اشعار کا سلسلہ،حروف ِ تہجی سے

[شمشاد]

تُو جو اے زلف پریشان رہا کرتی ہے
کس کے اجڑے ہوئے دل میں ہے ٹھکانہ تیرا
(داغ دہلوی)

 

[عمر سیف]

ٹوٹے ہوئے مرقد میں ذرا دیکھ لے چل کر
تنہائی میں ‌نقشے نہ بنا تاج محل کے

 

[شمشاد]

ث سے معذرت

جب سے وہ اہلِ سیاست میں ہوئے ہیں شامل
کچھ عدُو کے ہیں تو کچھ میرے طرف دار سے ہیں
(گلزار)

 

[نوید صادق]

چشمِ میگوں پہ ہیں سیہ پلکیں
یا گھٹائیں شراب خانے پر

شاعر: قابل اجمیری

 

[شمشاد]

حاصل کا حساب ہوئے گا
فی الحال تو جان دے رہا ہوں
(سلیم احمد)

 

[عمر سیف]

خورشید ہم نے وہاں سلگتے ہوئے دیکھا
کرنوں کا جس آشوب میں بیوپار چلے ہے

 

[شمشاد]

دُھوپ اُنڈیلو تھوڑی سی پیمانے میں
جانے کس کا ذکر ہے اس افسانے میں
(گلزار)

 

[عمر سیف]

ڈھونڈتے ہیں دوائے دردِ دل
چارہ گر بھی عجیب ہوتے ہیں

 

[شمشاد]

ذہانتوں کو کہاں کرب سے فرار ملا
جسے نگاہ ملی اس کو انتظار ملا
(ندا فاضلی)

 

[عمر سیف]

روز ملتے ہیں دریچے میں نئے پھول مجھے
چھوڑ جاتا ہے کوئی روز نشانی اپنی

 

[شمشاد]

زلف میں خوشبو نہ تھی یا رنگ عارض میں نہ تھا
آپ کس کی آرزو میں گلستاں تک آ گئے
(قابل اجمیری)

 

[عمر سیف]

سوچتا ہوں کہ بجھا دوں میں یہ کمرے کا دیا
اپنے سائے کو بھی کیوں ساتھ جگاؤں اپنے

 

[شمشاد]

شور و غل زمانے کا کم ہو تو سمجھ آئے
کون دیتا ہے آواز یہ رگِ جاں سے مجھے

 

[عمر سیف]

صرف اس شوق سے پوچھی ہیں ہزاروں باتیں
میں تیرا حسن، ترے حسنِ بیاں تک دیکھوں

 

[شمشاد]

ضیائے بزمِ جہاں بار بار ماند ہوئی
حدیثِ شعلہ رخاں بار بار کرتے رہے
(فیض)

 

[الف عین]

طعنہ زن ہیں جو مرے حال پہ اربابِ نشاط
ان کو اک بار میں اے کاش رُلا بھی سکتا
خلیل اعظمی

 

[شمشاد]

ظالم تھا وہ اور ظلم کی عادت بھی بہت تھی
مجبور تھے ہم اس سے محبت بھی بہت تھی
(کلیم عاجز)

 

[سارہ خان]

عشق نے غالب نکما کردیا
ورنہ ہم بھی آدمی تھے کام کے

 

[شمشاد]

غیر کیا جانیے کیوں مجھکو برا کہتے ہیں
آپ کہتے ہیں جو ایسا تو بجا کہتے ہیں
(فراق گورکھپوری)

 

[عیشل]

فاصلے ایسے بھی ہونگے یہ کبھی سوچا نہ تھا
سامنے بیٹھا تھا میرے اور وہ میرا نہ تھا