اشعار - حروف تہجی کے لحاظ سے

[عطاء اللہ جیلانی]

‏ثبوتِ عشق کو بس ایک ٹھنڈی آہ کافی تھی
گنوا دی زندگی ہم نے مثالوں اور دلیلوں میں

(نامعلوم)

 

[شمشاد]

جانے والے سب آ چکے محسنؔ
آنے والا ابھی نہیں آیا
(محسنؔ بھوپالی)

 

[ڈاکٹر عظیم سہارنپوری]

چار چھے پیسے کما لینے سے کیا
ہے ہنر کہ چاہنے والے ہوں سب

عظیم سہارن پوری

 

[شمشاد]

حیران ہوں کہ پیر مغاں کے لباس میں
آئے کہاں سے جامۂ احرام کے خواص
(جلیل مانک پوری)

 

[ڈاکٹر عظیم سہارنپوری]

خوف دشمن کا ہمیں ہے نہ جہاں کا ڈر ہے
اک ذرا ہے تو فقط اپنی زباں کا ڈر ہے

عظیم سہارنپوری

 

[شمشاد]

دریدہ پیرہنوں میں شمار ہم بھی ہیں
بہت دنوں سے انا کے شکار ہم بھی ہیں
(عزم شاکری)

 

[ڈاکٹر عظیم سہارنپوری]

ڈوبتے سورج کا ہر منظر مری آنکھوں میں ہے
کیسا پاگل ہے اندھیروں سے ڈراتا ہے مجھے

 

[سیما علی]

ذرا سی دیر ٹھہرنے دے اے غم دنیا
بلا رہا ہے کوئی بام سے اتر کے مجھے!!!

( ناصر کاظمی)

 

[سیما علی]

رات گزری ہے سب تڑپتے میر
آنکھ لگ جائے گر تو سو لو تم۔۔

میر تقی میر

 

[سیما علی]

ڑ سے شعر بنا کر ہم نے
حیراں سب کو کر ڈالا ہے
جھگڑا ہے بیکار کا صاحب
آپ نے جس میں سر ڈالا ہے
ابنِ منیب

 

[سیما علی]

زندگی میں تو وہ محفل سے اُٹھا دیتے تھے
دیکھوں اب مر گئے پر کون اُٹھاتا ہے مجھے

غالب

 

[سیما علی]

سنبھلنے دے مجھے اے نا اُمیدی ! کیا قیامت ہے
کہ دامانِ خیالِ یار ، چُھوٹا جائے ہے مُجھ سے۔۔۔

غالب

 

[شمشاد]

شکست زندگی ویسے بھی موت ہی ہے نا
تو سچ بتا یہ ملاقات آخری ہے نا
(افضل خان)

 

[سیما علی]

صدائیں ایک سی یکسانیت میں ڈوب جاتی ہیں
ذرا سا مختلف جس نے پکارا یاد رہتا ہے۔۔۔

عدیم ہاشمی

 

[شمشاد]

ضرورت بے ضرورت بولتی ہے
جہاں دولت ہو دولت بولتی ہے
(ماجد علی کاوش)

 

[سیما علی]

طوِیل ہجر کا یہ جبر ہے، کہ سوچتا ہُوں !
جو دِل میں بستا ہے، اب ہاتھ بھی لگاؤں اُسے
اُسے بُلا کے مِلا عُمر بھر کا سنّاٹا
مگر یہ شوق، کہ اِک بار پھر بلاؤں اُسے

.
احمد ندیم قاسمی

 

[سیما علی]

ظلم کے اندھیروں سے تم نہ ہارنا منظر
جب چراغ بجھ جائے، انگلیاں جلا دینا


منظر بھوپالی

 

[شمشاد]

عنایت ازلی سے جو دل ملا مجھ کو
محل شکر ہے آتا نہیں گلہ مجھ کو
(میر تقی میر)

 

[سیما علی]

غمِ عاشقی سے کہہ دو راہِ عام تک نہ پہنچے
مجھے خوف ہے یہ تہمت میرے نام تک نہ پہنچے


(شکیل بدایونی)

 

[سیما علی]

فتنہ رہے ، فساد رہے ، گفتگُو رہے !!!!!!!!
منظور سب مجھے، جو مِرے گھر میں تُو رہے

.
اکبر الہ آبادی