اردو محفل کا سکول (5)

[ناعمہ عزیز]

دل' دیا '۔سمندر

تقدیر اپنا بیشتر کام انسانوں کے اپنے فیصلے میں ہی مکمل کرلیتی ہے ۔۔
انسان ایک راہ چلتے چلتے دوزخ تک جا پہچنتا ہے ۔۔
وہ فیصلہ کرتےکرتے بہشت میں داخل ہوجایا کرتا ہے ۔۔۔۔۔
بہشت یا دوزخ انسان کا مقدر ہیں لیکن یہ مقدر انسان کے اپنے فیصلے کے اندر ہے ۔۔

از
واصف علی واصف

 

[ناعمہ عزیز]

کیسے میں مان لوں ، کوئی میرا نہیں رھا؟؟
جب تک خدا کی ذات ھے تنہا نہیں ھوں میں

 

[ناعمہ عزیز]

آؤ آنکھ مچولی کھیلیں اور ایک دوسرے کو تلاش کریں!!
دیکھو! اگر تم میرے دل میں چھپے تو میرے لئے تمہیں ڈھونڈ لینا دشوار نہیں۔
لیکن اگر تم اپنی دیوار ہستی کے پیچھے چھپ گئے تو لوگوں کا تم تک پہنچنا ایک سعی لاحاصل ہوگا۔

(اقتباس: جبران خلیل جبران کی کتاب "ریت اور جھاگ" سے)

 

[ناعمہ عزیز]

انسان کی خواہشات سے اللہ کو دلچسپی نہیں ہے،وہ اس کی تقدیر اپنی مرضی سے بناتا ہے۔اسے کیا ملنا ہے اور کیا نہیں ملنا، اس کا فیصلہ وہ خود کرتا ہے۔ جو چیز آپ کو ملنی ہے، آپ اس کی خواہش کریں یا نہ کریں، وہ آپ ہی کی ہے،وہ کسی دوسرے کے پاس نہیں جائے گی،مگر جو چیز آپ کو نہیں ملنی، وہ کسی کے پاس بھی چلی جائے ، مگر آپ کے پاس نہیں آئے گی۔ انسان کا مسلئہ یہ ہے کہ وہ جانے والی چہز کے غم میں رہتا ہے، آنے والی چیز کی خوشی اسے مسرور نہیں کرتی۔

( عمیرہ احمدکی تصنیف “ ایمان،امید اور محبت “ سے اقتباس

 

[ناعمہ عزیز]

زندگی میں ہمارے ساتھ چلنے والا ہر شخص اس لیے نہیں ہوتا کہ ہم ٹھوکر کھا کر گریں اور وہ ہمیں سنبھال لے ہاتھ تھام کر، گرنے سے پہلے یا بازو کھینچ کر گرنے کے بعد ...... بعض لوگ زندگی کے اس سفر میں ہمارے ساتھ صرف یہ دیکھنے کے لیے ہوتے ہیں کہ ہم کب کہاں اور کیسے گرتے ہیں۔ لگنے والی ٹھوکر ہمارے گھٹنوں کو زخمی کرتی ہے یا ہاتھوں کو، خاک ہمارے چہرے کو گند ا کرتی ہے یا کپڑوں کو۔

(اقتباس: عمیرہ احمد کے ناول "تھوڑا سا آسمان" سے)

 

[پپو]

مانگنے والے کو دیتے ہوئے یہ مت دیکھو کہ وہ اسکا حقدار ہے کہ نہیں کیونکہ بہت سی چیزوں کے تم حقدار نہیں ہو جو تمہارے پاس ہیں۔ واصف علی واصف

 

[شمشاد]

ماشاء اللہ محنتی بچے ہیں، خوب دل لگا کر محنت کر رہے ہیں۔

 

[ناعمہ عزیز]

وہ فرمانے لگی کہ جب آدمی کا دل بہت تنگ ہو جائے ،غصہ میں ہو ،شدت میں ہو،تو وہ اپنا وجود چھوڑ دیتا ہے اور آدمی جب اپنا وجود چھوڑ دیتا ہے تو وہ برہنہ ہو جاتا ہے اور پھر اس کے اوپرکوئی بھی چیز حملہ کر سکتی ہے . اپنے بچاؤ کا سب بہترین طریقہ یہ ہے کہ آپ ہمیشہ اپنے وجود کے اندر رہیں اور جب آپ کے اوپر کوئی ایسی بپتا پڑنے والی ہو جس کا آپ کو اندیشہ ہو تو پھر آپ کو حق ہے کہ آپ ٹٹول کر دیکھ لیں۔
اقتباس زاویہ سوم
باب: وجود کا بچہ جمورا

