اشعار - حروف تہجی کے لحاظ سے

[عمر سیف]

ساتھ دل کے چلے دل کو نہیں روکا ہم نے
جو نہ اپنا تھا اُسے ٹوٹ کے چاہا ہم نے
ایک دھوکے میں کٹی عمر ہماری صابر
کیا بتائیں کسے کھویا، کسے پایا ہم نے

 

[غ۔ن۔غ]

شب بیتی چاند بھی ڈوب چلا زنجیر پڑی دروازے پر​

کیوں دیر گئے گھر آئے ہو سجنی سے کرو گے بہانہ کیا​

 

[عمر سیف]

صحرا کی طرح رہتے ہوئے تھک گئیں آنکھیں
دکھ کہتا ہے ، اب میں کوئی دریا بھی تو دیکھوں

 

[شمشاد]

ضبط کرنا نہیں مشکل تھا کسی لمحے بھی
مگر ہم نے سوچا کہ ترا وار نہ خالی جائے

 

[محمد بلال اعظم]

جنھیں ہم دیکھ کر جیتے تھے غالب
نگاہوں سے وہ اوجھل ہوگئے ہیں

حدِ ادب
یہ شعر ناصر کاظمی کا ہے
جنہیں ہم دیکھ کر جیتے تھے ناصر
وہ لوگ آنکھوں سے اوجھل ہو گئے ہیں

 

[وسیبی]

طبع خوددار پہ اک طرفہ ستم ہے محسن
اُن کا اندازِ کرم ، غیر کے احساس کے ساتھ

 

[شمشاد]

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی
(کلیم عاجز)

 

[شمشاد]

عادت ہی بنا لی ہے تم نے تو منیر اپنی
جس شہر میں بھی رہنا اکتائے ہوئے رہنا
(منیر نیازی)

 

[ماہی احمد]

غیروں سےکہا تم نے ، غیروں سے سنا تم نے
کچھ ہم سے کہا ہوتا،کچھ ہم سے سنا ہوتا

 

[محمد اسامہ سَرسَری]

فردا و دی کا تفرِقہ یک بار مٹ گیا
کل تم گئے کہ ہم پہ قیامت گزر گئی

 

[سید عاطف علی]

قوت عشق سے ہر پست کو بالا کردے
دہر میں اسم محمد سے اجالا کر دے۔۔۔۔اقبال

 

[محمد اسامہ سَرسَری]

کیوں ڈرتے ہو عشّاق کی بے حوصلگی سے
یاں تو کوئی سنتا نہیں فریاد کسو کی

 

[سید عاطف علی]

گو میں رہا رہین ستم ہاءے روز گار
لیکن ترے خیال سے غافل نہیں رہا۔۔۔۔غالب

 

[محمد اسامہ سَرسَری]

لاغر اتنا ہوں کہ گر تو بزم میں جا دے مجھے
میرا ذمہ، دیکھ کر گر کوئی بتلا دے مجھے

 

[سید عاطف علی]

محبت ماورائے عقل اک ایسی حقیقت ہے
جسے میں خود سمجھ لیتا ہوں سمجھائی نہیں جاتی۔

 

[ماہی احمد]

نہ چھیڑ اے نکہتِ بادِ بہاری راہ لگ اپنی
تجھے اٹھکھیلیاں سوجھی ہیں، ہم بیزار بیٹھے ہیں

انشاء

 

[شمشاد]

واں خود آرائی کو تھا موتی پرونے کا خیال
یاں ہجومِ اشک میں تارِ نگہ نایاب تھا
(چچا)

 

[ماہی احمد]

ہم طالبِ شہرت ہیں، ہمیں ننگ سے کیا کام
بدنام اگر ہوں گے تو کیا نام نہ ہوگا؟
شیفتہ

 

[شمشاد]

یاں سرِ پرشور بے خوابی سے تھا دیوار جو
واں وہ فرقِ ناز محوِ بالشِ کمخواب تھا
(چچا)

 

[منصور مکرم]

کس کا نمبر ہے ۔۔۔الف کا؟
آفاق کی منزل سے گیا کون سلامت
اسباب لُٹا راہ میں یاں ہر سفری کا