آپ کے پسندیدہ اشعار!

[نوید خان]

یہ مجھے چین کیوں نہیں پڑتا
ایک ہی شخص تھا جہان میں کیا
جون ایلیاء

 

[شمشاد]

میں آگ دیکھتا تھا آگ سے جدا کر کے
بلا کا رنگ تھا رنگینیٔ قبا سے ادھر
ثروت حسین

 

[لاريب اخلاص]

تمام یادیں مہک رہی ہیں ہر ایک غنچہ کھلا ہوا ہے
زمانہ بیتا مگر گماں ہے کہ آج ہی وہ جدا ہوا ہے
خلیل الرحمن اعظمی

 

[شمشاد]

تحسین کے لائق ترا ہر شعر ہے اکبرؔ
احباب کریں بزم میں اب واہ کہاں تک
(اکبر الہ آبادی)

 

[لاريب اخلاص]

نہ آہ کرتے ہوئے اور نہ واہ کرتے ہوئے
جئیں گے ضبط کو اپنی پناہ کرتے ہوئے
مبین مرزا

 

[نوید خان]

وہ جہاں چاہے چلا جائے یہ اس کا اختیار
سوچنا یہ ہے کہ میں خود کو کہاں لے جاؤں گا
چندر بھان خیال

 

[بابا-جی]

مسافر ہیں ہم بھی مسافر ہو تم بھی
۔ ۔ ۔ ۔ ۔ کسی موڑ پر پھر ملاقات ہوگی
بشیر بدر

 

[شمشاد]

دماغ عرش پہ ہے خود زمیں پہ چلتے ہیں
سفر گمان کا ہے اور یقیں پہ چلتے ہیں
بیکل اتساہی

 

[سیما علی]

بیکار مجھ کو مت کہہ میں کارآمدہ ہوں
بیگانہ وضع تو ہوں پر آشنازدہ ہوں

(میر)

 

[سیما علی]

دختر رز نے اٹھا رکھی ہے آفت سر پر۔۔
خیریت گذری کہ انگور کو بیٹا نہ ہوا۔۔۔۔۔

اکبر الہ آبادی

 

[شمشاد]

دختر رز تو ہے بیٹی سی ترے اوپر حرام
رند اس رشتہ سے سارے ترے داماد ہیں شیخ
قائم چاندپوری

 

[سیما علی]

اپنے گھر سے مجھے کیوں دیر مغاں میں لاتا
کچھ تو اس میں مرے اللہ کی حکمت ہوگی

(بے نظیر شاہ)

 

[سیما علی]

حکمت عشق بو علی سوں نہ پوچھ
نئیں وہ قانون شناس اس فن کا

(ولی)

 

[سیما علی]

منطق و حکمت و معانی پر
مشتعمل ہے کلام تجھ لب کا

(ولی)

 

[شمشاد]

ہوش والوں کو خبر کیا بے خودی کیا چیز ہے
عشق کیجے پھر سمجھئے زندگی کیا چیز ہے
ندا فاضلی

 

[لاريب اخلاص]

صداقتوں سے نکھرتا ہے آدمی کا شعور
صداقتوں کو سمجھنا بہت ہی مشکل ہے
جاوید اختر بیدی

 

[شمشاد]

وہ وقت آ گیا ہے کہ ساحل کو چھوڑ کر
گہرے سمندروں میں اتر جانا چاہیئے
احمد فراز

 

[سیما علی]

مری روح کی حقیقت مرے آنسوؤں سے پوچھو
مرا مجلسی تبسم مرا ترجماں نہیں ہے!!!!!!!!!!!!!


مصطفیٰ زیدی

 

[سیما علی]

دل کے رشتے عجیب رشتے ہیں!!
سانس لینے سے ٹوٹ جاتے ہیں

مصطفیٰ زیدی

 

[سیما علی]

جس دن سے اپنا طرز فقیرانہ چھٹ گیا
شاہی تو مل گئی دل شاہانہ چھٹ گیا!!

مصطفیٰ زیدی