 

[ناعمہ عزیز]

کیا یہاں سے میری کچھ پوسٹس حذف کر دی گئی ہیں؟؟

 

[ناعمہ عزیز]

ہر کوئی اس بحث کو جیتنے کے چکر میں ہو گا، تاویلیں پیش کی جائیں گی، اور گھنٹوں صرف کیے جائیں گے۔ حالانکہ ان کا اس بحث سے لینا دینا کچھ نہیں ہوتا، بس وقت صرف کرنا مطلوب ہوتا ہے اور ایک وجہ دوسروں کو نیچا دکھانے کی ہوتی ہے۔
ایک دوسرے پر یہ ثابت کرنا چاہ رہا ہوتا ہے کہ میں تم سے زہانت کے اعلٰی درجہ پر فائز ہوں، زیادہ معلومات رکھتا ہوں اور تم تو بس ایسے ہی ہو اور تمھارا کوئی کھاتہ نہیں ہے۔ افسر ماتحت پر رعب جمانے کے چکر میں ہوتا ہے، اور ہماری طرح کے بوڑھے نوجوانوں پر بڑائی اور دانائی کا عکس ڈالس میں فخر محسوس کرتے ہیں۔
زاویہ سوئم کے باب، لاچے والا کے صفحہ ستائیس سے اقتباس

 

[شمشاد]

کیا یہاں سے میری کچھ پوسٹس حذف کر دی گئی ہیں؟؟

حذف اس لیے ہوئی ہیں کہ ایک ہی مراسلہ تین دفعہ پوسٹ ہوا تھا۔

 

[ناعمہ عزیز]

آہاں میں بھی کہوں کچھ کم لگ رہی ہیں۔

 

[عائشہ عزیز]

یہ صحیح ہے کہ انسان پہاڑوں سے اونچا نہیں ہوسکتا لیکن ایک عادت ایسی ہے جسے اختیار کرے تو پہاڑوں سے زیادہ بلند ہوسکتاہے اوروہ عادت خوش اخلاقی ہے ۔ خوش اخلاقی ایک ایسا ہتھیار ہے جس کے ذریعے دشمن کو دوست بنایا جاسکتاہے ۔

 

[عائشہ عزیز]

احسانوں کے بدلے تب چکائے جاتے ہیں جب تعلق توڑنا ہو جہاں محبت ہو وہاں تو احسان رکھا جاتا ہے اور کیا جاتا ہے ۔

 

[شمشاد]

مختلف قسم کے سلاموں کے مطلب

السلام علیکم = تم پر سلامتی ہو

اسام علیکم = تم کو موت آئے

اساعیکم = تم خوشیوں کو ترسو

سلاما لیکم = تم پر لعنت ہو

سام علیکم = تم برباد ہو

ایک دوسرے پر سلامتی بھجیئے نا کہ اُن کو بد دعاؤں سے نوازیں۔ اپنے سلام کی اصلاح کیجیے اور دوسروں کو بھی بتائیے۔

 

[عائشہ عزیز]

بندہ جب منافقت کی سیڑھیاں چڑھنا شروع کردیتا ہے تو اسے جھوٹ بولنے کی عادت ہوجاتی ہے ۔

 

[عائشہ عزیز]

شام کو بھوکا سوجانا صبح کے وقت قرض کے ساتھ جاگنے سے بہتر ہے ۔

 

[عائشہ عزیز]

جو شخص ناممکن کے پیچھے بھاگتا ہے، وہ ممکن سے بھی رہ جاتا ہے ۔

 

[عائشہ عزیز]

کسی سے مشورہ لینا بُرا نہیں مگر کسی کے مشورے پر سوچے سمجھے بغیر عمل کرنا بُرا ہے ۔

 

[ناعمہ عزیز]

یہ جسم اور دل بارے بیری ہیں اک دوسرے کے سر جی . جسم روندا جاتے تو یہ دل کو بسنے نہیں دیتا دل مٹھی بند رہے تو یہ جسم کی نگری تباہ کر دیتا ہے ____ ان دونوں کو کبھی آزادی نصیب نہیں ہوتی ،اللہٰ جانے کیوں میرے مولا نے ان کو اک ہی ہتھکڑی پہنا دی ہے.
راجہ گدھ بانوقدسیہ صفحہ ٣٦٣