اشعار کا سلسلہ،حروف ِ تہجی سے

[شمشاد]

تعجب کیا اگر رسمِ وفا یوں بھی ہے اور یوں بھی
کہ حسن و عشق کا ہر مسئلہ یوں بھی ہے اور یوں بھی
(جگر مراد آبادی)

 

[عمر سیف]

ٹوٹ جاتے ہیں سبھی الفاظ و معنی کے طلسم
بے زبانی میں عجب قوتِ گویائی ہے

 

[شمشاد]

ثبات وہم ہے یارو، بقا کسی کی نہیں
چراغ سب کے بجھیں گے ہوا کسی کی نہیں
(عدیل زیدی)

 

[عمر سیف]

جو اپنے راز کو بھی راز رکھ نہیں سکتا
اسی کے رازِ محبت بتا دیئے ہم نے

 

[شمشاد]

چمن کی بہاروں میں تھا آشیانہ
نہ جانے کہاں کھو گیا وہ زمانہ
(قمر جلالوی)

 

[الف عین]

حد سے گزر گئی ہے یہاں رسمِ قاہری
اس دہر کو اب اس کی سزا دینا چاہیے

 

[شمشاد]

خود دل میں رہ کے آنکھ سے پردہ کرئے کوئی
ہاں لطف جب ہے پا کے بھی ڈھونڈا کرئے کوئی
(مجاز لکھنوی)

 

[عمر سیف]

دشمن ہے اور ساتھ رہے جان کی طرح
مجھ میں اتر گیا ہے وہ سرطان کی طرح

 

[شمشاد]

ڈر کے کسی سے چھپ جاتا ہے جیسے سانپ خزانے میں
زر کے زور پہ زندہ ہیں سب خاک کے اس ویرانے میں
(منیر نیازی)

 

[عمر سیف]

ذہن کے پردے پر منزل کے ہیولے نہ بنا
غور سے دیکھتا جا راہ میں آتا ہے کیا

 

[شمشاد]

رنجش ہی سہی دل ہی دکھانے کے لیے آ
آ پھر سے مجھے چھوڑ کے جانے کے لیے آ
(احمد فراز)

 

[عمر سیف]

زندگی جبرِ مسلسل کی طرح کاٹی ہے
جانے کس جُرم کی پائی ہے سزا یاد نہیں

 

[شمشاد]

سرِ محشر یہی پوچھوں گا خدا سے پہلے
تُو نے روکا بھی تھا مجرم کی خطا سے پہلے
(آنند نرائن مُلا)

 

[عمر سیف]

شام کو گھر سے نکل کر نہ پلٹنے والے
در و دیوار سے سائے تیرے رخصت نہ ہوئے

 

[شمشاد]

صدا دیتی ہے خوشبو چاند تارے بول پڑتے ہیں
نظر جیسی نظر ہو تو نظارے بول پڑتے ہیں
(منظر بھوپالی)

 

[عمر سیف]

ضبط کرنا نہ کبھی ضبط میں وحشت کرنا
اتنا آساں بھی نہیں تجھ سے محبت کرنا

 

[عیشل]

طوفانِ نوح لانے سے اے چشم فائدہ؟
دو اشک بھی بہت ہیں اگر کچھ اثر کریں

 

[شمشاد]

ظلم رہے اور امن بھی ہو
کیا ممکن ہے تم ہی کہو

 

[عمر سیف]

عمر بھر روئے فقط اس دھن میں
رات بھیگی تو اجالا ہوگا

 

[شمشاد]

غیر کیا جانیئے کیوں مجھکو بُرا کہتے ہیں
آپ کہتے ہیں جو ایسا تو بجا کہتے ہیں
(فراق گورکھپوری)