آپ کے پسندیدہ اشعار!

[طارق شاہ]

ضبط کا عہد بھی ہے، شوق کا پیماں بھی ہے
عہد و پیماں سے گزُر جانے کو جی چاہتا ہے

درد اِتنا ہے کہ ہر رگ میں ہے محشر برپا
اور سُکوں ایسا کہ مرجانے کو جی چاہتا ہے

فیض احمد فیض

 

[طارق شاہ]

دیوارِ شب اور عکسِ رُخِ یار سامنے
پھر دل کے آئینے سے لہو پُھوٹنے لگا

پھر وضع احتیاط سے دُھندلا گئی نظر
پھر ضبطِ آرزو سے بدن ٹُوٹنے لگا

فیض احمد فیض

 

[طارق شاہ]

بارِیک بِیں ہُوں، شاعرِ نازُک خیال ہُوں
مضمُوں جہاں کمر کا مِلے باندھ لاؤں میں

حیدر علی آتش

 

[طارق شاہ]

کانٹا سُکھا کے ہجْر نے ہر چند کردِیا
وہ گُل بدن مِلے تو نہ پُھولا سماؤں میں

حیدر علی آتش

 

[طارق شاہ]

سیماب، غمگسار نہ تھے وہ، نہیں سہی
احساس تو اُنھیں مِری آزردگی کا تھا

سیماب اکبر آبادی

 

[فلک شیر]

رات آئی تو ایک الاؤ سورج کا ہمزاد بنا
قحط پڑا تو ہم جیسے بے مایہ اوتار ہوئے
شناور اسحاق

 

[صائمہ شاہ]

بس اِک نگاہ مجھے دیکھتا ، چلا جاتا
اُس آدمی کی محبّت فقیر ایسی تھی

پروین شاکر

 

[صائمہ شاہ]

شروعِ عشق میں گستاخ تھے اب ہیں خوشامد کو
سلیقہ بات کرنے کا نہ جب آیا ، نہ اب آیا

داغ دہلوی

 

[طارق شاہ]

کھائے جاتا ہے غم اناپ شناپ
بڑھ گئی دل کی اشتہا کیسی

داغ دہلوی

 

[صائمہ شاہ]

فیصلے سارے اُسی کے ہیں ہماری بابت
اختیار اپنا بس اتنا کہ خبر میں رہنا

کوئی خاطر نہ مدارات نہ تقریبِ وصال
ہم تو بس چاہتے ہیں تیری نظر میں رہنا

پروین شاکر​

 

[طارق شاہ]

جامِ شراب اور شرابِ شباب دوست !
یہ دَور تا ابد نہ سہی عمر بھر تو ہو

سیماب اکبر آبادی

 

[طارق شاہ]

دیر و حرام میں سجدے کرے کون رائیگاں
گر ہو نہ تیرا پانؤں، تِری رہ گزُر تو ہو

سیماب اکبر آبادی

 

[طارق شاہ]

شعار کی جو مدارتِ قامتِ جاناں
کِیا ہے فیض درِ دِل درِ فلک سے بُلند

فیض احمد فیض

 

[طارق شاہ]

پھر ہم تمیزِ روز و مہ سال کرسکیں
اے یادِ یار پھر اِدھر اِک بار دیکھنا

فیض احمد فیض

 

[طارق شاہ]

لگے ہیں شمع پر پہرے، زمانے کی نِگاہوں کے
جنھیں جلنے کی حسرت ہے وہ پروانے کہاں جائیں

شکیل بدایونی

 

[طارق شاہ]

طلب ہے حق کی تومِل آکے ہم سے مستوں سے
نہیں ہے میکدہ خالی خُدا پرستوں سے

اکبر الہٰ آبادی

 

[طارق شاہ]

حسرتوں کا دل سے قبضہ اُٹھ گیا
غاصبوں کی حُکمرانی ختم ہے

آرزُو لکھنوی

 

[طارق شاہ]

یاد میں اُمّید جھلکی موج کشتی بن گئی
ڈوبنے والے کو تِنکے کا سہارا مِل گیا

آرزُو لکھنوی

 

[سید عاطف علی]

دل کے ارمانوں کی اب ۔دل پر حکومت ہے ضیا
ایک کشور ۔اور اس پر۔۔ اتنے سلطانوں کا بوجھ
والد صاحب۔۔۔۔۔ضیا عزیزی جے پوری

 

[طارق شاہ]

وہ جفا پیشہ سہی آپ سے مطلب واعظ
کِس نے پُوچھا ہے جو یہ رائے زنی ہوتی ہے

ناشاد بستوی