اردو محفل کا سکول

[سارا]

دو ماہ کی نہیں صرف ایک مہینے کی۔۔۔
دراصل ماوراء نے ایک کام سے یہاں بلایا تھا تب سے مسلسل آ رہی ہوں۔۔تقریباً ایک مہینے سے اوپر ہو گیا ہے۔۔۔
غیر حاضر بھی بس کچھ مہینے ہی رہی تھی۔۔۔
ابھی تو مجبوری کے باعث چھٹی چاہیے۔۔۔

 

[شمشاد]

چلیں آپ کی بات مان لیتے ہیں۔ ویسے خیریت تو ہے ناں۔

 

[سارا]

جی الحمد للہ سب خیریت ہے۔۔۔
ہم پرسوں دوسری جگہ شفٹ ہو رہے ہیں انشا اللہ،ٹیلی فون اور نیٹ وہاں ٹرانسفر کرایا ہے کل فون تو لگ جائے گا لیکن وہاں ایک مہینے تک نیٹ کی سہولت نہیں ہو گی

 

[شمشاد]

اسکول نہ آنے کی معقول وجہ بیان کی گئی ہے، اس لیے چھٹی منظور۔

 

[سارا]

شکریہ۔۔۔

 

[ثناءاللہ]

بھائی آپ آیا تو کریں۔ آپ سے تو سب پیار کرتے ہیں۔

آپ کی بات تو بجا ہے
بخدمت جناب ماشٹر جی۔
دس پندرہ دن سے بیمار تھا جس کی وجہ سے سکول میں حاضر ہونے سے قاصر تھا اب پچھلیاں غیر حاضریاں چٹھیوں میں تبدیل کر دیں۔ شکریہ
آپ کی عین نوازش ہو گی۔
العارض
آپ کا تابعدار شاگرد
فدوی
محمد ثناءاللہ

 

[شمشاد]

کوئی ڈاکٹری یا کسی حکیم کا سرٹیفیکیٹ بھی لائے ہیں یا صرف سیانوں کی پھونکوں سے ہی علاج ہوتا رہا ہے؟

 

[عمار ابن ضیا]

حضرت نواس بن سمعان رضی اللہ عنہ سے روایت ہے، رسول اللہ صلی اللہ علیہ وسلم نے فرمایا:
"گناہ وہ ہے جو تیرے دل میں کھٹکے۔"

 

[شمشاد]

بہت اچھے عمار

آپ کی حاضری ہو گئی۔

 

[سارہ خان]

عقل مند وہ ہے جو اپنی عمر کو غیر ضروری کاموں میں رائیگاں نہ کرے ۔۔(افلاطون)

 

[تیلے شاہ]

دو ماہ کی نہیں صرف ایک مہینے کی۔۔۔
دراصل ماوراء نے ایک کام سے یہاں بلایا تھا تب سے مسلسل آ رہی ہوں۔۔تقریباً ایک مہینے سے اوپر ہو گیا ہے۔۔۔
غیر حاضر بھی بس کچھ مہینے ہی رہی تھی۔۔۔
ابھی تو مجبوری کے باعث چھٹی چاہیے۔۔۔

میرے اللہ یہ میری گنہگار آنکھیں کسی کی پوسٹ دیکھ رہی ہیں
مجھے تو یقین نہیں آرہا اپنی آنکھوں پر۔

 

[شمشاد]

کچھ یہی صورتحال شاہ جی میرے ساتھ بھی ہے۔
مجھے بھی یقین نہیں آ رہا۔ آج آپ کیسے بھول پڑے؟

 

[شمشاد]

سارہ جی آپ کی اور سارا جی آپ کی بھی حاضری ہو گئی۔

 

[شمشاد]

شاہ جی میں نے آپ کی حاضری لگا دی ہے لیکن یہ تو بتائیں آپ اتنا عرصہ رہے کہاں؟

 

[سارہ خان]

میرے اللہ یہ میری گنہگار آنکھیں کسی کی پوسٹ دیکھ رہی ہیں
مجھے تو یقین نہیں آرہا اپنی آنکھوں پر۔

نیک بندوں کی پوسٹس اتنی جلدی تو نظر نہیں آ سکتی نہ ۔۔۔ وہ بھی گنہگار آنکھوں کو ۔۔ یقین کر لیں ۔۔

 

[شمشاد]

کیوں جی نیک بندوں کی پوسٹیں پیاز کے عرق سے لکھی ہوئی ہوتی ہیں کیا جو نظر نہیں آتیں؟

 

[شمشاد]

لیکن کیا آپ کو پیاز کے عرق سے لکھنے کا راز پتہ ہے؟

 

[سارہ خان]

کیوں جی نیک بندوں کی پوسٹیں پیاز کے عرق سے لکھی ہوئی ہوتی ہیں کیا جو نظر نہیں آتیں؟

ل و ل ۔۔۔ کہ سکتے ہیں ۔۔ گنہگار آنکھوں کے لئے ۔۔

راز تو نہیں پتا مجھے اس میں کیا راز ہو سکتا ہے ۔۔ آپ ہی بتائیں ۔۔

 

[شمشاد]

بہت بڑا راز ہے یہ۔

تھوڑا سا پیاز کا عرق (پانی) لیں اور اس سے سفید کاغذ پر قلم کی مدد سے کچھ بھی لکھیں اور اسے خشک ہونے دیں۔ تو کچھ بھی لکھا ہوا نظر نہیں آئے گا۔ لکھا ہوا دیکھنے کے لیے اس کاغذ کو چولہے پر ذرا سا گرم کریں۔ خیال رہے کہ آنچ کاغذ کو ہی نہ جلا دے۔ جیسے ہی کاغذ آنچ سے گرم ہو گا، لکھا ہوا نیلے رنگ میں ظاہر ہو جائے گا۔

 

[سیدہ شگفتہ]

شمشاد بھائی بہت دلچسپ کھیل ہے یہ ۔

البتہ اس راز سے پیری فقیری میں سادہ لوح افراد کو متاثر کر کے ان کی کمائی اور رقوم بھی بٹوری جاتی ہیں !