آپ کے پسندیدہ اشعار!

[سیما علی]

کن بے دلوں میں پھینک دیا حادثات نے...
‏آنکھوں میں جن کی نور نہ باتوں میں‌تازگی
‏ ― ناصر کاظمی

 

[سیما علی]

جس روز ہمارا کوچ ہو گا
‏پھولوں کی دکانیں بند ہوں گی

‏افتخار عارف

 

[شمشاد]

اتنا تو بتا جاؤ خفا ہونے سے پہلے
وہ کیا کریں جو تم سے خفا ہو نہیں سکتے
اسد بھوپالی

 

[سیما علی]

سب سے پر امن واقعہ یہ ہے
‏آدمی آدمی کو بھول گیا

‏جون ایلیا

 

[سیما علی]

دِل کی قیمت پہ بھی ،اِک عہد نِبھائے گئے ہم
‏عُمر بھر بیٹھے رہے، ایک ہی دِیوار کے پاس

‏افتخار عارف

 

[سیما علی]

شِکم کی آگ لیے پھر رہی ہے شہر بہ شہر
‏سگِ زمانہ ہیں ، ہم کیا ، ہماری ہجرت کیا

‏افتخار عارف

 

[سیما علی]

بادبانوں سے ہوا اُلجھی تو ساحل چُپ رہا
‏ناؤ ڈوبی ہے تو اب ہر لہر سناٹے میں ہے

‏ افتخار عارف

 

[سیما علی]

کھلی فضا میں خوش آواز طائروں کے ہجوم
‏مگر وہ لوگ جو تیر و سناں بناتے ہیں

‏"پلٹ کے آئے غریب الوطن پلٹنا تھا"
‏یہ دیکھنا ہے کہ اب گھر کہاں بناتے ہیں

‏افتخار عارف

 

[سیما علی]

میزان و تیغ و خلعت و منصب مزے میں ہیں
‏سب کررہے ہیں آہ و فغاں، سب مزے میں ہیں

‏افتخار عارف

 

[سیما علی]

کبھی کبھی دل یہ سوچتا ہے
‏نہ جانے ہم بے یقین لوگوں کو نام حیدر سے ربط کیوں ہے
‏حکیم جانے وہ کیسی حکمت سے آشنا تھا
‏شجیع جانے کہ بدر و خیبر کی فتح مندی کا راز کیا تھا

‏افتخار عارف

 

[سیما علی]

اب کہیں جا کے سمیٹی ہے امیدوں کی بساط
‏ورنہ اک عمر کی ضد تھی کہ سنبھالے مجھے کوئی

‏افتخار عارف

 

[سیما علی]

حق سے درخواست عفو کی حالیؔ
‏کیجئے کس منہ سے ان خطاؤں پر

‏الطاف حسین حالی

 

[گُلِ یاسمیں]

میں اس کو کھو کے بھی اس کو پکارتی ہی رہی
کہ سارا ربط تو آواز کے سفر کا تھا

 

[گُلِ یاسمیں]

آتے جاتے پل یہ کہتے ہیں ہمارے کان میں
کوچ کا اعلان ہونے کو ہے تیاری رکھو

 

[شمشاد]

رنگ محفل چاہتا ہے اک مکمل انقلاب
چند شمعوں کے بھڑکنے سے سحر ہوتی نہیں
قابل اجمیری

 

[لاريب اخلاص]

گھر کی اس بار مکمل میں تلاشی لوں گا
غم چھپا کر مرے ماں باپ کہاں رکھتے تھے
ساجد جاوید ساجد

 

[سیما علی]

نغمۂِ شوق خوب تھا، ایک کمی ہے مطربہ
شعلۂِ لب کی خیر ہو، سوزِ دروں بھی چاہیئے

شکیب جلالی

 

[شمشاد]

خواہشوں کی ارتھیاں اب تو اٹھیں گی شان سے
دل لگا بیٹھی ہے میری مفلسی دھنوان سے
دیدار بستوی

 

[لاريب اخلاص]

بت کہہ دیا جو میں نے تو اب بولتے نہیں
اتنی سی بات کا تمہیں اتنا خیال ہے
جلیل مانک پوری

 

[لاريب اخلاص]

سب کہاں کچھ لالہ و گل میں نمایاں ہو گئیں
خاک میں کیا صورتیں ہوں گی کہ پنہاں ہو گئیں
مرزا غالب