اشعار کا سلسلہ،حروف ِ تہجی سے

[شمشاد]

صبح چمن میں اس کو کہیں تکلیف ہوا لے آئی تھی
رخ سے گل کو مول لیا قامت سے سرو غلام کیا
(میر تقی میر)

 

[سیما علی]

ضبط کے گہرے سمندر کو تموج بخش دے
پیار کی جلتی ہوئی آنکھوں میں آنسو بھی نہیں

سید آلِ احمد

 

[شمشاد]

طاقت نہیں ہے جان میں کڑھنا تعب ہے اور
بے لطفیاں کرو ہو یہ تس پر غضب ہے اور
میر تقی میر

 

[سیما علی]

ظاہراً روشن تھے سب کے سب یہاں
اپنے باطن میں منور کون تھا
علیم صبا نویدی

 

[شمشاد]

عرصہ ہوا وہ زلف پریشاں نہیں دیکھی
مدت ہوئی نظروں سے گلستاں نہیں گزرے
سید ضمیر جعفری

 

[سیما علی]

غور سے دیکھتی ہے تیری محبت مجھ کو​

آج ناصح نے بہت کی ہے نصیحت مجھ کو​

فراق گورکپوری

 

[شمشاد]

فراق یار نے بے چین مجھ کو رات بھر رکھا
کبھی تکیہ ادھر رکھا کبھی تکیہ ادھر رکھا
امیر مینائی

 

[سیما علی]

قامت و قد میں ہوں پہاڑ، مگر
اپنے اندر میں ریزہ ریزہ ہوں
سید آلِ احمد

 

[شمشاد]

کہاں گیا وہ زمانہ کہ جس کی یاد میں آج
بھلائے بیٹھا ہوں خود کو پتا نہیں ملتا
(جے کرشن چودھری حبیب)

 

[سیما علی]

گریز پا ہے نیا راستہ کدھر جائیں
چلو کہ لوٹ کے ہم اپنے اپنے گھر جائیں
جمال اویسی

 

[شمشاد]

لائی حیات آئے قضا لے چلی چلے
اپنی خوشی نہ آئے نہ اپنی خوشی چلے
شیخ ابراہیم ذوقؔ

 

[سیما علی]

منزل پہ بھی پہنچ کے میسر نہیں سکوں
مجبور اس قدر ہیں شعور سفر سے ہم
کرامت علی کرامت

 

[شمشاد]

نجانے کون سی مجبوریاں ہیں جن کے لیے
خود اپنی ذات سے انکار کرنا پڑتا ہے
اطہر ناسک

 

[سیما علی]

وہ شیفتہ کہ دھوم ہے حضرت کے زہد کی
میں کیا کہوں کہ رات مجھے کس کے گھر ملے
شیفتہ

اب پ ت ٹ ث ج چ ح خ د ڈ ذ‌ ر‌ ڑ ز ژ س ش ص ض‌ ط‌ ظ ع غ ف ق ک گ ل م ن و ہ ھ ء ی ے۔

 

[سیما علی]

ہم کو یہ ڈر ہے کہ امکان کسی اور کا ہے
یعنی وہ شخص نگہبان کسی اور کا ہے
نبیل احمد نبیل

 

[الف عین]

یہ دستور زباں بندی ہےکیسا تیری محفل میں
یہاں تو بات کرنے کو ترستی ہے زباں میری

 

[سیما علی]

اللہ کرے، میرؔ کا جنت میں مکاں ہو
مرحوم نے ہر بات ہماری ہی بیاں کی
ابنِ انشا

 

[طاہر شیخ]

بھانپ ہی لیں گے اشارہ سر محفل جو کیا
تاڑنے والے قیامت کی نظر رکھتے ہیں

 

[سیما علی]

بے نیازی حد سے گزری، بندہ پرور کب تلک
‏ہم کہیں گے حال دل اور آپ فرماویں گے کیا؟
‏مرزا غالب

 

[سیما علی]

پڑی ہیں بیڑیاں پیروں میں اب تک
‏دن آجاتا ہے آزادی کا، آزادی نہیں آتی