اقبال سے منسوب اشعار - جو علامہ اقبال کے نہیں

[محمد اسامہ سَرسَری]

اچھی اور مفید لڑی ہے۔

 

[محمد علم اللہ]

اسلام کے دامن میں بس اِس کے سِوا کیا ہے
اک ضرب یَدّ اللہی اک سجدہ شبیری
حضرت وقار انبالوی
حوالہ؛http://www.dailypakistan.com.pk/columns/20-Jul-2012/10006

 

[محمد یعقوب آسی]

تندی باد مخالف سے نہ گھبرا اے عقاب
یہ تو چلتی تجھے اونچا اڑانے کے لئے

اشارے
1۔ پہلا مصرع میں نوجوانوں کو ترغیب دی جا رہی، پورے شعر کا وزن اسی میں ہے
2۔ فارسی الفاظ: تندی باد مخالف
3۔ ّعقاب: اقبال کا شاہیں ہے نہ کہ عقاب

یہ تو طے ہے کہ یہ شعر اقبال کا نہیں۔ یہاں صرف یہ عرض کرنا مقصود ہے کہ اقبال نے ’’شاہین‘‘ اور ’’عقاب‘‘ میں کوئی تفریق نہیں کی۔

عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں
نہیں تیرا نشمین قصرِ سلطانی کے گنبد پر
تو شاہیں ہے بسیرا کر پہاڑوں کی چٹانوں میں
نہ سمجھو گے تو مٹ جاؤ گے اے ہندوستاں والو
تمہاری داستاں تک بھی نہ ہو گی داستانوں میں


شکریہ

 

[سید عاطف علی]

یہ تو طے ہے کہ یہ شعر اقبال کا نہیں۔ یہاں صرف یہ عرض کرنا مقصود ہے کہ اقبال نے ’’شاہین‘‘ اور ’’عقاب‘‘ میں کوئی تفریق نہیں کی۔
عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں
شکریہ

یہ محض عزم و ہمت اور جہدو جہدو خودداری کی علامت ہے۔اور کلام میں عموما ً زا غ و زغن اور کرگس کے خواص کے مقابل لایا گیا ہے۔
بچہ ٴ شاہیں سے کہتا تھا عقابِ سالخورد
اے ترے شہپر پہ آساں رِفعتِ چرخِ بریں

 

[محمد یعقوب آسی]

یہ محض عزم و ہمت اور جہدو جہدو خودداری کی علامت ہے۔اور کلام میں عموما ً زا غ و زغن اور کرگس کے خواص کے مقابل لایا گیا ہے۔
بچہ ٴ شاہیں سے کہتا تھا عقابِ سالخورد
اے ترے شہپر پہ آساں رِفعتِ چرخِ بریں

یہاں فانٹ کا کچھ مسئلہ ہے۔ ہم ’’کرگَس‘‘ لکھتے ہیں تو ’’کرگس‘‘ لکھا جاتا ہے۔ میں نے گاف پر زبر کی علامت لگادی، تکا لگ گیا۔

 

[محمد علم اللہ]

یہ تو طے ہے کہ یہ شعر اقبال کا نہیں۔ یہاں صرف یہ عرض کرنا مقصود ہے کہ اقبال نے ’’شاہین‘‘ اور ’’عقاب‘‘ میں کوئی تفریق نہیں کی۔

عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں
نہیں تیرا نشمین قصرِ سلطانی کے گنبد پر
تو شاہیں ہے بسیرا کر پہاڑوں کی چٹانوں میں
نہ سمجھو گے تو مٹ جاؤ گے اے ہندوستاں والو
تمہاری داستاں تک بھی نہ ہو گی داستانوں میں


شکریہ

تو یہ کس کے اشعار ہیں چاچو ہم تو اب تک اقبال کا ہی سمجھتے رہے۔

 

[محمد یعقوب آسی]

