آپ کے پسندیدہ اشعار!

[طارق شاہ]

بجلیاں پُوچھ کر نہیں گرتیں
حادثے کب بتا کے ہوتے ہیں

عار مِلنے میں کچُھ نہیں لیکن
مسئلے کچھ انا کے ہوتے ہیں

عبدالرحمٰن عبد

 

[طارق شاہ]

استعاروں سے بات کرتے ہیں !
آسمانوں پہ رات کرتے ہیں

اچھے شاعر تو ایک مصرعے میں
بند اِک کائنات کرتے ہیں

عبدالرحمٰن عبد

 

[طارق شاہ]

عشق لمحوں کا واقعہ ہی نہیں
عشق صدیوں کی داستان بھی ہے
فاخرہ بتول

 

[طارق شاہ]

قسمت ہماری دیکھ کے، مالک نے یہ کہا !
دشت و دمن کو کیسے کوئی برگ و بار دُوں

مصطفیٰ عابدی

 

[طارق شاہ]

زُلفوں سے تیری باندھ کے، بے چین روح کو !
زندانِ اِضطراب، میں دل کو قرار دُوں

تیرے لبوں کے آب میں ڈوبا رہے وجُود
کوثر، تِری نِگاہ کے ساغر پہ وار دُوں

مصطفیٰ عابدی

 

[طارق شاہ]

واں وہ غرورِ عزّ و ناز، یاں یہ حجابِ پاس وضع
راہ میں ہم مِلیں کہاں، بزم میں وہ بُلائے کیوں

مرزا غالب

 

[طارق شاہ]

ہاں وہ نہیں خُدا پرست، جاؤ وہ بے وفا سہی !
جس کو ہوں دین و دل عزیز، اُس کی گلی میں جائے کیوں

مرزا غالب

 

[طارق شاہ]

جب سے وہ چشمِ التفات نہیں !
جی رہا ہُوں، مگر وہ بات نہیں

ہائے یہ گردشیں زمانے کی
دل مِرا مائلِ حیات نہیں

انور بیگ چمن

 

[طارق شاہ]

سر میں سودا نہ رہا، پاؤں میں بیڑی نہ رہی
میری تقدیر میں تھا، بے سر و ساماں ہونا

برج نرائن چکبست

 

[طارق شاہ]

بہت سودا رہا واعظ تجھے نارِ جہنّم کا !
مزہ سوزِ محبّت کا بھی کچُھ ،اے بے خبر جانا

برج نرائن چکبست

 

[طارق شاہ]

کیوں نہ ہو شورِیدہ سر، یہ عاشقِ حُسنِ ملیح !
جب ازل سے اِس کے آب و گِل میں ہے، شامل نمک

سحرعشق آبادی

 

[طارق شاہ]

زُلفِ برہم، جُھکی ہوئی نظریں
گردنِ ناز میں کمندِ نیاز

قدِ بالا و دامنِ کوتاہ
منزلِ عِشق کے نشیب و فراز

چراغ حسن حسرت

 

[طارق شاہ]

دو بے وقوف
۔۔۔۔۔۔۔۔۔۔۔۔۔۔۔۔۔۔۔۔۔
ہمیں بھی عرضِ تمنّا کا ڈھب نہیں آتا !
مزاجِ یار بھی سادہ ہے، کیا کیا جائے

احمد فراز

 

[طارق شاہ]

نہ اب وہ طشتِ زرّیں ہیں، نہ وہ چاندی کے کلسے ہیں
کمیٹی خوانِ نعمت ہے، فقط لفظوں کے جلسے ہیں

اکبرالہٰ آبادی

 

[طارق شاہ]

مِرے طرزِ فُغاں کی، بوالہوس تقلید کرتے ہیں !
خجل ہوں گے، اثر کی بھی اگر اُمّید کرتے ہیں

اکبرالہٰ آبادی

 

[طارق شاہ]

ہم نے جو طرزِ فُغاں کی ہے قفس میں ایجاد
فیض! گلشن میں وہی طرزِ بیاں ٹھہری ہے


فیض احمد فیض

 

[طارق شاہ]

آؤ ، اِک بار کھُلے دل سے ، محبّت سے مِلیں
مُستقِل، دل پہ لِئے بار بہت مِلتے ہیں

فاخرہ بتُول

 

[طارق شاہ]

بتانے والے، وہیں پر بتاتے ہیں منزل !
ہزار بار جہاں سے گُزر چُکا ہوں میں

اسرالحق مجاز

 

[طارق شاہ]

کبھی یہ زعم کہ تُو مجھ سے چُھپ نہیں سکتا
کبھی یہ وہم کہ ، خود بھی چُھپا ہوا ہُوں میں

اسرالحق مجاز

 

[طارق شاہ]

ہر ایک عقوبت سے ہے تلخی میں سوا تر
وہ رنج، جو نا کردہ گناہوں کی سزا ہے

احسان لیے کتنے مسیحا نفسوں کے
کیا کیجیے دل کا، نہ جلا ہے نہ بُجھا ہے

فیض احمد فیض