اشعار کا سلسلہ،حروف ِ تہجی سے

[عمر سیف]

نسیم تیرے شبستاں سے ہو کے آئی ہے
مری سحر میں مہک ہے، ترے بدن کی سی

 

[شمشاد]

وہ بتوں نے ڈالے ہیں وسوسے کی دلوں نے خوفِ خدا گیا
وہ پڑی ہیں روز قیامتیں کہ خیالِ روزِ جزا گیا
(فیض احمد فیض)

 

[عمر سیف]

ہاتھ میرے بھول بیٹھے دستکیں دینے کا فن
بند مجھ پر جب سے اس کے گھر کا دروازہ ہوا

 

[شمشاد]

یہ بھی کیا شامِ ملاقات آئی
لب پہ مشکل سے تیری بات آئی
(ناصر کاظمی)

 

[شمشاد]

یہ لیں جی پھر سے “ ی “ تک پہنچ گئے۔ تو پھر سے شروع ہو جائیں “ الف “ سے۔ تو پہلے کون ؟

 

[عمر سیف]

ابھی تو ہم نفسوں کو ہے وہمِ چارہ گری
ہوئی نہ درد میں پھر بھی کمی تو کیا ہوگا

 

[شمشاد]

بدلتے وقت کا اک سلسلہ سا لگتا ہے
کہ جب بھی دیکھو اسے دوسرا سا لگتا ہے
(منظر بھوپالی)

 

[نوید ملک]

پھر ٹوٹے ہوئے دل نے آس اس سے لگئی ہے
سیکھا ہی ہی نہیں جس نے جز زیر و زبر کرنا
۔۔۔۔۔۔۔۔۔۔۔۔۔۔۔
ت

 

[شمشاد]

تیری نگاہ کو تمیزِ رنگ و نور کہاں
مجھے تو خون بھی رنگِ حنا سا لگتا ہے
(منظر بھوپالی)

 

[نوید ملک]

ٹوٹے بیشک مگر جھکے نہ کہیں
ہوں گے ہم سے بھی سر پھرے نہ کہیں

(مرتضٰی برلاس)
۔۔۔۔۔۔۔۔۔۔۔۔۔۔
ث

 

[عمر سیف]

ثاقب بڑی توقیر ہے اس ضبطِ وفا میں
ہر اشک جو آنکھوں سے نہ ٹپکے وہ گوہر ہے

 

[شمشاد]

جس سورج کی آس لگی ہے شاید وہ بھی آئے
تم یہ کہو خود تم نے اب تک کتنے دیئے جلائے
(جمیل الدین عالی)

 

[نوید ملک]

چراغ رکھتا ہوں بامِ شفق پہ روز نیا
اور اپنے زعم میں شب کو سحر بناتا ہوں

ح

 

[عمر سیف]

حادثے کیا کیا تمھاری بےرخی سے ہوگئے
ساری دنیا کے لیے ہم اجنبی سے ہوگئے

 

[فریب]

خدایا ہاتھ اٹھاؤں عرضِ مطلب سے کیونکر
کہ ہے کہ دستِ دعا میں گوشہ داماں اجابت کا

مومن

 

[عمر سیف]

دعا میری سرسبز ہونے لگی
ہواؤں نے آ کر سنایا مجھے

 

[شمشاد]

ڈھونڈو گے اگر ملکوں ملکوں ملنے کے نہیں نایاب ہیں ہم
تعبیر ہے جس کی حسرت و غم اے ہم نفسو وہ خواب ہیں ہم
(شاد عظیم آبادی)

 

[عمر سیف]

ذات کے پردے سے باہر آ کے بھی تنہا رہوں
میں اگر ہوں اجنبی تو میرے گھر میں کون ہے

 

[شمشاد]

رخ سے نقاب اٹھا کہ بڑی دیر ہو گئی
ماحول کو تلاوتِ قرآں کیئے ہوئے

 

[عمر سیف]

زخم جتنے بھی تھے سب منسوب قاتل سے ہوئے
تیرے ہاتھوں کے نشاں اے چارہ گر دیکھے گا کون؟