آپ کے پسندیدہ اشعار!

[طارق شاہ]

دلِ آگاہ سے کیا کیا ہمیں اُمّیدیں تھیں
وہ بھی قسمت سے چراغِ تہِ داماں نکلا

فانی بدایونی

 

[طارق شاہ]

معمُور ہیں خُوباں سے گلی، کوُچہ و بازار---------اڑتا ہے عبیر اور کہیں پچکاری کی ہے مار
چھایا ہے گلالوں کا ہر اک جا پہ دُھواں دار -------پڑتی ہے جدھر دیکھو اُدھر رنگ کی بوچھار

---------------------ہے رنگ چھڑکنے سے ہر اک دنگ زمیں پر
-----------------------ہولی نے مچایا ہے عجب رنگ زمیں پر

----------------------------------نظیر اکبرآبادی

 

[طارق شاہ]

اپنے مرکز کی طرف مائلِ پرواز تھا حُسن
بُھولتا ہی نہیں عالم تِری انگڑائی کا

عزیز لکھنوی

 

[طارق شاہ]

اُف تِرے حُسنِ جہاں سوز کی پُر زور کشِش
نُور سب کھینچ لِیا چشمِ تماشائی کا

عزیز لکھنوی

 

[طارق شاہ]

ستم ہے لاش پر اُس بے وفا کا یہ کہنا
کہ آنے کا بھی کسی کے نہ انتظار کیا

عزیز لکھنوی

 

[طارق شاہ]

یقین ہے صبح کو رہ جائیں کچُھ نفس باقی
اگر فلک نے شبِ غم کا اختصار کیا

عزیز لکھنوی

 

[طارق شاہ]

تا حشر نہ بُھولے گا عزیز اپنی شبِ ہجر
کیا رات تھی وہ رات، کہ آرام نہ آیا

عزیز لکھنوی

 

[طارق شاہ]

اُلجھن کا عِلاج آہ کوئی کام نہ آیا !
جی کھول کے رویا بھی تو آرام نہ آیا

عزیزلکھنوی

 

[طارق شاہ]

میں خاک بھی ہُوا، تو ہُوا اُس کی خاکِ در
چُھوٹا نہ دستِ عجز سے، دامن غرُور کا

امیر مینائی

 

[طارق شاہ]

بالیں پہ میری کِس لئے آیا ہے اے طبیب
تجھ سے علاجِ دردِ دلِ زار ہو چُکا

آیا نہ ایک بار عیادت کو وہ مسیح
سو بار میں فریب سے بیمار ہو چُکا

امیر مینائی

 

[طارق شاہ]

جب آستانِ یار پہ حاضر ہُوئے ہیں ہم
درباں سے یہ سُنا ہے کہ دربار ہو چُکا

امیر مینائی

 

[طارق شاہ]

باقی ہزار شوق، خطِ شوق نا تمام
قاصد کمر کو باندھ کے تیّار ہو چُکا

امیر مینائی

 

[طارق شاہ]

نبض دیکھی تو حرارت سے جلے دستِ مسیح
تیرے بیمارِ محبّت کا مداوا کیسا

امیر مینائی

 

[طارق شاہ]

پہلو میں میرے، دل کو نہ اے درد! کر تلاش
مدّت ہُوئی، غریب وطن سے نِکل گیا

امیر مینائی

 

[شیزان]

ہے یہ بازار جھوٹ کا بازار
پھر یہی جنس کیوں نہ تولیں ہم

کرکے اَک دوسرے سے عہد وفا
آؤ کچھ دیر جھوٹ بولیں ہم

جون ایلیا

 

[طارق شاہ]

یاں جگر پر چل گئیں چُھریاں کسی مُشتاق کی
واں خبر یہ بھی نہیں، ناز و ادا نے کیا کِیا

داغ دہلوی

 

[طارق شاہ]

حشر میں پھرتے ہیں خوش خوش کیا وہ اِترائے ہوئے
اور کہتے ہیں، مِرا روزِ جزا نے کیا کِیا

داغ دہلوی

 

[طارق شاہ]

مار ڈالا آپ، اپنےرنجِ فُرقت میں مجھے !
اور پھر کہتا ہے ظالم، یہ خُدا نے کیا کِیا

داغ دہلوی

 

[طارق شاہ]

میں اِس احتیاطِ نظر کے تصدّق
نہ بیگانہ سمجھے نہ اپنا بنائے

نخشب جارچوی

 

[طارق شاہ]

حجابِ ناز میں جلوے چھپائے جاتے ہیں
جہاں میں اہلِ نظر آزمائے جاتے ہیں

ابھی بہار بہت دُور ہے مگر دل میں
جنونِ عِشق کے آثار پائے جاتے ہیں

مِٹا دیا ہے مجھے عشق نے مجاز، مگر
ستانے والے ابھی تک ستائے جاتے ہیں

اسرارالحق مجاز