آپ کے پسندیدہ اشعار!

[سیما علی]

عمر کس طرح سے گزرے گی نظرؔ ایسے میں
شبِ تنہائی کا اک پل بھی گراں ہوتا ہے

نظر لکھنوی

 

[syed Kashif Rizvi]

اب یہ موسم میری پہچان طلب کرتے ہیں
میں جب آیا تھا یہاں تازہ ہوا لایا تھا

 

[شمشاد]

ادائیں دیکھنے بیٹھے ہو کیا آئینہ میں اپنی
دیا ہے جس نے تم جیسے کو دل اس کا جگر دیکھو
(بیخود دہلوی)

 

[سیما علی]

ادائیں دیکھنے بیٹھے ہو کیا آئینہ میں اپنی
دیا ہے جس نے تم جیسے کو دل اس کا جگر دیکھو
(بیخود دہلوی)

واہ واہ بے حد کمال

 

[شمشاد]

وہ ذات جس کی ذات چمن، جس کے بول خوشبو ہوں
میں ایسے شخص پہ نغمہ و شعر کیا لکھوں
(نا معلوم)

 

[شمشاد]

سن کے ساری داستان رنج و غم
کہہ دیا اس نے کہ پھر ہم کیا کریں
(بیخود دہلوی)

 

[شمشاد]

جھوٹا جو کہا میں نے تو شرما کے وہ بولے
اللہ بگاڑے نہ بنی بات کسی کی
(بیخود دہلوی)

 

[سیما علی]

نہ کوئی غم خزاں کا ہے نہ ہے خواہش بہاروں کی
ہمارے ساتھ ہے امجد کسی کی یاد کا موسم

امجد اسلام امجد

 

[سیما علی]

تم ہماری کسی طرح نہ ہوئے
ورنہ دنیا میں کیا نہیں ہوتا

مومن خان مومن

 

[سیما علی]

ہم جان فدا کرتے ، گر وعدہ وفا ہوتا
مرنا ہی مقدر تھا ، وہ آتے تو کیا ہوتا
مومن خان مومن

 

[سیما علی]

یہ تیرگی مرے گھر کا ہی کیوں مقدر ہو
میں تیرے شہر کے سارے دیئے بجھا دوں گا

محسن نقوی

 

[لاريب اخلاص]

زم زم و کوثر و تسنیم نہیں لکھ سکتا
اے نبیؐ آپ کی تعظیم نہیں لکھ سکتا
میں اگر سات سمندر بھی نچوڑوں راحتؔ
آپ کے نام کی اک میم نہیں لکھ سکتا
راحت اندوری

 

[شمشاد]

کچھ اس طرح سے لٹی ہے متاع دیدہ و دل
کہ اب کسی سے بھی ذکر وفا نہیں کرتے
(احمد ریاض)

 

[سیما علی]

تمہارے پیار کے بدلے میں جو عطا ہو تمہیں
نصابِ فکر میں ایسا خطاب کوئی نہیں

 

[سیما علی]

صفدر رہوں میں اسکی نگاہوں میں سرخرو
رب سے دعا یہ کرتا رہا ہوں تمام رات

صفدر ہمدانی

 

[سیما علی]

وقت کی گردش مجھے کس موڑ پر لائی بتول
لوٹنے والوں نے گھیرا پاسباں کوئی نہیں

سائرہ بتول

 

[سیما علی]

دھرم کے کیسے خداجانے نگہان ہیں یہ
یہ نہ عیسائی نہ ہندو ،نہ مسلمان ہیں یہ
کون پاگل انہیں کہہ دے گا انسان ہیں یہ
یہ تو قاتل ہیں،جلادہیں ،شیطان ہیں یہ
کب تلک ڈھائیں گے یہ ظلم و ستم کیا معلوم؟

فرخندہ رضوی

 

[سیما علی]

قوم مسلم میں ہی پیدا یہ کیوں حیوان ہوئے
جن سے شیطان بھی پناہ مانگے وہ شیطان ہوئے
جن سے ہر قوم کے انسان ، پشیمان ہوئے
جن سے بدنام جہاں بھر میں مسلمان ہوئے
کتنے گھر اور اُجڑنے ہیں ابھی کیا معلوم

فرخندہ رضوی

 

[سیما علی]

ہم جس پہ مر رہے ہیں وہ ہے بات ہے کچھ اور
عالم میں تجھ سے لاکھ سہی تو مگر کہاں

الطاف حسین حالی

 

[سیما علی]

ہوتی نہیں قبول دعا ترک عشق کی
دِل چاہتا نہ ہو تو زُباں میں اثر کہاں

الطاف حسین حالی