اشعار - حروف تہجی کے لحاظ سے

[ماہی احمد]

تو عرب ہو یا عجم ہو، ترا ’لَا اِلٰہ اِلاَّ‘
لغت غریب، جب تک ترا دل نہ دے گواہی

 

[شمشاد]

ٹوٹے ہوئے دلوں کی دعا میرے ساتھ ہے
دنیا تیری طرف ہے، خدا میرے ساتھ ہے
(نظام رامپوری)

 

[ماہی احمد]

ثبوت دوں گا تجھے میں وفاؤں کا اپنی
ذرا سا گردشِ دوراں سکون لینے دے

 

[شمشاد]

جب صبح نمودار ہوئی پردہء شب سے
اشکوں کے سوا دیدہء بیدار میں کیا تھا
(زیں صدیقی)

 

[ابن رضا]

-

 

[خالد محمود چوہدری]

ثبوت دوں گا تجھے میں وفاؤں کا اپنی
ذرا سا گردشِ دوراں سکون لینے دے

مجھے تو اپنی وفاؤں میں درجہء اولیٰ چاہیئے
کون کمبخت تجھ سے وفا کا ثبوت مانگتا ہے

 

[واسطی خٹک]

چلو اب لوٹو منزل کو یہ سورج جلد ڈهلنا ہے
ابھی تو شام ہونی ہے ابھی تو اس سے ملنا ہے

 

[ماہی احمد]

حال دل ہم بھی سناتے لیکن
جب وہ رخصت ہوا تب یاد آیا

 

[واسطی خٹک]

ﺧﻮﺵ ﺧﺼﺎﻝ ﻭ ﺧﻮﺵ ﺧﯿﺎﻝ ﻭ ﺧﻮﺵ ﺧﺒﺮ، ﺧﯿﺮﺍﻟﺒﺸﺮﷺ
ﺧﻮﺵ ﻧﮋﺍﺩ ﻭ ﺧﻮﺵ ﻧﮩﺎﺩ ﻭ ﺧﻮﺵ ﻧﻈﺮ، ﺧﯿﺮﺍﻟﺒﺸﺮﷺ

 

[شمشاد]

دشت غربت ہی پہ موقوف نہیں ہے تابش
اب تو گھر میں بھی غریب الوطنی ہوتی ہے
(عبّاس تابش)

 

[ماہی احمد]

ذرا سا تو دل ہوں مگر شوخ اتنا
وہی لن ترانی سنا چاہتا ہوں۔

 

[شمشاد]

ڈال کا مربہ بنا کر کھا گئیں کیا؟
-----------------------------------------------

رنج دیتا ہے جو وہ پاس نہ جاؤ سیّاحؔ
مانو کہنے کو مرے دُور کرو جانے دو
(میاں داد خان سیّاح)

 

[ماہی احمد]

ڈ اور ڑ کا اچار ایسا لذیذ ہوتا ہے کہ کیا بتاؤں۔ کبھی ڈالیے گا آپ بھی۔
۔۔۔۔۔۔۔۔
زمانہ کی یہ گردش جاودانہ
حقیقت ایک باقی فسانہ
کسی نے دوش دیکھا ہے نہ فردا
فقط امروز ہے تیرا زمانہ

 

[اوشو]

زاہد نے میرا حاصل ایماں نہیں دیکھا
رخ پر تیری زلفوں کو پریشاں نہیں دیکھا

 

[شمشاد]

ڈ اور ڑ کا اچار ایسا لذیذ ہوتا ہے کہ کیا بتاؤں۔ کبھی ڈالیے گا آپ بھی۔
۔۔۔۔۔۔۔۔
زمانہ کی یہ گردش جاودانہ
حقیقت ایک باقی فسانہ
کسی نے دوش دیکھا ہے نہ فردا
فقط امروز ہے تیرا زمانہ

یہ اچار تمہی کو مبارک ہوں۔
--------------------------------------------------------------------------

ساری عقل و ہوش کی آسائشیں
تم نے سانچے میں جنوں کے ڈھال دیں

کرلیا تھا میں نے عہدِ ترک ِ عشق
تم نے پھر بانہیں گلے میں ڈال دیں
(جون ایلیا)

 

[ماہی احمد]

یہ اچار تمہی کو مبارک ہوں۔
--------------------------------------------------------------------------

ساری عقل و ہوش کی آسائشیں
تم نے سانچے میں جنوں کے ڈھال دیں

کرلیا تھا میں نے عہدِ ترک ِ عشق
تم نے پھر بانہیں گلے میں ڈال دیں
(جون ایلیا)

خیر مبارک
۔۔۔۔۔۔۔۔۔۔۔۔۔۔۔۔
شب انتظار کی کشمکش میں نہ پوچھ کیسے سحر ہوئی
کبھی اک چراغ جلا دیا، کبھی اک چراغ بجھا دیا

 

[ماہی احمد]

صحرائے زندگی میں جدھر بھی قدم اٹھیں
رستے میں ایک آرزوؤں کا چمن پڑے

 

[حاتم راجپوت]

ضد پہ آ جائے کسی بات پہ بچہ جیسے
دل تیرے بعد کچھ اس طرح سنبھالا ہم نے

 

[اوشو]

طبیعت آدمی کی اس کی اصلی ذات ہوتی ہے
اسی سے جیت ہوتی ہے اسی سے مات ہوتی ہے

 

[ماہی احمد]

ظلمتِ شب میں اُجالوں کی تمنا نہ کرو
خواب دیکھا ہے تو اب خواب کو رسوا نہ کرو