اشعار - حروف تہجی کے لحاظ سے

[سارہ خان]

خواہش کی کسی موج کے ریلے میں رہیں گے
شبنم کی طرح ، صُبح کے میلے میں رہیں گے !

 

[شمشاد]

دل کی بے تابیاں نہ لے ڈوبیں
”ہر کسو کو پُکار اُٹھتا ہے“!
(سرور)

 

[امیداورمحبت]

ذرا سی بات تھی اندیشہ ء عجم نے اسے
بڑ ھادیا ہے فقط زیب داستاں کے لئے

(علامہ اقبال)
​

 

[شمشاد]

رہِ الفت کا ہر ذرہ میرا ہمراز و مونس ہے
فسانہ کوئی کہتا ہے، غزل کوئی سناتا ہے!
(سرور)

 

[سارہ خان]

زمین جلتی ہے اور آسمان ٹوٹتا ہے،
مگر گریز کریں ہم تو مان ٹوٹتا ہے !!
کوئی بھی کام ہو انجام تک نہیں جاتا !
کسی کے دھیان میں پَل پَل یہ دھیان ٹوٹتا ہے

 

[نوید صادق]

سفرِ شام نے رہ رہ کے ڈرایا مجھ کو
جی اُٹھے سنگ و شجر دیکھ کے تنہا مجھ کو

شاعر: خورشید رضوی

 

[شمشاد]

شاخ سے موجِ گُل تھمی ہے کہیں
ہاتھ سے رک سکا بہاؤ کبھی
(پروین شاکر)

 

[عمر سیف]

صبا کا نرم سے جھونکا بھی تازیانہ ہوا
یہ وار مجھ پہ ہوا بھی تو غائبانہ ہوا

 

[شمشاد]

ضمیرِ صدف میں کرن کا مقام
انوکھے انوکھے ٹھکانے ترے
(عدم)

 

[الف عین]

طاق تھے داستں کہنے میں عبید
اب بجز دیدۂ تر یاد نہیں

 

[شمشاد]

ظلمتِ شب میں اجالوں کی تمنا نہ کرو
خواب دیکھا ہے تو اب خواب کو رسوا نہ کرو
(کامران نجمی)

 

[امیداورمحبت]

عشق منت ک قرار نہیں
حسن مجبور انتظار نہیں
اپنی تکمیل کر رہا ہوں میں
ورنہ تجھ سے تو مجھ کو پیار نہیں
فیض​

 

[شمشاد]

غم چھپاتے رہے مسکراتے رہے
محفلوں محفلوں گنگناتے رہے
(بشیر بدر)

 

[عمر سیف]

فہرست محسنوں کی نہایت طویل ہے
مجھ سے میری تباہیوں کی داستاں نہ پوچھ

 

[شمشاد]

قریب موت کھڑی ہے ذرا ٹھہر جاؤ
قضا سے آنکھ لڑی ہے ذرا ٹھہر جاؤ
(سیف الدین سیف)

 

[عمر سیف]

کون کس رنگ میں کتنا ہے کہاں تک موجود
دور رہنے پہ حضوری کا اثر کھلتا ہے

 

[امیداورمحبت]

گیلی لکڑی کی طرح جلنے کی عادت دے گیا
جانے والا جاتے جاتے کیا امانت دے گیا​

 

[عمر سیف]

لگتے ہیں جو پل سہانے وہ ہیں میرے بس خوابوں کے
حقیقت میں کبھی خوشی کا دیدار نہیں ہوت

 

[امیداورمحبت]

مری زمیں میرا آخری حوالہ ہے
سو میں رہوں نہ رہوں اس کو بار ور کردے​

 

[عمر سیف]

ناشناسی دہر کی تنہا ہمیں کرتی گئی
ہوتے ہوتے ہم زمانے سے جدا ہوتے گئے