آپ کے پسندیدہ اشعار!

[خالد محمود چوہدری]

تیڈے فارغ وقت دے شغل جو ہن
جیویں دل آکھی اُوویں رول ودا

نامعلوم

 

[ملک عدنان احمد]

سلگ اٹھے ہیں کناروں پہ سنگریزے بھی
گرا ہے ٹوٹ کے پانی میں حوصلہ کس کا ؟
(نامعلوم)

 

[طارق شاہ]

اِن دنوں بخت نارسا ہے کُچھ !
چاہتا کُچھ ہوں ہو رہا ہے کُچھ

یہ زمین مصحفی کی اچھی ہے
کُچھ کی تکرار میں مزہ ہے کُچھ
باقر زیدی

 

[ملک عدنان احمد]

اِن دنوں بخت نارسا ہے کُچھ !
چاہتا کُچھ ہوں ہو رہا ہے کُچھ

یہ زمین مصحفی کی اچھی ہے
کُچھ کی تکرار میں مزہ ہے کُچھ
باقر زیدی

واہ۔۔ خوب کہا

 

[طارق شاہ]

یہ اور بات ہے دستِ رسا گریزاں تھا
مگر احاطۂ امکاں میں خوش بدن تو رہے

باقر زیدی

 

[طارق شاہ]

دِلوں میں حوصلہ اب بھی ہے ٹوٹ جانے کا
مزاجِ یار میں اگلا سا بانکپن تو رہے

باقر زیدی

 

[طارق شاہ]

نشترِ یاد نہ کم ہجر کے کانٹوں سے ذرا
دل ہُوا جس سے دریدہ مِرا داماں کی طرح

شفیق خلش

 

[طارق شاہ]

بالیں پہ کہیں رات ڈھل رہی ہے
اک سُخن مطربِ زیبا کہ سلگ اُٹھے بدن
جرس گُل کی صدا
فرشِ نو میدئ دیدار
ٹوٹی جہاں جہاں پہ کمند


بالیں پہ کہیں رات ڈھل رہی ہے
یا شمع پگھل رہی ہے
پہلو میں کوئی چیز جل رہی ہے
تم ہو کہ مری جاں نکل رہی ہے

فیض احمد فیض

 

[طارق شاہ]

نسخۂ الفت میرا
اگر کسی طور، ہراِک الفتِ جاناں کا خیال
شعر میں ڈھل کے ثنائے رُخِ جانانہ بنے
پھر تو یُوں ہو کہ مِرے شعر وسُخن کا دفتر
طول میں طولِ شبِ ہجر کا افسانہ بنے
ہے بہت تشنہ مگر نسخۂ اُلفت میرا
اس سبب سے کہ ہر اک لمحۂ فرصت میرا
دل یہ کہتا ہے کہ ہو قربتِ جاناں میں بسر

فیض احمد فیض

 

[نوید رزاق بٹ]

شب جو مسجد میں جا پھنسے مومن
رات کاٹی خدا خدا کرکے

- مومن​

 

[ملک عدنان احمد]

بات ٹھہری جو عدل پر واعظ
پھر یہ منت یہ التجا کیا ہے ؟

(مرزا اسداللہ خاں غالب)

 

[عبدالقیوم چوہدری]

جنوں کے شہر میں، سر بیچتے تھے مفت دیوانے
ادا کرنے یہی خوش رسم، ہم بازار تک آئے !!!

 

[طارق شاہ]

کچھ داغِ دل سے تھی مجھے اُمّید عشق میں
سو رفتہ رفتہ وہ بھی چراغِ سحر ہُوا

جگرمراد آبادی

 

[طارق شاہ]

تھم تھم کے اُن کے کان میں پہنچی صدائے دل
اُڑ اُڑ کے رنگِ چہرہ مِرا نامہ بر ہُوا

سِینے میں پھر بھڑکنے لگی آتشِ فراق
دامن میں پھر مُعاملۂ چشمِ تر ہُوا

رگ رگ نے صدقے کر دیا سرمایۂ شکیب
اللہ ، کِس کا خانۂ دل میں گزُر ہُوا

جگرمُراد آبادی

 

[طارق شاہ]

فریاد کیسی ، کِس کی شکایت ، کہاں کا حشر
دنیا اُدھر کی ٹوٹ پڑی وہ جدھر ہُوا

حسرت اُس ایک طائرِ بے کس پر ، اے جگر
جو فصلِ گل کے آتے ہی بے بال و پر ہُوا

جگرمُراد آبادی

 

[طارق شاہ]

ہیں ابھی خاکسترِ مُلّا میں کچُھ چنگاریاں
شُعلۂ ہستی قریبِ اِختمام آیا تو کیا

آنند نرائن ملّا

 

[طارق شاہ]

پُر ہے تیرے ذکر سے اپنی حدیثِ زندگی
اِس میں بُھولے سے اگر دل کا بھی نام آیا تو کیا

آنند نرائن ملّا

 

[طارق شاہ]

ہاں یاد ہے کسی کی وہ پہلی نگاہِ لُطف
پھرخُوں کویوں رگوں میں نہ دیکھا رواں کبھی

آنند نرائن مُلّا

 

[طارق شاہ]

ہم آہنگی بھی تیری، دُورئ قربت نُما نِکلی
کہ تجھ سے مِل کے بھی تجھ سے مُلاقاتیں نہیں ہوتیں

فراق گورکھپوری

 

[طارق شاہ]

ایک مُدّت سے تِری یاد بھی آئی نہ ہمیں
اور ہم بھول گئے ہوں تجھے ایسا بھی نہیں

فراق گورکھپوری