اشعار کا سلسلہ،حروف ِ تہجی سے

[شمشاد]

طبیعت ان دنوں بیگانہِ غم ہوتی جاتی ہے
میرے حصے کی گویا ہر خوشی کم ہوتی جاتی ہے
(جگر مراد آبادی)

 

[عمر سیف]

ظاہر یہ کر رہی ہیں شبِ غم کی نزہتیں
کوئی چھپا ہوا میری تنہائیوں میں ہے

 

[شمشاد]

عاشق کی بھی کٹتی ہیں کیا خوب طرح راتیں
دو چار گھڑی رونا، دو چار گھڑی باتیں
(محمد رفیع سودا)

 

[عمر سیف]

غمِ عاشقی سے کہہ دو راہِ عام تک نہ پہنچیں
مجھے خوف ہے یہ تہمت میرے نام تک نہ پہنچے

 

[شمشاد]

فاصلے ایسے بھی ہوں گے یہ کبھی سوچا نہ تھا
سامنے بیٹھا تھا میرے اور وہ میرا نہ تھا
(عدیم ہاشمی)

 

[عمر سیف]

قدم قدم پہ شکستوں کا سامنا ہے مگر
یہ دل وہ شیشہِ جاں ہے کہ ٹوٹتا بھی نہیں

 

[شمشاد]

کیفِ خودی نے مجھ کو کشتی بنا دیا
ہوشِ خدا ہے اب نہ غمِ ناخدا مجھے
(ساغر نطامی)

 

[الف عین]

گھپ اندھیرے میں چُھپے سُونے بنوں کی اور سے
گیت برکھا کے سنو رنگوں میں ڈوبے مور سے
منیر نیازی

 

[شمشاد]

کل سے مراد صبحِ قیامت سہی مگر
اب تم کہاں ملو گے دوبارہ جواب دو

 

[الف عین]

گ کے بعد ک کیسے آ گیا شمشاد۔
ل سے دیں

 

[شمشاد]

اعجاز بھائی ماوراء نے میرے ذہن کو “ علی پور کا ایلی “ کی وجہ سے ماؤف کیا ہوا ہے۔ میں لفظ “ کل “ کو “ل“ سمجھ کر شعر دے گیا۔

 

[شمشاد]

لے کے ماضی کو جو حال آیا تو دل کانپ گیا
جب کبھی ان کا خیال آیا تو دل کانپ گیا
(نواز دیوبندی)

 

[عمر سیف]

میں جب بھی نئے دوستوں کی کرتا ہوں تمنا
کچھ دوست میرے اور بچھڑ جاتے ہیں انجم

 

[شمشاد]

نہ خوفِ برق نہ خوفِ شرر لگے ہے مجھے
خود اپنے باغ کے پھولوں سے ڈر لگے ہے مجھے
(ملک زادہ ‘منظور‘ احمد)

 

[عمر سیف]

وقت سے پہلے ٹوٹ جاتے ہیں
جن کھلونوں کی دیکھ بھال نہ ہو

 

[شمشاد]

ہر سنگِ راہِ شوق بڑھاتا ہے قدم میرے
منزل کی تمنا مجھے رکنے نہیں دیتی

 

[عمر سیف]

یہ کشمکش الگ ہے کہ کس کشمکش میں ہوں
آتا نہیں سمجھ میں بہت سوچتا ہوں میں

 

[شمشاد]

اب پھر حرف ‘ الف ‘ سے

اب کوئی امید ہے “ شاہد “ نہ کوئی آرزو
آسرے ٹوٹے تو جینے کے وسیلے ہو گئے
(شاہد کبیر)

 

[ظفری]

بُوباس بسے اس کی ہر اک شے میں ہے چہرہ
تم پوچھتے ہو مجھ سے میں گھر کیوں نہیں جاتا

 

[عمر سیف]

پرکھنا مت، پرکھنے میں کوئی اپنا نہیں رہتا
کسی بھی آئینے میں دیر تک چہرہ نہیں رہتا