[رباب واسطی]

جن جھروکوں سے تمنا تھی کہ گُل برسیں گے
ان سے برسے تو چمکتے ہوئے خنجر برسے

 

[رباب واسطی]

کرچیاں جوڑتے اک عمر ہوئی ہے مجھ کو
مجھ میں کیا ٹوٹ گیا میرے سوا کیا معلوم

 

[یاسر شاہ]

کرتے ہیں بات بات پہ اظہارِ برتری
یاروں میں ہے ضرور کچھ احساسِ کمتری

یاسر شاہ

 

[یاسر شاہ]

طنز پیرایۂ تبسّم میں
اس تکلّف کی کیا ضرورت ہے

جون ایلیا

 

[لاريب اخلاص]

میں آنے والے زمانوں سے ڈر رہا ہوں فراز
کہ میں نے دیکھی ہیں آنکھیں اُداس لوگوں کی

 

[رباب واسطی]

پیار یوں تجھ پہ کب نہیں آیا
رک گیا سانس جب نہیں آیا
لاکھ چاہا کہ اب نہ چاہوں تجھے
اور اب تک وہ اب نہیں آیا

قمر زیدی​

 

[رباب واسطی]

چلے تو فاصلہ طے ہونہ پایا لمحوں کا
رکے تو پاوٗں سے آگے نکل گئیں صدیاں
ڈاکٹر فریاد آزرؔ

 

[رباب واسطی]

کس زعم میں ہو حسن کے مارو جواب دو
کیوں ہنس رہے ہو چاند ستارو جواب دو
اصغر شمیم

 

[فرخ منظور]

مثلِ پتنگ اڑتی پھروں ہوں فلک پہ میں
یہ بھول کر کہ ڈور کسی اور ہاتھ ہے
(ردا خان)

 

[سحرش سحر]

ارادے باندھتا ہوں سوچتا ہوں توڑ دیتا ہوں
کہیں ایسا نہ ہو جائے کہیں ویسا نہ ہو جائے