اشعار کا سلسلہ،حروف ِ تہجی سے

[شمشاد]

ضروری تو نہیں سب کو ملے ایک سا جواب
آؤ نا ہم بھی سیر کریں کوہ طور کی

 

[نوید صادق]

شمشاد بھائی!!!

یہ شعر یوں ہے

کیا فرض ہے کہ سب کو ملے ایک سا جواب
آو نا ہم بھی سیر کریں کوہِ طور کی

ووں نہیں جیسے آپ نے لکھا ہے

 

[شمشاد]

بہت شکریہ تصحیح کرنے کا

اس کا مطلب ہے اب “ ض “ سے پھر کوئی شعر ڈھونڈ کے لاؤں۔

 

[نوید صادق]

چلئے ہم لکھ ڈالتے ہیں

ضعف یاں تک کھنچا کہ صورت گر
رہ گئے ہاتھ میں قلم لے کر


شاعر: میر تقی میر

 

[شمشاد]

بہت خوب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طبعیت ان دنوں بیگانہِ غم ہوتی جاتی ہے
میرے حصے کی گویا ہر خوشی کم ہوتی جاتی ہے
(جگر مراد آبادی)

 

[نوید صادق]

ظاہر میں خوش مزاج، قد آور، فراخ ظرف
کرتوت اس کے دیکھو تو حد سے گھناونے

شاعر: سید آلِ احمد

 

[شمشاد]

عجیب تجربہ تھا بھیڑ سے گزرنے کا
اسے بہانہ ملا مجھ سے بات کرنے کا
(ہری مچھندر بنی)

 

[نوید صادق]

غیروں سے کہا تم نے، غیروں سے سنا تم
کچھ ہم سے کہا ہوتا، کچھ ہم سے سنا ہوتا

شاعر: مومن

 

[شمشاد]

فقیرانہ آئے صدا کر چلے
میاں خوش رہو ہم دعا کر چلے
(میر تقی میر)

 

[سارہ خان]

قرار دل کو نہ آسودگی نظر کے لئے
یہ آزمائش قلب و نظر بشر کے لئے
(حفیظ ہشیار پوری)

 

[الف عین]

عجیب تجربہ تھا بھیڑ سے گزرنے کا
اسے بہانہ ملا مجھ سے بات کرنے کا
(ہری مچھندر بنی)

یار میرے دوست کا نام، تو اس طرح مت بگاڑ دو۔ یہ شعر بانی کا ہے۔ اس کا پورا نام تھا راجندر لال منچندا۔ مچھندر نہیں!!
کون ہے جو نہیں ہے حاجتمند
کس کی حاجت روا کرے کوئی
غالب

 

[سارہ خان]

گلوں کو اوڑھ کر نکلے ہیں ابر سنگ میں لوگ
گلی گلی میں مہکتی شجاعتیں ‌دیکھوں
(سید صباحت رضا)

 

[شمشاد]

اعجاز بھائی معذرت کہ میرے پاس ان کا نام غلط لکھا ہوا تھا۔ اب تصحیح کر لی ہے۔ راجندر لال منچندا بانی۔ بہت شکریہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیتے ہی دل جو عاشقِ دل سوز کا چلے
تم آگ لینے آئے تھے کیا آئے کیا چلے
(ابراھیم ذوق)

 

[الف عین]

م سے محمد علوی کا ایک م سے مزے کا شعر سنیں
منہہ زبانی قران پڑھتے تھے
پہلے بچے بھی کتنے بوڑھے تھے

 

[نوید صادق]

نہیں ہے آنکھ کے صحرا میں ایک بوند سراب
مگر یہ رنگ بدلتا ہوا سا کچھ تو ہے

شاعر: بانی

 

[عمر سیف]

وصل و فراق دونوں ہیں اک جیسے ناگزیر
کچھ لُطف اسکے قرب میں، کچھ فاصلے میں تھے

 

[نوید صادق]

ہم جسم سے ہٹا نہ سکے کاہلی کی برف
جس کی تہوں میں خواب بڑے تابناک تھے

شاعر: بانی

 

[محمد وارث]

یہ کیا کہ اک جہاں کو کرو وقفِ اضطراب
یہ کیا کہ اک دل کو شکیبا نہ کر سکو


صوفی تبسم

 

[عمر سیف]

دوبارہ الف سے

ابھی تو جاگ رہے ہیں چراغ راہوں میں
ابھی ہے دور سحر تھوڑی دور ساتھ چلو

 

[نوید صادق]

بیٹھے جس دن سے تری راہ میں، سمجھے تب سے
بوریا، خاک و نمد، مسندِ جم چاروں ایک

شاعر: حیدر علی ویران