اشعار کا سلسلہ،حروف ِ تہجی سے

[مریم افتخار]

حادثے سے بڑا سانحہ یہ ہوا
لوگ ٹھہرے نہیں حادثا دیکھ کر
(عنایت علی خان)

 

[مریم افتخار]

خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے

(اقبال)

 

[محمد عدنان اکبری نقیبی]

دنیا میں ہوں، دنیا کا طلب گار نہیں ہوں
بازار سے گزرا ہوں، خریدار نہیں ہوں

 

[مریم افتخار]

دعویٰ بہت بڑا ہے ریاضی میں آپ کو
طول شب فراق کو تو ناپ دیجئے

(اکبر الہ آبادی)

 

[محمد عدنان اکبری نقیبی]

ڈرتا ہوں دیکھ کر دلِ بے آرزو کو میں
سنسان گھر یہ کیوں نہ ہو،مہمان تو گیا

 

[مریم افتخار]

ڈرے کیوں میرا قاتل؟ کیا رہے گا اُس کی گردن پر
وہ خوں، جو چشم تر سے عمر بھر یوں دم بہ دم نکلے؟
(غالب)

 

[محمد عدنان اکبری نقیبی]

ذرا روٹھ جانے پہ اتنی خوشامد
قمر تم بگاڑو گے عادت کسی کی

 

[مریم افتخار]

راز حیات پوچھ لے کوئی خضر خجستہ گام سے
زندہ ہر ایک چیز ہے کوششِ ناتمام سے

 

[محمد عدنان اکبری نقیبی]

رندِخراب حال کو زاہد نہ چھیڑ تو
تجھ کو پرائی کیا پڑی اپنی نبیڑ تو
ابراہیم ذوق

 

[حمیرا عدنان]

راحت بھی رنج، رنج بھی راحت ہو جب تو پھر
کیا اعتبار خواہش دنیا کروں گا میں

 

[محمد عدنان اکبری نقیبی]

زاہد شراب پینے سے کافر ہوا میں کیوں
کیا ڈیڑھ چلو پانی میں ایمان بہہ گیا
ذوق

 

[مریم افتخار]

ڑ سے شعر بنا کر ہم نے
حیراں سب کو کر ڈالا ہے
( نوید رزاق بٹ )

 

[مریم افتخار]

ژاژخائی اہلِ دانش کے لیے زیبا نہیں
اس سے اکثر آوے کا آوا ہی جاتا ہے بگڑ

 

[مریم افتخار]

سارے جہاں سے اچھا ہندوستاں ہمارا
ہم بلبلیں ہیں اس کی یہ گلستاں ہمارا

(اقبال)

 

[محمد عدنان اکبری نقیبی]

سفرِ شام نے رہ رہ کے ڈرایا مجھ کو
جی اُٹھے سنگ و شجر دیکھ کے تنہا مجھ کو
خورشید رضوی

 

[مریم افتخار]

شورش سے بھاگتا ہوں دل ڈھونڈتا ہے میرا
ایسا سکوت جس پر تقریر بھی فدا ہو

(اقبال)

 

[مریم افتخار]

صد سالہ دور چرخ تھا ساغر کا ایک دور
نکلے جو مے کدے سے تو دنیا بدل گئی

(گستاخ رام پوری)

 

[محمد عدنان اکبری نقیبی]

صبح جس روشنی کی خوشبو ہے
میں اسی گل کی چشمِ تر میں ہوں

 

[محمد عدنان اکبری نقیبی]

ضمیرِ صدف میں کرن کا مقام
انوکھے انوکھے ٹھکانے ترے

 

[مریم افتخار]

ضبطِ پیغامِ محبّت سے جو گھبراتا ہوں
تیرے تابندہ ستاروں کو سُنا جاتا ہوں

(اقبال)