اشعار - حروف تہجی کے لحاظ سے

[شمشاد]

ظالم تھا وہ اور طلم کی عادت بھی بہت تھی
مجبور تھے ہم اُس سے محبت بھی بہت تھی
(کلیم عاجز)

 

[عمر سیف]

عمر اتنی تو عطا کر مرے فن کو مالک
میرا دشمن میرے مرنے کی خبر کو ترسے

 

[شمشاد]

غمِ عاشقی سے کہہ دو راہِ عام تک نہ پہنچے
مجھے خوف ہے یہ تہمت میرے نام تک نہ پہنچے
(شکیل بدایونی)

 

[عمر سیف]

فقیر تھا تو چمکتی ہوئی لکیر کا تھا
چلا میں جس پہ وہ رستہ میرے ضمیر کا تھا

 

[شمشاد]

قربتوں میں بھی جدائی کے زمانے مانگے
دل وہ بیمار کہ رونے کے بہانے مانگے
(فراز)

 

[عمر سیف]

کشتیاں ٹوٹ گئی ہیں ساری
اب لیے پھرتا ہے دریا ہم کو

 

[شمشاد]

گئے دنوں کا سراغ لیکر کہاں سے آیا کدھر گیا وہ
عجیب مانوس اجنبی تھا مجھے تو حیران کر گیا وہ
(ناصر کاظمی)

 

[عمر سیف]

گہرائی سمندر کی طلب کرتا ہے مجھ سے
لہروں سے مگر بات بھی کرنے نہیں دیتا

 

[شمشاد]

میں نظر سے پی رہا تھا تو یہ دل نے بد دعا دی​

تیرا ہاتھ زندگی بھر کبھی جام تک نہ پہنچے​

(شکیل بدایونی)​

 

[راجہ صاحب]

نہ رہے دوستانِ عشرت کوش
کون دھومیں مچائے محفل میں
میر مہدی مجروح

 

[شمشاد]

وہی اک خاموش نغمہ ہے 'شکیل' جانِ ہستی​

جو زبان تک نہ آئے جو قلم تک نہ پہنچے​

شکیل بدایونی​

​

 

[راجہ صاحب]

ہوا کے پہلے ہی جھونکے سے ہار مان گئے
وہی چراغ جو ہم نے بچا کے رکھے تھے
امجد اسلام امجد

 

[شمشاد]

یہ چراغ بے نظر ہے یہ ستارہ بے زباں ہے
ابھی تجھ سے ملتا جلتا کوئی دوسرا کہاں ہے
( بشیر بدر)

 

[راجہ صاحب]

اِن چراغوں کو تو جلنا ہے ہوا جیسی ہو
درد کی راتوں کو ڈھلنا ہے ہوا جیسی ہو
احمد فراز

 

[شمشاد]

بعد مدت انہیں دیکھ کر یوں لگا
جیسے بیتاب دل کو قرار آ گیا
آرزؤں کے گُل مسکرانے لگے
جیسے گلشن میں جانِ بہار آ گیا
(روشن نندہ)

 

[عمر سیف]

بچھڑ کے مجھ سے کبھی تو نے یہ بھی سوچا ہے
ادھورا چاند بھی کتنا اُداس لگتا ہے

 

[شمشاد]

​

پہلے پہل کا عشق ابھی یاد ہے فراز​

دل خود یہ چاہتا تھا کہ رسوائیاں بھی ہوں​

(احمد فراز)​

 

[عمر سیف]

تصور سے کسی کے میں نے کی ہے گفتگو برسوں
رہی ہے ایک تصویرِ خیالی روبرو برسوں

 

[شمشاد]

ٹھکراؤ یا اب کے پیار کرو میں نشے میں ہوں
جو چاہو میرے یار کرو میں نشے میں ہوں
(شاہد کبیر)

 

[عمر سیف]

ثاقب بڑی توقیر ہے اس ضبطِ وفا میں
ہر اشک جو آنکھوں سے نہ ٹپکے وہ گوہر ہے