تو یہ کس کے اشعار ہیں چاچو ہم تو اب تک اقبال کا ہی سمجھتے رہے۔

یہ تو اقبال ہی کے ہیں، وہ ”تندیء بادِ مخالف ‘‘ والا اقبال کا نہیں ہے، آپ پتہ نہیں کیا سمجھے۔

 

[یونس]

بہت اچھا سلسلہ ہے‘ اس سے بہتوں کا بھلا ہوگا۔
کچھ عرصہ قبل یار لوگ فراز کے نام سے پتہ نہیں کیا کیا شاعری منسوب کرتے رہے اور اب علامہ اقبال کی باری آ گئی۔ اللہ تعالیٰ ہمیں ہدایت نصیب کرے اور تحقیق کی توفیق دے۔

 

[یونس]

کچھ 'نمونے' ملاحظہ فرمائیں۔مجھے اپنی کم علمی کا اعتراف ہے مگر مجھے تو یہ علامہ کی شاعری نہیں لگتی۔ ۔ ۔ اگر ان میں کچھ علامہ کا ہے تو پیشگی معذرت !

اور یہ شعر دیکھیں:
شائد انشا اللہ خان انشاء کا ہے(؟) ٗ اور وہ بھی درست نہیں لکھا گیا ۔

 

[محمد یعقوب آسی]

کچھ 'نمونے' ملاحظہ فرمائیں۔مجھے اپنی کم علمی کا اعتراف ہے مگر مجھے تو یہ علامہ کی شاعری نہیں لگتی۔ ۔ ۔ اگر ان میں کچھ علامہ کا ہے تو پیشگی معذرت !

اور یہ شعر دیکھیں:
شائد انشا اللہ خان انشاء کا ہے(؟) ٗ اور وہ بھی درست نہیں لکھا گیا ۔

بجا ارشاد جناب ۔۔ ایک آسان سا طریقہ ہے، ایسی بے سروپا پوسٹ جہاں بھی دیکھیں، حوالہ طلب کر لیں! کوئی حوالہ ہے ہی نہیں، کوئی لائے گا کہاں سے۔
فراز کے بعد اقبال اور اب یار لوگوں کی غلیلوں کا رخ غالب کی طرف ہے۔

 

[محمد خلیل الرحمٰن]

تندی باد مخالف سے نہ گھبرا اے عقاب
یہ تو چلتی تجھ کو اونچا اڑانے کے لئے

یہ شعر اقبال ک نہیں ہے، مجھے یہ بہت پسند تھا، والد صاحب نے تصحیح کی تو حیرانی ہوئی، اس دن کے بعد میں نے باقاعدہ طور پر اقبال کو پڑھنا شروع کیا۔

آج روزنامہ ڈان میں صادق صاحب کے فرزند ارجمند کی جانب سے ایک خط شائع ہوا ہے جس میں انہوں نے اس زیادتی کے خلاف آواز اُٹھائی ہے۔

http://www.dawn.com/news/1056413/wrong-attribution-to-iqbal

 

[محمد علم اللہ]

آج روزنامہ ڈان میں صادق صاحب کے فرزند ارجمند کی جانب سے ایک خط شائع ہوا ہے جس میں انہوں نے اس زیادتی کے خلاف آواز اُٹھائی ہے۔

http://www.dawn.com/news/1056413/wrong-attribution-to-iqbal

اخبارات پر گہری نظر رکھتے ہیں چاچو۔۔۔۔

 

[نیرنگ خیال]

آج صبح صبح جاوید چودھری صاحب کے ٹوئٹر پر یہ شعر جگمگاتا نظر آیا۔ جب آپ کے بلند پایہ صحافی بھی اس قسم کے اشعار لگانے لگیں۔ تو بس پھر۔۔۔۔
نیچے میرا اور فرخ بھائی کا تبصرہ بھی پڑھیے۔۔۔۔

 

[محمود احمد غزنوی]

