اردو محفل سالانہ عالمی مشاعرہ ۲۰۲۱ء

[محمد خلیل الرحمٰن]

آپ کا بھی شکریہ۔ بدقسمتی سے آپ کا کلام سننے کا موقع تب نہ مل پایا۔ بس بالکل آخر میں جب آپ ترنم سے پڑھ رہے تھے تو وہ اشعار سنے۔ بہت لطف آیا۔

آداب عرض ہے!

 

[علی وقار]

متفق! کیا کمال ہے یہ لڑکی؟

فی زمانہ اس قدر اخلاص عنقا ہے، نا پید ہے۔ گُلِ یاسمیں ایک بار پھر آپ کا شکریہ۔

 

[محمد احسن سمیع راحلؔ]

میری بدقسمتی کہ سب کو نہ سُن پایا۔ احسن بھائی نے عمدہ انداز میں میزبانی کی۔ میں صابرہ بہن سے متاثر ہوا، انداز بیان بہت عمدہ تھا۔ شکیل بھائی کہنے کو نروس تھے مگر کلام میں بہت جان تھی۔ اس کے بعد میں عاطف بھائی کو ہی سن پایا۔ زبردست کلام! اب تک ان کو ہی سُن پایا ہوں۔ پھر سے پروگرام دیکھنے کا موقع ملا تو رائے دے پاؤں گا۔ استاد محترم الف عین کی موجودگی کے باعث محفل کو چار چاند لگ گئے ہیں۔

وقار بھائی مکمل وڈیو یوٹیوب پر محفوظ ہے، جب سہولت ہو سن سکتے ہیں.

 

[محمد تابش صدیقی]

شرکائے محفل

 

[عرفان علوی]

عرفان علوی بھائی کا سلام آداب سب کے لئے
راحل بھائی کا شکریہ اتنی عمدہ محفل سجانے کے لئے۔

قطعات

تدبیرِ احتیاط کا عالم نہ پوچھئیے
ہر ایک ناؤ ٹہرے ہوئے پانیوں میں ہے
ساحل پہ جا پہنچنے کی خواہش بجا ،مگر
لُطفِ سفر تو اصل میں طغیانیوں میں ہے


نیتِ مطلب پرستی کو چھپانے کے لئے
اپنے مقصد کو ذرا ابہام دے دیتے ہیں لوگ
آج کی دنیا میں سچی دوستی نایاب ہے
مصلحت کو دوستی کا نام دے دیتے ہیں لوگ

سَر ہم نے ستاروں کو کیا اور زمیں کے
کل جیسے تھے حالات کم وبیش وہی ہیں
جنگیں بھی ہیں خوں ریزی بھی نفرت بھی ہے شر بھی
یعنی کہ مسائل ہمیں کو درپیش وہی ہیں

واہ بہت خوب قطعات پیش کئے آپ نے بھائی

داد قبول کیجئیے

گل یاسمین صاحبہ ، ایک معمولی تصحیح کی ضرورت اور محسوس ہوئی .

ہمیں کو درپیش -> ہمیں درپیش

 

[علی وقار]

وقار بھائی مکمل وڈیو یوٹیوب پر محفوظ ہے، جب سہولت ہو سن سکتے ہیں.

جی ضرور۔

 

[عرفان علوی]

علوی صاحب آپ کی شرکت بھی مشاعرے میں بہت اچھی لگی ۔ سلامت باشید ۔

نوازش ، عاطف صاحب !

 

[محمد احسن سمیع راحلؔ]

آپ کی محبت ھے سیما آپا ۔ یوٹیوب کا لنک عنایت کیجیے ۔ صاحب کو دیکھنا ہے بھئی ۔

اسی لڑی کی تیسری پوسٹ میں ہے

 

[عرفان علوی]

شکریہ! آپ کا کلام اور انداز بیان لاجواب تھا۔

بہت شکریہ ، علی وقار صاحب !

