آپ کے پسندیدہ اشعار!

[طارق شاہ]

تجھے بھی بیٹھے بیٹھے وہم کچھ ناصح گزرتے ہیں
لئے مرتا ہے ہم کو مُفت کیوں ، ہم کِس پہ مرتے ہیں

بیخود دہلوی

 

[طارق شاہ]

خیالِ یار میں مرنا وصال سمجھا ہُوں
زبان بند ہُوئی وصل کی دُعا کرکے

مِلی ہے دولتِ دیدار دل کے صدقے میں
رہیں گے آج تو ہم جان بھی فدا کرکے

بیخود دہلوی

 

[طارق شاہ]

عطا ہو یا نہ ہو کُچھ ، ہم کو اِس سے کیا مطلب
غرور ہم کو مِٹانا ہے التجا کرکے

غرورِ کبر نے آخر گناہگار کیا
ڈبو دیا مجھے مشہور پارسا کرکے

بیخود دہلوی

 

[طارق شاہ]

غنیمت ہے ثاقب کا دم لکھنؤ میں
وہ جو کچھ بُرا یا بھلا جانتا ہے

ثاقب لکھنوی

 

[طارق شاہ]

ذرا سی خاک سے پیدا ہُوا تھا دل لیکن
جہاں سمائے جہاں، ایسا دوسرا نہ مِلا

ثاقب لکھنوی

 

[طارق شاہ]

شوقِ پابوسئ محبُوب تھا ورنہ ثاقب
سنگِ در پر کوئی موقع تھا جبیں سائی کا

ثاقب لکھنوی

 

[طارق شاہ]

معرفت غم کی نہیں، اور پُوچھتے ہیں حالِ ہجر
بس یہی کہدوں گا کہ ، آرام ہی آرام تھا

ثاقب لکھنوی

 

[طارق شاہ]

نہیں منت کشِ تاب شُنیدن داستان میری
خموشی گفتگو ہے ، بے زبانی ہے زباں میری

علامہ اقبال

 

[طارق شاہ]

شیوۂ عشق نہیں حُسن کو رُسوا کرنا
دیکھنا بھی تو اُنھیں دُور سے دیکھا کرنا

مولانا حسرت موہانی

 

[طارق شاہ]

گُلشن پرست ہُوں مجھے گُل ہی نہیں عزیز
کانٹوں سے بھی نِباہ کیے جارہا ہوں میں

جگرمُراد آبادی

 

[طارق شاہ]

یُوں زندگی گزُار رہا ہُوں تِرے بغیر
جیسے کوئی گنُاہ کیے جارہا ہوں میں

جگرمُراد آبادی

 

[طارق شاہ]

مجھ سے جگر، ہُوا ہے ادا جستُجو کا حق
ہر ذرّے کو ، گواہ کیے جارہا ہوں میں

جگرمُراد آبادی

 

[طارق شاہ]

صد شُکر ریزہ ریزہ کا خدشہ نہیں رہا
دل ضبط و اعتبار میں خستہ نہیں رہا

شفیق خلش

 

[طارق شاہ]

رہینِ دل ہو تو ہر فکر ہر خیال میں تم
رہے ہو تم ہی تو ہر راہ ہمسفر میرے

شفیق خلش

 

[طارق شاہ]

نہیں ہو پاس بھی، ہو پاس تم مگر میرے
وہ اور بات تھی ہوتے جو تم اگر میرے

شفیق خلش

 

[طارق شاہ]

چھانی نہ جس کی خاک، وفا کی تلاش میں
ایسا کوئی بھی شہر، یا قصبہ نہیں رہا

شفیق خلش

 

[طارق شاہ]

کیا عجب بات ہو گئی سائیں
نفی اثبات ہو گئی سائیں

دل ہراِک امتحاں میں جیت گیا
عقل کو مات ہو گئی سائیں

آپ ہم کو نصیب کیا ہوتے
کچھ کرامات ہوگئی سائیں

باقر زیدی

 

[طارق شاہ]

حالِ دل نا سازگار بھی تو نہیں
پر دِلوں کو قرار بھی تو نہیں

کوئی کچّے گھڑے پہ کیا تیرے
عشق دریا کے پار بھی تو نہیں

ہارنا چاہتے ہیں دل اپنا
اپنی قسمت میں ہار بھی تو نہیں

باقر زیدی

 

[طارق شاہ]

اپنی مٹّی کو چھوڑنے والے
بے سبب بے دیار بھی تو نہیں

مرگِ انبوہ جشنِ عام بنا
اب کوئی سوگوار بھی تو نہیں

باقر زیدی

 

[طارق شاہ]

دیارِ عشق میں یہ دھاندلی نہیں ہوتی !
کسی نے کام کیا ہو ، کسی کا نام آئے

باقر زیدی