اشعار - حروف تہجی کے لحاظ سے

[عمر سیف]

رنگ پھیلا تھا لہو میں، نہ ستارہ چمکا
اب کے ہر لمس تیرا جھوٹ رہا ہو جیسے

 

[شمشاد]

زندگی تیری عطا تھی تو ترے نام کی ہے​

ہم نے جیسی بھی بسر کی ترا احساں جاناں​

احمد فراز​

 

[عمر سیف]

سوچتا ہوں کہ بجھا دوں یہ کمرے کا دیا
اپنے سائے کو بھی کیوں ساتھ جگاؤں اپنے

 

[شمشاد]

​

شمع کی لَو تھی کہ وہ تُو تھا مگر ہجر کی رات​

دیر تک روتا رہا کوئی سرہانے میرے​

(احمد فراز)​

 

[عمر سیف]

صبا ترکِ محبت کر رہے ہو
محبت سے ضروری کام کیا ہے

 

[شمشاد]

ضمير مغرب ہے تاجرانہ، ضمير مشرق ہے راہبانہ
وہاں دگرگوں ہے لحظہ لحظہ، يہاں بدلتا نہيں زمانہ
(علامہ محمد اقبال)

 

[عمر سیف]

طویل صدیوں کی بے صدا منظروں سے پوچھو
میری تباہی کی داستاں پتھروں سے پوچھو

 

[شمشاد]

ظلم کے پاؤں سے جو پھول مثل جاتے ہیں
خیر بن کر وہی پتھر پہ نکل آتے ہیں
(عذرا عادل رشید)

 

[عمر سیف]

عمر جلوؤں میں بسر ہو یہ ضروری تو نہیں
ہر شبِ غم کی سحر ہو یہ ضروری تو نہیں

 

[شمشاد]

غضب کیا، تیرے وعدے پہ اعتبار کیا
تمام رات قیامت کا انتظار کیا
(داغ دہلوی)

 

[عمر سیف]

فرصتِ کار فقط چار گھڑی ہے یارو
یہ نہ سوچو ابھی عمر پڑی ہے یارو

 

[شمشاد]

قربتوں میں بھی جدائی کے زمانے مانگے
دل وہ بیمار کہ رونے کے بہانے مانگے
(فراز)

 

[عمر سیف]

کبھی یوں بھی آ میری آنکھ میں کہ میری نظر کو خبر نہ ہو
مجھے ایک رات نواز دے مگر اس کے بعد سحر نہ ہو

 

[شمشاد]

گلچیں کے سدباب سے انکار ہے کسے
لیکن اصولِ نشو و نما دیکھ کر چلو
(احسان دانش)

 

[مہ جبین]

لٹتی ہوئی متاعِ بیاں دیکھتے چلو
کٹتی ہوئی وفا کی زباں دیکھتے چلو
حبیب جالب

 

[شمشاد]

​

منع کیوں کرتے ہو عشقِ بُتِ شیریں لب سے​

کیا مزے کا ہے یہ غم دوستو غم کھانے دو​

(سیاح) ​

 

[چھوٹاغالبؔ]

نقش فریادی ہے کس کی شوخیِ تحریر کا
کاغذی ہے پیرہن ، ہر پیکرِ تصویر کا

 

[مہ جبین]

وہ تکلم لہکتی ہوئی چاندنی
وہ تبسم مہکتا ہوا شعر ہے
حبیب جالب

 

[چھوٹاغالبؔ]

ہوئے مر کے ہم جو رسوا، ہوئے کیوں نہ غرقِ دریا
نہ کبھی جنازہ اٹھتا ، نہ کہیں مزار ہوتا

قبلہ بڑے غالبؔ

 

[شمشاد]

یہ کہاں کی دوستی ہے کہ بنے ہیں دوست نا صح
کوئی چارہ ساز ہوتا، کوئی غم گسار ہوتا
(چچا)