آپ کے پسندیدہ اشعار!

[طارق شاہ]

پیارے ، تِری صُورت سے بھی اچھّی ہے جو تصوِیر
رکھی ہے ، تجھے میں نے دِکھانے کی لئے ، آ

ڈاکٹر کلیم عاجز

 

[طارق شاہ]

کُچھ ہے خبر تجھے بھی، کہ اُٹھ اُٹھ کے رات کو !
عاشق تِری گلی میں کئی بار ہو گیا

خواجہ میر درد

 

[طارق شاہ]

چاکِ جگر تو سینکڑوں خاطر میں کُچھ نہ تھے
دل کی تپش کے آگے میں ناچار ہو گیا

خواجہ میر درد

 

[طارق شاہ]

کڑھنے پہ مِرے جی نہ کڑھا ، تیری بَلا سے
اپنا تو نہیں غم مجھے ، غمخوار ہُوں تیرا

خواجہ میر درد

 

[طارق شاہ]

تُو چاہے نہ چاہے، مجھے کُچھ کام نہیں ہے!
آزاد ہُوں اِس سے بھی ، گرفتار ہُوں تیرا

خواجہ میر درد

 

[طارق شاہ]

میں اپنے دَور کے ہر تجربے میں زندہ ہُوں
مِرے شعوُر کا ماضی ہے حال میں گُم سا

فضا ابن فیضی

 

[طارق شاہ]

شعورِ ذات و شعورِ جمال میں گُم سا
ہُوں اپنی شوخیِ فکر و خیال میں گُم سا

فضا ابن فیضی

 

[طارق شاہ]

سُنا زبان سے اُس بُت کی ، بارہا ہم نے !
وہ دل کا راز جو ہم پر بھی آشکار نہ تھا

بیخود بدایونی
(مولانا عبدالحی)

 

[طارق شاہ]

پڑے ہیں اپنی ہی آنکھوں پہ پردے غفلت کے
نظر سے دُور تو رہنا ، تِرا شعار نہ تھا

بیخود بدایونی
(مولانا عبدالحی)

 

[طارق شاہ]

ہجرِ ساقی میں دھرا کیا خاک میخانے میں تھا
خُون میری حسرتوں کا میرے پیمانے میں تھا

بیخود بدایونی
(مولانا عبدالحی)

 

[طارق شاہ]

موت سے بدتر تھی مجھ کو تو قفس میں زندگی
دانہ کیا کھاتا بھلا میں ، زہر ہر دانے میں تھا

بیخود بدایونی
(مولانا عبدالحی)

 

[طارق شاہ]

یہ دنیا ہے، ہنسا کرتی اوروں کی مصیبت پر
تِرا رونا یہاں اے چشمِ گریاں کون دیکھے گا

فضل الہیٰ مخموردہلوی

 

[طارق شاہ]

ہم اپنا حالِ دل ہرگز نہ تجھ سے کہتے اے قاصد
اگر ہوتا وسیلہ یار تک اپنی رسائی کا

فضل اللہ خان قندہاری

 

[طارق شاہ]

مریضِ عشقِ جاناں کا مداوا وصلِ جاناں ہے
طبیبوں سے کہو لکھتے ہو کیوں نسخہ دوائی کا

فضل اللہ خان قندہاری

 

[طارق شاہ]

یُوں حسرتوں کے داغ محبت میں دھو لیے
خُود دل سے دل کی بات کہی اور رو لیے

راجندر کرشن

 

[طارق شاہ]

گھر سے چلے تھے ہم تو خُوشی کی تلاش میں
غم راہ میں کھڑے تھے وہی ساتھ ہو لیے

راجندر کرشن

 

[طارق شاہ]

آواز دے کے چُھپ گئی ہر بار زندگی
یم ایسے سادہ دل تھے کہ ہر بار آ گئے

احمد فراز

 

[طارق شاہ]

پاؤں رُکے ، نہ دَشت کی وُسعت تمام کی
ہم نے تو عمر بھر یونہی ہجرت تمام کی

میثم علی آغا

 

[طارق شاہ]

صد شُکر ریزہ ریزہ کا خدشہ نہیں رہا
دل ضبط و اعتبار میں خستہ نہیں رہا

شفیق خلش

 

[طارق شاہ]

پھر سے ہمارے دل میں مکیں بن کےآ رہو
ٹوٹے اب اس مکان کو رستہ نہیں رہا

شفیق خلش