اشعار - حروف تہجی کے لحاظ سے

[سارہ خان]

تنقید کر کے میرے ہُنر کی اُڑان پر
تسلیم کر رہا تھا وہ میرے مقام کو

 

[عمر سیف]

ٹوٹا تو کتنے آئینہ خانوں پہ زد پڑی
اٹکا ہوا گلے میں جو پتھر صدا کا تھا

 

[شمشاد]

ث سے معذرت

جوں صبح اس چمن میں نہ ہم کُھل کے ہنس سکے
فرصت رہی جو میر بھی سو یک نفس رہی
(میر)

 

[عمر سیف]

چھڑ گئی جو نگاہوں کے تصادم سے عدم
اب وہ گھر کی گفتگو بھی داستاں ہونے لگی

 

[شمشاد]

حرم کو جانیے یا دیر میں بسر کریے
تری تلاش میں اک دل کدھر کدھر کریے
(میر)

 

[عیشل]

خدا نصیب کرے انہیں دائمی خوشیاں
عدم وہ لوگ جو ہمکو اداس رکھتے ہیں

 

[شمشاد]

دن بھر تو میں دنیا کے دھندوں میں کھویا رہا
جب دیواروں سے دھوپ ڈھلی تم یاد آئے
(ناصر کاظمی)

 

[عمر سیف]

ڈر کچھ اور بھی آہستہ اے نگارِ وصال
کہ ایک عمر سے میں تیرے انتظار میں تھا

 

[شمشاد]

ذکر دوزخ، بیانِ حور و قصور
بات گویا یہیں کہیں کی ہے
(فیض)

 

[محمد وارث]

رونے سے اور عشق میں بے باک ہو گئے
دھوئے گئے ہم ایسے کہ بس پاک ہو گئے


(غالب)

 

[شمشاد]

زاغ کہتا ہے نہایت بدنما ہیں تیرے پر
شپرک کہتی ہے تجھ کو کور چشم و بے ہنر
(علامہ)

 

[عمر سیف]

سزا کے طور پر ہم کو ملا قفس جالب
بہت شوق تھا ہمیں آشیاں بنانے کا

 

[شمشاد]

شاعر کی نوا مردہ و افسردہ و بے ذوق
افکار میں سرمست، نہ خوابیدہ نہ بیدار
(علامہ)

 

[سارہ خان]

صحنِ گُلشن کی ہَوا ہے کہ قضا کی دستک
کتنی سہمی ہُوئی اک ایک کلی ہے اب کے

 

[شمشاد]

ضرور ہوگا کوئی انقلاب دنیا کا
لہو بہت بہا اک قیمتِ لہو نہ رہی
(سرور)

 

[امیداورمحبت]

ضبط غم نے اب تو پتھر کردیا، ورنہ فراز
دیکھتا کوئی کہ دل کے زخم جب آنکھوں میں تھے

(فراز)
​

 

[شمشاد]

طرزِ نو میں بھی آپ رکھتے ہیں
شاعری کی روایتوں کا پاس
لیجئے آگئے زہے قسمت
بزمِ اردو میں مرتضیٰ برلاس
(سرور)

 

[عمر سیف]

ظلمت انتشار میں آنکھیں کھلی رکھو
تم جس کو ڈھونڈتے ہو وہ دنیا ہے سامنے

 

[امیداورمحبت]

عشق کرنے کے بھی آداب ہوا کرتے ہیں
جاگتی آنکھوں کے بھی کچھ خواب ہوا کرتے ہیں

(خالد شریف) ​

 

[عمر سیف]

غیروں سے کہا تم نے غیروں سے سنا تم نے
کچھ ہم سے کہا ہوتا کچھ ہم سے سنا ہوتا