اشعار کا سلسلہ،حروف ِ تہجی سے

[شمشاد]

فاصلہ تو ہے مگر کوئی فاصلہ نہیں
مجھ سے تم جدا سہی دل سے تو جدا نہیں
(شمیم کرھانی)

 

[سارہ خان]

قطرۂ مے بس کہ حیرت سے نفَس پرور ہوا
خطِّ جامِ مے سراسر رشتۂ گوہر ہوا
غالب

 

[شمشاد]

کوئی تعبیر کو تصویر کا پیکر بھی تو دے
خواب اِن آنکھوں کو بے کار بہت ملتے ہیں
(فاخرہ بتول)

 

[سارہ خان]

گو سب سے مقدم ہے حق تيرا ادا کرنا
بندے سے مگر ہو گا حق کيونکر ادا تيرا

(الطاف حسین حالی )

 

[عمر سیف]

لڑکے ہیں اپنے باپ کی جاگیر کے رقیب
وہ گھر بھی کوئی گھر ہے جہاں لڑکیاں نہ ہوں

 

[شمشاد]

لے چلا جان میری روٹھ کے جانا تیرا
ایسے آنے سے تو بہتر تھا نہ آنا تیرا
(داغ دہلوی)

 

[عمر سیف]

ل سے پوسٹ ہوگی ہے۔

 

[شمشاد]

چلیں تو م سے لکھ دیتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محّبت کھیل ایسا تو نہیں ہم لَوٹ جائیں
کہ اِس میں جیت بھی ہوگی خسارا ہی نہیں ہے
(نوشی گیلانی)

 

[سارہ خان]

نہ اب وہ یادوں کا چڑھتا دریا، نہ فرصتوں کی اداس برکھا
یوں ہی ذرا سی کسک ہے دل میں، جو زخم گہرا تھا بھر گیا وہ

(ناصر کاظمی)

 

[شمشاد]

وصل پر بھی نادم تھے ہجر پر بھی شرمندہ
وہ بھی رائیگانی تھی یہ بھی رائیگانی ہے
(نوشی گیلانی)

 

[سارہ خان]

ہم نے دیکھی ہے وہ اجلی ساعت
رات جب شعر کہا کرتی ہے

 

[شمشاد]

یاد کسی کی چاندنی بن کر کوٹھے کوٹھے اتری ہے
یاد کسی کی دھوپ ہوئی ہے زینہ زینہ اتری ہے
(بشیر بدر)

 

[سارہ خان]

اس عشق و ترکِ عشق میں ناصح کہاں سے آ گیا
یہ اختیار آنکھوں کا ہے یہ فیصلہ ہے دل کے پاس

 

[عمر سیف]

بات پھولوں کی سُنا کرتے تھے
ہم کبھی شعر کہا کرتے تھے

 

[شمشاد]

پہلی دستک میں میرے دل میں اُترنے والے
دَر کھلے جس کیلئے اس کا ہی گھر ہوتا ہے
(فاخرہ بتول)

 

[عمر سیف]

تیز ہوا نے مجھ سے پوچھا
ریت پہ کیا لکھتے رہتے ہو؟

 

[شمشاد]

ٹھہرتا نہیں کاروانِ وجود
کہ ہر لحظہ ہے تازہ شانِ وجود
(علامہ)

 

[عمر سیف]

ث سے معذرت
۔۔۔۔۔۔۔۔۔۔۔۔۔۔۔

جب بھی گھر کی چھت پر جائیں ناز اٹھانے آ جاتے ہیں
کیسے کیسے لوگ ہمارے جی کو جلانے آ جاتے ہیں

 

[شمشاد]

چشم در چشم نہيں ہم کو سفر ميں رہنا
ہم کو ہے تيري نظر ميں رہنا
(امجد اسلام امجد)

 

[عمر سیف]

حسرت کی پناہ گاہوں میں
کیا ٹھکانے ہیں سر چھپانے کو