اشعار کا سلسلہ،حروف ِ تہجی سے

[شمشاد]

قرض کی پیتے تھے مے لیکن سمجھتے تھے کہ ہاں
رنگ لائے گی ہماری فاقہ مستی ایک دن
(غالب)

 

[عمر سیف]

کتنا آسان ہے تائید کی خو کر لینا
کتنا دشوار ہے اپنی کوئی رائے رکھنا

 

[فرقان احمد]

گئے دن کہ تنہا تھا میں انجمن میں
یہاں اب میرے راز داں اور بھی ہیں

 

[محمد تابش صدیقی]

لطف ہر طرح کا ہے دشتِ جنوں میں، لیکن
پھاڑنے کو نہیں ملتا ہے گریباں کوئی
اصغر گونڈوی

 

[فہد اشرف]

موت سےمت ڈرا مجھے، نیند سے مت جگا مجھے
فقر گو دلربا مجھے، خوابِ غنا دکھا مجھے
فاتح الدین بشیر

 

[طاہر شیخ]

نہ کوئی چاپ نہ آہٹ نہ گفتگو نہ سوال
کہاں لٹے ہیں خیالوں کے کارواں دیکھو

نامعلوم

 

[فرقان احمد]

وفا کی راہ میں جو قافلے رواں تھے کہیں
وہ منزلوں کا پتا ہی ۔۔۔ ۔۔ بِسر گئے شاید!

اگلا حرف ہے 'ہ'

 

[فہد اشرف]

ہم ایسے اہل نظر کو ثبوت حق کے لیے
اگر رسول نہ ہوتے تو صبح کافی تھی
(جوش ملیح آبادی)

 

[محمد تابش صدیقی]

یہ داغ داغ اجالا یہ شب گزیدہ سحر
وہ انتظار تھا جس کا یہ وہ سحر تو نہیں
فیضؔ

 

[طاہر شیخ]

ابھی نہ آئے گی نیند تمکو، ابھی نہ ہمکو سکوں ملے گا
ابھی تو دھڑکے گا دل زیادہ، ابھی یہ چاہت نئی نئی ہے

شبینہ ادیب کانپوری

 

[عظیم]

بہت سے اشعار بے سے ہوں گے
مگر نہیں یاد کوئی مجھ کو

عظیم ۔

 

[طاہر شیخ]

پھول ہی ہاتھ لگیں ہاتھ میں کانٹے نا چبھیں
آپ بھی آئے ہیں کیا خوب تمنا لے کر

نامعلوم

 

[جاسمن]

پھیلی ہوئی تھی روح میں یادوں کی چاندنی
کل رات ہم بھی محوِ سفر دیر تک رہے

بہت خوب!

 

[لاریب مرزا]

تم بھی ہو بیتے وقت کے مانند ہو بہو
تم نے بھی یاد آنا ہے آنا تو ہے نہیں

(رحمان فارس)

 

[مریم افتخار]

ٹوٹی ہے میری نیند مگر تم کو اس سے کیا
بجتے رہیں ہواؤں سے در تم کو اس سے کیا

(پروین شاکر)

 

[مریم افتخار]

ثباتِ زندگی ایمان محکم سے ہے دنیا میں
کہ المانی سے بھی پائندہ تر نکلا ہے تورانی
(اقبال)

 

[مریم افتخار]

جانتا ہوں ثواب طاعت و زہد
پر طبیعت ادھر نہیں آتی
(غالب)

 

[ہادیہ]

ثروت و عیش کے ایوانوں میں اکثر ہم نے
سسکیاں لیتے ہوئے دیکھا ہے انسانوں کو

 

[مریم افتخار]

چمک اٹھا جو ستارہ ترے مقدر کا
حبش سے تجھ کو اٹھا کے حجاز لے آیا
(اقبال)

 

[محمد عدنان اکبری نقیبی]

جگر ہو جائیگا چھلنی یہ آنکھیں خون روئیں گی
وصی بے فیض لوگوں سے نبھا کر کچھ نہیں ملتا