اشعار - حروف تہجی کے لحاظ سے

[چھوٹاغالبؔ]

آ ، کہ میری جان کو قرار نہیں ہے
طاقتِ بیدادِ انتظار نہیں ہے

1 اینڈ اونلی ۔ قبلہ بڑے غالبؔ

 

[عمر سیف]

اک کرن بھی تو نہیں غم کی اندھیری رات میں
کوئی جگنو، کوئی تارا، کوئی آنسو کچھ تو ہو

 

[چھوٹاغالبؔ]

بس کہ دشوار ہے ہر کام کا آساں ہونا
آدمی کو بھی میسر نہیں انساں ہونا

قبلہ بڑے غالبؔ

 

[عمر سیف]

پتا پوچھے کوئی میرا عدم تو اس سے کہہ دینا
میں سچے اور بھولے بھالے انسانوں میں رہتا ہوں

 

[شمشاد]

پتھر کے جگر والو غم میں وہ روانی ہے
خود راہ بنا لے گا بہتا ہوا پانی ہے
(بشیر بدر)

 

[شمشاد]

تنگ آ چکے ہیں کشمکشِ زندگی سے ہم
ٹھکرا نہ دیں جہان کو کہیں بے دلی سے ہم
(ساحر لدھیانوی)

 

[عمر سیف]

ٹوٹنا یوں تو مقدر ہے مگر کچھ لمحے
پھولوں کی طرح میسر ہو شجر میں رہنا

 

[شمشاد]

ث سے معذرت
------------------------------------------------

جاتی ہے کوئی کشمکش اندوہِ عشق کی
دل بھی اگر گیا، تو وہی دل کا درد تھا
(چچا)

 

[چھوٹاغالبؔ]

ث و الا ایک علامہ اقبال کا شعر ہے "ثبات اک تغیر کو ہے زمانے میں" مگر مجھے اچھی طرح یاد نہیں تھا اس لیے لکھا نہیں تھا۔ خیر

چھوڑا نہ رشک نے کہ تیرے گھر کا نام لوں
ہر ایک سے پوچھتا ہوں، جاؤں کدھر کو میں
قبلہ بڑے غالبؔ

 

[شمشاد]

حیرتوں کے سلسلے سوزِ نہاں تک آ گئے
ہم نظر تک چاہتے تھے تم تو جاں تک آ گئے
(قابل اجمیری)

 

[عمر سیف]

خواب تعبیر سے خالی نہ حیات
بات کہنے کو فسانہ ھی سہی

 

[شمشاد]

دیر و حرم کے حبس کدوں کے ستائے ہیں
ہم آج مے کدے کی ہوا کھانے آئے ہیں
(خمار بارہ بنکوی)

 

[راجہ صاحب]

ذرے آنکھیں دکھائیں سورج کو
اک نہ اک روز یہ تو ہونا تھا
حزیں صدیقی

 

[شمشاد]

​

رچی ہوئی ہے رفاقت میرے رگ و پے میں​

کچھ اس طرح کہ اکیلا چلوں تو گھبراؤں​

(احمد ندیم قاسمی)​

 

[راجہ صاحب]

زندہ رہیں تو کیا ہے جو مر جائیں ہم تو کیا
دنیا سے خامشی سے گزر جائیں ہم تو کیا
منیر نیازی

 

[عمر سیف]

سُنتا ہوں سرنگوں تھے فرشتے میرے حضور
میں جانے اپنی ذات کے کس مرحلے میں تھا

 

[شمشاد]

​

شکر ہے اس نگاہ کم کا میاں​

پہلے ہی ہم کھٹک گئے ہوں گے​

جون ایلیا​

 

[عمر سیف]

صحرا کی طرح رہتے ہوئے تھک گئی آنکھیں
دکھ کہتا ہے اب میں کوئی دریا بھی دکھاؤں

 

[مہ جبین]

ضمیرِ پاک و نگاہِ بلند و مستیء شوق
نہ مال و دولتِ قاروں، نہ فکرِ افلاطوں
علامہ اقبال

 

[عمر سیف]

طلوع ہوگا ابھی کوئی آفتاب ضرور
دھواں اُٹھا ہے سرِشام پھر چراغوں سے