اشعار - حروف تہجی کے لحاظ سے

[شمشاد]

۔۔۔۔۔ شعر بھولنا شروع ہو گئی ہوں۔

ابھی سے بھولنا شروع ہو گئی ہیں تو آئندہ کیا بنے گا؟

 

[فرحت کیانی]

ڈھونڈو گے اگر ملکوں ملکوں، ملنے کے نہیں نایاب ہیں ہم
تعبیر ہے جس کی حسرت و غم، اے ہم نفسو وہ خواب ہیں ہم

 

[فرحت کیانی]

ابھی سے بھولنا شروع ہو گئی ہیں تو آئندہ کیا بنے گا؟

بس اب کیا کیا جائے۔ عملی زندگی کے آغاز میں کام اور شوق میں توازن رکھنا بھی آتے آتے ہی آتا ہے۔ اور میں ابھی اسی مشکل میں ہوں۔

 

[شمشاد]

ذرا سا قطرہ کہیں آج اگر اُبھرتا ہے
سمندروں ہی کے لہجے میں بات کرتا ہے
(وسیم بریلوی)

 

[عمر سیف]

رکھ اپنے پاس، اپنے مہ و مہر، اے فلک
ہم خود کسی کی آنکھ کے تارے ہیں، ان دنوں

 

[شمشاد]

زندگی کو میں نے دیکھا ہے برافگندہ نقاب​

زندگی پیہم خلش ہے، جاودانی اضطراب!​

(جاوید اختر)​

 

[عمر سیف]

سماعتوں کو تو منصف بھی اب نہیں ملتے
ترا جواب، ہمارا سوال کون سنے

 

[شمشاد]

​

شکر ہے اس نگاہ کم کا میاں​

پہلے ہی ہم کھٹک گئے ہوں گے​

(جون ایلیا)​

 

[عمر سیف]

صبر تھا اک مونس ہجراں
سو وہ مدت سے اب نہیں آتا

 

[محمداحمد]

ضروری کیوں ہے زخمِ نا رسائی
گزرتی کیوں نہیں تنہا کسی کی

 

[عمر سیف]

طرزِ ادائیگی کہیں معنی نہ بدل دے
آنکھیں ملا کہ بات کرو، کان میں نہیں

 

[شمشاد]

ظالم تھا وہ اور ظلم کی عادت بھی بہت تھی
مجبور تھے ہم اُس سے محبت بھی بہت تھی
(کلیم عاجز)

 

[عمر سیف]

عمر بھر سب کی نگاہوں میں کھٹکتا ہی رہا
جرم اتنا تھا کہ حق گوئی میرا مسلک رہی

 

[شمشاد]

غیر لیں محفل میں بوسے جام کے
ہم رہیں یوں تشنہ لب پیغام کے
(چچا)

 

[عمر سیف]

فرصتِ عشق میسر ہی کہاں
اب کسے عشق کا مارا سمجھیں

 

[شمشاد]

قرض کی پیتے تھے مے لیکن سمجھتے تھے کہ ہاں
رنگ لائے گی ہماری فاقہ مستی ایک دن
(چچا)

 

[عمر سیف]

کیوں کہتے ہو قیس اکیلا تھا جب قریہِ ناپرساں سے گیا
ساتھ اس کے، روائےِ لیلٰی کی خوشبو بھی اور ہوا بھی گئی

 

[شمشاد]

گل ایک کاسۂ دری وزۂ مسرّت ہے
کہ عندلیبِ نواسنج ہے گدائے چمن
(چچا)

 

[عمر سیف]

لمحہ، لمحہ وقت کی جھیل میں ڈوب گیا
اب پانی میں اُتریں بھی تو کیا پائیں

 

[شمشاد]

​

مر گیا مژدہء وصال سے میں​

یوں بھی نکلا رقیب کا مطلب​

(داغ دہلوی)​