آپ کے پسندیدہ اشعار!

[لاريب اخلاص]

ﻣﺠﮭﮯ ﻣﻠﯽ ﮨﮯ ﮔﺰﺷﺘﮧ ﺑﺮﺱ ﮐﯽ ﺍﮎ ﺗﺼﻮﯾﺮ
ﮐﮩﯿﮟ ﮐﮩﯿﮟ ﺳﮯ ﺑﮩﺖ ﻣﻞ ﺭﮨﺎ ﮨﻮﮞ ﻣﯿﮟ ﺧﻮﺩ سے
عمیر نجمی

 

[رباب واسطی]

اب جو دامن پہ گرا خوں تو شکایت کیسی
میں نہ کہتا تھا مجھے دور سے مارو پتھر

 

[محمد عدنان اکبری نقیبی]

اب جو دامن پہ گرا خوں تو شکایت کیسی
میں نہ کہتا تھا مجھے دور سے مارو پتھر

واہ ،
لاجواب

 

[سردار محمد نعیم]

قدم قدم پہ رلایا ہمیں مقدر نے
ہم ان کے شہر میں آئے تھے مسکرانے کو
۔ نصیر الدین نصیر

 

[فرقان احمد]

دل ابھی پوری طرح ٹوٹا نہیں
دوستوں کی مہربانی چاہئے۔۔۔!

عدم
ٓ

 

[جان]

آسماں اپنے ارادوں میں مگن ہے لیکن
آدمی اپنے خیالات لیے پھرتا ہے
انور مسعود

 

[جان]

بابِ قفس کھلا بھی تو کچھ دیر کے لئے
جو قید میں نہیں تھے رہا کر دیے گئے

ہم کو ہماری نیند بھی پوری نہیں ملی
لوگوں کو ان کے خواب جگا کر دیے گئے

عمران عامی

 

[محمد عدنان اکبری نقیبی]

نہ آج لطف کر اتنا کہ کل گزر نہ سکے
وہ رات جو کہ ترے گیسوؤں کی رات نہیں

یہ آرزو بھی بڑی چیز ہے مگر ہمدم
وصالِ یار فقط آرزو کی بات نہیں

فیض احمد فیض

 

[رباب واسطی]

اس شرط پہ جو لیجئیے تو حاضر ہے دل ابھی
رنجش نہ ہو ، فریب نہ ہو ، امتحاں نہ ہو

 

[جان]

آئینہ چھوڑ کے دیکھا کئے صورت میری
دل مضطر نے مرے ان کو سنورنے نہ دیا
عزیز لکھنوی

 

[جان]

ادا سے دیکھ لو جاتا رہے گلہ دل کا
بس اک نگاہ پہ ٹھہرا ہے فیصلہ دل کا
ارشد علی خان قلق

 

[جان]

مرتے ہیں آرزو میں مرنے کی
موت آتی ہے پر نہیں آتی
مرزا غالب

 

[انس معین]

دل ہی تو ہے نہ سنگ و خشت درد سے بھر نہ آئے کیوں

روئیں گے ہم ہزار بار کوئی ہمیں ستائے کیوں

غالب

 

[انس معین]

واں وہ غرور عز و ناز یاں یہ حجاب پاس وضع

راہ میں ہم ملیں کہاں بزم میں وہ بلائے کیوں



ہاں وہ نہیں خدا پرست جاؤ وہ بے وفا سہی

جس کو ہو دین و دل عزیز اس کی گلی میں جائے کیوں



غالبؔ خستہ کے بغیر کون سے کام بند ہیں

روئیے زار زار کیا کیجیے ہائے ہائے کیوں

غالب

 

[Syed iftikhar]

کمال

 

[رباب واسطی]

نا شناسی دہر کی ہمیں تنہا کرتی گئی
ہوتے ہوتے ہم زمانے سے جدا ہو گئے

منؔیر نیازی​

 

[زارا آریان]

غارت کیا اخیر جوانی میں دہر کو
دنیا تمام لوٹ لی تھوڑی سی رات میں

سید اسماعیل حسین منیرؔ شکوہ آبادی
۱۸۱۴–۱۸۸۰ رام پور، ہندوستان
مآخذ منتخب العالم

 

[جاسمن]

میں ایسے جمگھٹے میں کھو گیا ہوں
جہاں میرے سواکوئی نہیں ہے
صابر ظفر

 

[Syed iftikhar]

نصیر الدین نصیر کے اشعار بھی لکھا کریں

 

[جان]

آئے ہے بیکسیِ عشق پہ رونا غالبؔ
کس کے گھر جائے گا سیلابِ بلا میرے بعد
مرزا غالب