آپ کے پسندیدہ اشعار!

[طارق شاہ]

آپ بیٹھیں تو سہی آ کے مرے پاس کبھی
کہ میں فرصت میں حدیثِ دلِ دیوانہ کہوں

حسرت موہانی

 

[طارق شاہ]

قیامت کا ہے وعدہ اُس پہ انکار
کلیجا پک گیا تیری نہیں سے

داغ دہلوی

 

[طارق شاہ]

کبھی دیکھا ہے اِتنا داغ کو خوش
چلے آتے ہیں یہ حضرت وہیں سے

داغ دہلوی

 

[طارق شاہ]

فصلِ گل آئی یا اجل آئی، کیوں درِ زنداں کھُلتا ہے
کیا کوئی وحشی اور آ پہنچا یا کوئی قیدی چُھوٹ گیا

فانی بدایونی

 

[طارق شاہ]

منزلِ عشق پہ تنہا پُہنچے، کوئی تمنّا ساتھ نہ تھی !
تھک تھک کر اِس راہ میں آخر اِک اِک ساتھی چُھوٹ گیا

فانی بدایونی

 

[طارق شاہ]

ہوائے سرد ہے بادِ سمُوم کا جھونکا !
جو خاک آب، تو آندھی ہے بے شراب گھٹا

فراقِ یار میں بے کار سب ہیں اے ساقی
پیالہ، شیشہ، گزک، میکدہ، شراب، گھٹا

صبا لکھنوی

 

[طارق شاہ]

سِتارہ کیا مِری تقدِیر کی خبر دے گا !
وہ خود فراخئ افلاک میں ہے خوار و زبوں

علامہ اقبال

 

[طارق شاہ]

شمعِ تنہا کی طرح، صُبْح کے تارے جیسے
شہر میں ایک ہی دو ہوں گے ہمارے جیسے

عرفان صدیقی

 

[طارق شاہ]

ہو کاش وفا، وعدۂ فردائے قیامت
آئے گی، مگر دیکھئے کب آئے قیامت

فانی بدایونی

 

[طارق شاہ]

سُنتا ہُوں کہ ہنگامۂ دِیدار بھی ہو گا
اِک اور قیامت ہے یہ بالائے قیامت

فانی بدایونی

 

[طارق شاہ]

وصْل کے باب میں، کی عرض، کہ ہنس کر بولے !
کیوں مرے جاتے ہو، ہوجائے گا، ہوجائے گا

داغ دہلوی

 

[بلال جلیل]

بَلا سے اُن کی، گزُارہ غریب لوگوں کا
پسر فروشی پہ ہو یا بدن فروشی پر

سیّد انصر

واہ کیا اچھا ہے ۔۔۔۔ایک شعر میں شیر (موجودہ حکومت) کی اوقات بتا دی ۔۔۔بہت خوب

 

[طارق شاہ]

سب لوگ لِئے سنگِ ملامت نِکل آئے
کِس شہر میں ہم اہلِ محبّت نِکل آئے

احمد فراز

 

[طارق شاہ]

یہ نوِید اَوروں کو جا سُنا، ہم اسیرِ دام ہیں، اے صبا
ہمیں کیا چمن ہے جو رنگ پر، ہمیں کیا جو فصلِ بہار ہے

اکبرالہٰ آبادی

 

[طارق شاہ]

مجھے رحم آتا ہے دیکھ کر، تِرا حال اکبرِ نوحہ گر
تجھے وہ بھی چاہے خُدا کرے، کہ تُو جس کا عاشقِ زار ہے

اکبرالہٰ آبادی

 

[طارق شاہ]

میں گنہ کر کے، چلا آؤں گا پھر دُنیا میں !
دیکھ لے کرکےتُو جنّت کے حوالے مجھ کو

حزیں لدھیانوی

 

[طارق شاہ]

کوئی موسم ہو دل کو آتا ہے
حالتِ اعتبار میں رہنا

دل نے سیکھا ہے کس سلیقے سے
لمحۂ بیقرار میں رہنا

یاد صدیقی

 

[طارق شاہ]

اپنے مزاج، اُس کی انا کا سوال تھا
تقسیم کرلِئے ہیں برابر کے راستے

یاد صدیقی

 

[عبدالقیوم چوہدری]

مشہور بہت ہے ۔۔۔۔۔۔۔۔۔۔۔۔۔۔۔۔میرے الفاظ کی تاثیر
اک شخص مگر مجھ سے۔۔۔۔ منایا نہیں جاتا ______!!!!!

 

[عبدالقیوم چوہدری]

میں تو خود پر بھی کفایت سے اسے خرچ کروں

وہ ہے مہنگائی میں مشکل سے کمایا ہوا شخص۔۔