اشعار کا سلسلہ،حروف ِ تہجی سے

[عمر سیف]

شمشاد شہریار یا شہہ یار‌؟؟

ٹوٹ کر جب تک حوادث آشنا ہوتا نہیں
اور کچھ بھی ہو تو ہو دل آئینہ ہوتا نہیں

 

[شمشاد]

میرے پاس تو شہہ یار ہی لکھا ہوا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ث سے معذرت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جوشِ بے کیفیتی ہے اضطراب آرا اسد
ورنہ بسمل کاطپیدن لغزشِ مستانہ تھا

 

[عمر سیف]

چار حرفِ آرزو ہیں، سُن لے ساری رات میں
اور قصےکے لیے تو عُمر ساری چاہیے

 

[شمشاد]

حاصلِ الفت نہ دیکھا جز شکستِ آرزو
دل بہ دل پیوستہ گویا یک لبِ افسوس تھا
(چچا)

 

[عمر سیف]

خود اسے درکار تھی میری نظر
خودنما جلوہ مجھے دیتا بھی کیا

 

[شمشاد]

دل کارگاہِ فکر و اسد بے نوائے دل
یاں سنگِ آستانۂ بیدل ہے آئینہ

 

[عمر سیف]

ڈوب جائیں گے ستارے اور بکھر جائے گی رات
دیکھتی رہ جائیں گی آنکھیں اور گزر جائے گی رات

 

[شمشاد]

ذرہ دے مجنوں کس کس داغ کو عرضِ سواد
ہر بیاباں یک بیاباں حسرتِ تعمیر ہے
(غالب)

 

[عمر سیف]

رحمت پہ ندیم نہ طنز کرو، کھیتوں کو خُشک ہی رہنے دو
اب سوئےِ فلک کیا دیکھتے ہو، بدلی تو برس برسا بھی گئی

 

[شمشاد]

زباں سے عرضِ تمنائے خامشی معلوم
مگر وہ خانہ برانداز گفتگو جانے
(غالب)

 

[سارہ خان]

سرِ طاقِ جاں نہ چراغ ہے پسِ بامِ شب نہ سحر کوئی
عجب ایک عرصئہ درد ہے، نہ گمان ہے نہ خبر کوئی

 

[الف عین]

شاید کوئ بندۂ خدا آئے
صحرا میں اذان دے رہا ہوں
گوپال متّل

 

[شمشاد]

صرفِ اعدا اثرِ شعلۂ دودِ دوزخ
وقفِ احباب گل و سنبلِ فردوسِ بریں
(غالب)

 

[سارہ خان]

ضبط کرتا رہا اگر یونہی
یہ شجر بے ثمر ہو جائے گا
(وزیر آغا)

 

[عمر سیف]

طاقِ شب میں جلے جس قدر جل سکے
کیا ضروری تھا ہم بھی سحر دیکھتے

 

[شمشاد]

ظلم کہ پاؤں سے جو پھول مسلے جاتے ہیں
قہر بن کر وہی پتھر پے نکل آتے ہیں
(عذرا عادل رشید)

 

[عمر سیف]

عمر بھر کی تشنگی جس کی رفاقت میں ملی
ایسی اک شاداب ہستی بھی محبت میں ملی

 

[الف عین]

غالب گر اس سفر میں مجھے ساتھ لے چلیں
حج کا ثواب نذر کروں گا حضور کی

 

[عمر سیف]

فقیر تھا تو چمکتی ہوئی لکیر کا تھا
چلا میں جس پہ وہ رستہ میرے ضمیر کا تھا

 

[سارہ خان]

قوسِ قزح کے رنگ تھے ساتوں اس کے لہجے میں
ساری محفل بھول گئی ، وہ چہرہ یاد رہا
(امجد اسلام امجد)