اشعار کا سلسلہ،حروف ِ تہجی سے

[الف عین]

نوید سادق کے پوسٹ کئے کلام سے آغاز کرتا ہوں الف سے:
اس کو بوڑھا ہوتے دیکھ کے بھاگ گیا
اس کے اندر چھپا ہوا جو لڑکا تھا

 

[سارہ خان]

بدلا نہ میرے بعد بھی موضوعِ گفتگو
میں جاچکاہوں‌پھر بھی تیری محفلوں میں ہوں

 

[شمشاد]

پا بہ گل سب ہیں رہائی کی کرئے تدبیر کون
دست بستہ شہر میں کھولے میری زنجیر کون
(پروین شاکر)

 

[الف عین]

تم آئے ہو نہ شبِ انتظار گزری ہے
تلاش میں ہے سحر بار بار گزری ہے
فیض

 

[سارہ خان]

ٹوٹتی کلیوں کے ماتم میں ہَوا روتی رہی
پُھول کے چہرے پہ لکھی ہے کہانی رات کی

(امجد اسلام امجد)

 

[شمشاد]

ث سے معذرت

جس طرح ماں کی دعُا ہوتی ہے
شاعری ردِ بلا ہوتی ہے
(نوشی گیلانی)

 

[نوید صادق]

چاہتے ہیں خوب رویوں کو اسد
آپ کی صورت تو دیکھا چاہئے

شاعر: غالب

 

[شمشاد]

حصارِلفظ وبیاں میں گُم ہوں
ابھی تری داستان میں گُم ہُوں
(نوشی گیلانی)

 

[الف عین]

خواہش کو احمقوں نے پرستش دیا قرار
کیاپوجتا ہوں اس بتِ بیداد گر کو مَیں
جس کے کئ قتیل ہیں

 

[شمشاد]

دِل کا کیا ہے دِل نے کتنے منظر دیکھے لیکن
آنکھیں پاگل ہوجاتی ہیں ایک خیال سے پہلے
(نوشی گیلانی)

 

[محمد وارث]

یاد تھیں ہم کو بھی رنگارنگ بزم آرائیاں
لیکن اب نقش و نگارِ طاقِ نسیاں ہو گئیں

وہ آشفتہ سر کے اسکے قاتل بھی کئی تھے۔

 

[شمشاد]

دھوکہ کھا گئے ناں قتیلِ غالب، یہ بیت بازی کا دھاگہ نہیں، حروف تہجی سے شعر دینے کا ہے۔

آپ کو ‘ ڈ ‘ سے شعر دینا تھا۔

 

[محمد وارث]

اوہو، معذرت خواہ ہوں صاحب۔

اب ڈ کیلیے دھیان کو سوچ میں‌ ڈالتا ہوں۔

 

[شمشاد]

ڈھل گیا آفتاب اے ساقی
لا پلا دے شراب اے ساقی

یا صراحی لگا میرے منہ سے
یا الٹ دے نقاب اے ساقی
(سدرشن فاخر)

 

[نوید صادق]

ذرا نہ موم ہوا پیار کی حرارت سے
چٹخ کے ٹوٹ گیا، دل کا سخت ایسا تھا

شاعر: شکیب جلالی

 

[شمشاد]

رچی ہے رت جگوں کی چاندنی جن کی جبینوں میں
‘ قتیل‘ اک عمر گزری ہے ہماری ان حسینوں میں

 

[الف عین]

زخموں کی نمائش کا سلیقہ نہیں ہم کو
وہ ہیں کہ انہیں شوقِ مسیحائی بہت ہے

 

[عمر سیف]

سوچتا ہوں جو مجھ کو چاہتا تھا
یاد مجھ کو وہ کر رہا ہوگا

 

[شمشاد]

شام کو صبح چمن یاد آئی
کس کی خوشبو بدن یاد آئی
(احمد ندیم قاسمی)

 

[عمر سیف]

صبح کا تارا ابھر کر رہ گیا
رات کا جادو بکھر کر رہ گیا