آپ کے پسندیدہ اشعار!

[طارق شاہ]

اِک نہ اِک ظُلمت سے وابستہ ہی رہنا ہے تو جوش !
زندگی پہ ، سایۂ زُلفِ پریشاں ، کیوں نہ ہو

جوش ملیح آبادی

 

[غ۔ن۔غ]

شاعر ؟
حق بہ حقدار ، ضروری ہے

جی بالکل بجا ارشاد فرمایا آپ نے
افسوس کہ میرے علم میں نہیں، اگر معلوم ہوا تو ضرور یہاں شیئر کرونگی۔

 

[طارق شاہ]

دل میں نازاں کہ تِری صُورتِ زیبا دیکھی
آنکھ حیراں ، کہ اِک حُسن کی دُنیا دیکھی

پہلے آنکھیں ہوئیں گرویدہ ، پھر آنکھوں کی طرح
چاہنے ، دل بھی لگا آپ کو ، دیکھا دیکھی

زُلفِ شب رنگ پہ ، گُلنار لباسی کی بہار
آج حسرت نے رُخِ یار میں کیا کیا دیکھی

حسرت موہانی

 

[غ۔ن۔غ]

راز و نیازِ عشق میں کیا دخل ہے تیرا
ہٹ فکرِ روزگار غزل کہہ رہا ہوں میں

 

[طارق شاہ]

راز و نیازِ عشق میں کیا دخل ہے تیرا
ہٹ فکرِ روزگار غزل کہہ رہا ہوں میں

راز و نیازِ عشق میں ، کیا دخل ہے تِرا
ہٹ فکرِ روزگار غزل کہہ رہا ہوں میں
ناصر کاظمی

 

[طارق شاہ]

یہاں تو سب ہی سِتم دیدہ ، غم گزیدہ ہیں !
کرے گا کون بَھلا زخم ہائے دل کا شُمار

اخترالایمان

 

[طارق شاہ]

جنگ چھڑ جائے ہم اگرکہہ دیں !
یہ ہماری زبان ہے پیارے

عرض مطلب سمجھ کے ہو نہ خفا
یہ تو اک داستان ہے پیارے

حفیظ جالندھری

 

[طارق شاہ]

ساری دُنیا کو ہے غلط فہمی
مجھ پہ تو مہربان ہے پیارے

بزم ہے، احتراز ہی کیا ہے
پردہ سا درمیان ہے پیارے

حفیظ جالندھری

 

[طارق شاہ]

ادا ادا تِری موجِ شراب ہو کے رہی
نگاہِ مست سے دُنیا خراب ہو کے رہی

جلیل حسن جلیل

 

[طارق شاہ]

تِری گلی کی ہوا ، دل کو راس کیا آتی
ہُوا یہ حال، کہ مٹّی خراب ہو کے رہی

جلیل حسن جلیل

 

[طارق شاہ]

مِرے مذاقِ سُخن کو سُخن کی تاب نہیں
سُخن ہے نالۂ دل ، نالۂ رباب نہیں

حفیظ جالندھری

 

[طارق شاہ]

اگر وہ فتنہ ، کوئی فتنۂ شباب نہیں
تو حشر میرے لئے وجہِ اضطراب نہیں

حفیظ جالندھری

 

[طارق شاہ]

ثبات بحرِ جہاں میں نہیں کِسی کو امیر
اِدھر نمود ہُوا، اور اُدھر حباب نہ تھا

امیر مینائی

 

[طارق شاہ]

یوں روز ہُوا کرتے تھے بیساختہ چکّر
اب آج بُلایا ہے تو جانا نہیں آتا

رضا لکھنوی
(سیّد آل رضا )

 

[طارق شاہ]

ہے دیکھنے ہی کا وقفہ ، جسے سمجھتے ہیں
رضا وہ دُھوپ چڑھی، دن ڈھلا، وہ شام ہُوئی

رضا لکھنوی

 

[طارق شاہ]

یہ بزمِ مے ہے، یاں کوتاہ دستی میں ہے محرومی
جو بڑھ کر خود اُٹھالے ہاتھ میں مینا اُسی کا ہے

شاد عظیم آبادی

 

[طارق شاہ]

چشمِ خُوں بستہ سے ، کل رات لہو پھر ٹپکا
ہم تو سمجھے تھے کہ، اے میر، یہ آزار گیا

میر تقی میر

 

[طارق شاہ]

لے لِیا کام ، جو لینا تھا غمِ ہستی نے !
گرچہ ثابت نہ ہُوئی میری حقیقت اُس کو

جگر مُراد آبادی

 

[طارق شاہ]

تباہی بھی ہے اِک نِشانِ ہدایت
لُٹے اِس قدر رہنما ہو گئے ہم

ساغر نظامی

 

[طارق شاہ]

ہوتے ہی جواں، ہوگئی پابندِ حجاب اور
گھونگھٹ کا اضافہ ہوا بالائے نقاب اور

جب میں نے کہا کم کروآئینِ حجاب اور
فرمایا بڑھا دُوں گی ابھی ایک نقاب اور

سائل دہلوی