یہاں محفل میں کسی مراسلے میں محمد وارث صاحب نے ایک تصویر لگائی تھی جس میں بلند قامت اقبال اور انکے بونے مخالفین کا خاکہ بنایا گیا تھا۔۔۔اگر وہ تصویر دستیاب ہوسکے تو بہت نوازش ہوگی۔۔۔۔۔

 

[جاسمن]

بہت اچھا سلسلہ ہے۔ موبائل پہ ایس ایم ایس میں اکثر اقبال کے نام سے مجھے بھی بہت سے اشعار اور نظمیں آتی ہیں۔ ہر ایک کو الگ الگ بتانا پڑتا ہے۔ حد یہ کہ اردو میں ماسٹرز ایک بڑے پرائیویٹ سکول میں پڑھانے والی ایک خاتون نے ایک نظم اقبال کے نام سے بھیجی تو بہت افسوس ہؤا۔ اِس سلسلہ سے بہتوں کا بھلا ہو گا انشاءاللہ۔

 

[محمد یعقوب آسی]

لگتا ہے جیسے یہ اشعار ابليس کي مجلس شوري کے ہوں گے لیکن ایسا ہرگز نہیں ہے۔
ابلیس کی مجلس شوریٰ ملاحظہ کیجئیے

مذکورہ اشعار اقبال کے ہیں ہی نہیں!

اور میں پہلے بھی عرض کر چکا کہ:

فکری بے راہ روی کی ایک عجب لہر چلی ہے۔
گزشتہ چند ماہ تک ہمہ قسم کے اول فول ’’اشعار‘‘ فراز سے منسوب کئے جاتے رہے۔ پھر یہ دھارا نہ جانے کیسے اقبال کی طرف مڑ گیا۔
میری صرف ایک گزارش ہے کہ پیش پا افتادہ ایسے ’’اشعار‘‘ کو منسوب کا درجہ بھی نہ دیا جائے۔ ہاں اگر کوئی شعر جو اقبال کا نہیں مگر کسی سنجیدہ مطبوعہ کام (تحقیق، تذکرہ، وغیرہ) میں اقبال کے نام کے ساتھ شامل ہو گیا ہے تو اُس کو مذکور ہونا چاہئے۔
غیر سنجیدہ لوگوں کی تو عادت ہے وہ بے پر کی اڑاتے رہتے ہیں۔ ان کی چنداں پروا، نہ کیا کریں۔ بہت آداب۔

اللہ کریم خوشیاں عطا فرمائے۔

 

[محمد وارث]

یہاں محفل میں کسی مراسلے میں محمد وارث صاحب نے ایک تصویر لگائی تھی جس میں بلند قامت اقبال اور انکے بونے مخالفین کا خاکہ بنایا گیا تھا۔۔۔ اگر وہ تصویر دستیاب ہوسکے تو بہت نوازش ہوگی۔۔۔ ۔۔

یہ رہے حضور ربط اور تصویر

 

[خالد مبشر]

مولانا محمد علی جوہر کے دو اشعار اقبال سے منسوب ہیں:
توحید تو یہ ھے کہ خدا حشر میں کہہ دے
یہ بندہ دو عالم سے خفا میرے لیے ھے۔
اور:
قتل حسین اصل میں مرگ یزید ھے
اسلام زندہ ھوتا ہےہر کربلا کے بعد۔

 

[خالد مبشر]

ابوالمجاہد زاہد کا یہ شعر اقبال سے منسوب ہے:
ایک ہو جائیں تو بن سکتے ہیں خورشید مبیں
ورنہ ان بکھرے ہوئے تاروں سے کیا کام بنے۔

 

[خالد مبشر]

اقبال سہیل کا یہ شعرعلامہ اقبال سے منسوب ہے:
جوانو یہ صدائیں آرہی ہیں آبشاروں سے
چٹانیں چور ہو جائیں جو ہو عزم سفر پیدا۔