 

[علی وقار]

شرکائے محفل

سلامت رہیں سبھی شرکائے محفل اور ہم ان کے احسان مند ہیں کہ ہمارے لیے یہ بزم سجائی بالخصوص محترم الف عین

 

[محمد احسن سمیع راحلؔ]

میزبانی کا معیار اعلیٰ رہا۔ اشعار ترنم سے پڑھے آپ نے۔ اچھا لگا۔ شعرائے کرام کے تعارف کے لیے آپ کے الفاظ کا چناؤ پسند آیا کہ اس میں غلو کی آمیزش نہ ہونے کے برابر تھی۔

بہت نوازش وقار بھائی ... محض آپ کا حسن ظن اور محبت ہے. جزاک اللہ

 

[خورشیداحمدخورشید]

سر ! اتنی خوبصورت لڑی پہ بہت مبارکباد
ایسا لگا کہ آپ لو گ سامنے بیٹھے ہیں اور ہم آپکے کلام سے محظوظ ہو رہے ہیں

 

[عرفان علوی]

وعلیکم السلام

جی درست کر دئیے ہم نے۔
دراصل آپ لوگوں کے بولنے کی رفتار کے مطابق ہمارے ہاتھ نہ چل پا رہے تھے۔ جلدی جلدی لکھا اور سوچا تھا کہ اسی ترتیب سے پوسٹ ہوں جس ترتیب سے آپ شریک ہو رہے ہیں۔
کچھ الفاظ کے متعلق شک تھا کہ درست نہ لکھے ہوں گے اور انھیں بعد میں دیکھ کر تدوین کر دیں گے۔
بہت زبردست مشاعرہ رہا۔ ما شاء اللہ

گل یاسمین صاحبہ ، تہِ دِل سے شکریہ ! آپ نے جو کیا وہ قابل تعریف اور حیرت انگیز ہے . دو ایک غلطیوں كے باوجود آپ کو پورے نمبر دیے جاتے ہیں !

 

[گُلِ یاسمیں]

گل یاسمین صاحبہ ، ایک معمولی تصحیح کی ضرورت اور محسوس ہوئی .

ہمیں کو درپیش -> ہمیں درپیش

جی بھائی یہ بھی کر دیا

 

[محمد عبدالرؤوف]

گُلِ یاسمیں کیا ٹائپ کرنے کے لیے کوئی ٹیم بلا رکھی تھی

 

[صابرہ امین]

صابرہ آپا آپ کچھ کچھ پروین شاکر جیسی لگ رہی ہیں۔

سلامت رہئیے

گل یہ آپ کے اندر کی محبت ہے جو سب کو اچھا بنا دیتی ہے ۔ اللہ ہمیشہ آپ کو خوش رکھے ۔

 

[محمد احسن سمیع راحلؔ]

سائیں یاسر شاہ سے ہمیں شکوہ ہے ... باوجود ہامی بھرنے کے شریک نہیں ہوئے

 

[محمد عبدالرؤوف]

سائیں یاسر شاہ سے ہمیں شکوہ ہے ... باوجود ہامی بھرنے کے شریک نہیں ہوئے

دن کے وقت تک تو شرکت کرنے کا ان کا ارادہ تھا باقی اللہ خیر کرے پتہ نہیں کیوں نہیں شریک ہو سکے

 

[محمد احسن سمیع راحلؔ]

سائیں یاسر شاہ سے ہمیں شکوہ ہے ... باوجود ہامی بھرنے کے شریک نہیں ہوئے

حالانکہ اب کی بار تو قومی T20 اسکواڈ میں شامل بھی نہیں

 

[گُلِ یاسمیں]

سائیں یاسر شاہ سے ہمیں شکوہ ہے ... باوجود ہامی بھرنے کے شریک نہیں ہوئے

ہمیں بھی کسوٹی میں شرکت کا کہا تھا مگر غائب ہی ہیں تب سے۔