اشعار کا سلسلہ،حروف ِ تہجی سے

[سارہ خان]

اب کے اُمیّدکے شعلے سے بھی آنکھیں نہ جلیں
جانے کس موڑ پہ لے آئی محبت ہم کو

 

[عمر سیف]

بہت عزیز ہیں آنکھیں میری اسے، لیکن
وہ جاتے جاتے انہیں کر گیا ہے پُرنم پھر

 

[شمشاد]

پھونکا ہے کس نے گوشِ محبت میں اے خدا
افسونِ انتظار تمنا کہیں جسے
(چچا)

 

[عمر سیف]

تم مکمل بات پہ خاموش ہو
لوگ تو پورا میرا جملہ کریں

 

[شمشاد]

ٹھہر ٹھہر کے نہ برسو امنڈ پڑو یکدم
ستم گری سے گھٹاؤ، بہار کے دن ہیں
(عبد الحمید عدم)

 

[عمر سیف]

جس پیڑ کے سائے میں تھکن دور ہو میری
سوکھا ہی سہی، مجھے درکار وہی ہے​

 

[شمشاد]

چی امید و نا امیدی، چہ نگاہ و بے نگاہی
ہمہ عرضِ ناشکیبی، ہمہ سازِ جانستانی
(چچا)

 

[سارہ خان]

حرف حرف رٹ کر بھی آگہی نہیں ملتی
آگ نام رکھنے سے روشنی نہیں ملتی

 

[شمشاد]

خوشا کہ آج ہر اک مدعی کے لب پر ہے
وہ راز جس نے ہمیں راندِ زمانہ کیا
(محسن نقوی)

 

[الف عین]

دل کی بات کہی نہیں جاتی چپکے رہنا ٹھانا ہے
حال اگر ہے ایسا ہی تو جان سے جانا ٹھانا ہے

 

[شمشاد]

ڈھانپا کفن نے داغِ عیوبِ برہنگی
میں ورنہ ہر لباس میں ننگِ وجود تھا
(چچا)

 

[سارہ خان]

ذرا سا تو دل ہوں مگر شوخ اتنا
وہ ہی لن ترانی سنا چاہتا ہوں
(علامہ اقبال )

 

[عمر سیف]

رات کو پیار کی سوغات ملی ہے جس سے
صبح ہوگی تو وہی زخمِ جدائی دے گا

 

[سارہ خان]

زیرِ لب یہ جو تبسّم کا دِیا رکّھا ہے
ہے کوئی بات جِسے تم نے چھپا رکّھا ہے

 

[شمشاد]

سادگی و پرکاری، بے خودی و ہشیاری
حُسن کو تغافل میں جراءت آزما پایا
(چچا)

 

[عمر سیف]

شمعِ دل شمعِ تمنا نہ جلا، مان بھی جا
تیز آندھی ہے، مخالف ہے ہوا مان بھی جا

 

[سارہ خان]

صدائے نِکہتِ غنچہ! کہیں قیام تو کر
پتہ چلے تو سہی کُچھ معاملہ کیا ہے
امجد اسلام امجد

 

[عمر سیف]

ضبط کرنا ہے تو پھر حد سے گزرنا ہوگا
خون ہو جائے یہ دل آنکھ نہ بھرنے پائے

 

[شمشاد]

طپیدن دل کو سوزِ عشق میں خوابِ فرامش ہے
رکھا اسپند نے مجمر میں پہلو گرم تمکیں کا
(چچا)

 

[عمر سیف]

ظہیر ان دلزدوں کی عظمتیں دیکھو یہ دیوانے
چراغِ عشق روشن وادیِ صحرا میں رکھتے ہیں