الف بے پے کا کھیل/الف بے میں بات چیت ‏(2)

[ابن سعید]

لکیر کے فقیر لیکن مت بننا سعود۔۔۔ اور تمہارا طرزِ تحریر ایسا ہے بھی نہیں۔۔ لکھتے رہو۔ ژوم کو بھی ’سمت‘ میں دے دوں؟

ناں کرنے کی میری مجال کہاں۔ اگر اس قابل سمجھتے ہیں تو چاچو اپنے فیصلے میں آزاد ہیں۔ اور ابھی انشاء اللہ اپنا دوسرا افسانچہ بھی پیش کرنے والا ہوں۔ ویسے میرے ہوم پیج پر میری تحریروں کا لائسنس دستیاب ہے جس کی رو سے کوئی بھی شخص نا صرف یہ کہ انہیں استعمال کر سکتا ہے بلکہ کچھ ترمیم یا بغیر ترمیم کے اپنے نام سے بھی موسوم کر سکتا ہے۔

 

[وجی]

[FONT="Urdu_Umad_Nastaliq"]واہ واہ ابن سعید صاحب آپ کی دریا دلی کی داد دینی پڑے گی [/FONT]

 

[ابن سعید]

ہماری کنجوسی کی تو داستانیں سنائی جاتی ہیں حضور! دریا دلی تو بہت دور کی بات ہے۔ در اصل نیٹ پر کوئی بھی مواد آجائے تو ہر قسم کی کاپی رائٹ اس کی حفاظت کے لئے نا کافی ہے۔ لہٰذا یوں ہی سہی۔

 

[شمشاد]

یہ داستانیں کہاں تک پہنچی ہوئی ہیں، کچھ اس کے متعلق بھی تو بتائیے حضرت۔

 

[ابن سعید]

اجی شمشاد بھائی بس بات برائے بات تھی کہ گیا ورنہ کنجوسی اور دریا دلی کا تو کوئی سوال ہی نہیں اٹھتا کہ اپنی تو کوئی پونجی ہے نہیں۔ ابھی تو سرپرستوں کی عرق انفعال کا نمک کھاتا ہوں۔ خواہ خود کھاؤں خواہ دس کو شریک کر لوں۔

 

[وجی]

[FONT="Urdu_Umad_Nastaliq"]بھائی ابن سعید کہنے میں کیا حرج ہے آپ تو سیریعس ہوگئے [/FONT]

 

[ابن سعید]

پروا مت کیجئے میں تو اکثر سنجیدہ بننے کی کوشش کرتا رہتا ہوں جو کہ ہوں نہیں۔

 

[وجی]

تو کیا ہوا ہم بھی ایسے ہی ہیں بھائی مگر کہنے میں کیا ہے

 

[ابن سعید]

ٹکر نہ ہو جائے دو ہم مزاجوں کی۔

 

[وجی]

[FONT="Urdu_Umad_Nastaliq"]ثابت قدم رہیں گے تو ٹکر کیسے ہوگی [/FONT]

 

[ابن سعید]

جواب نہیں آپ کی اس بات کا۔

 

[شمشاد]

چلا چل لفانے کبوتر کی چال
آگے پتہ نہیں دوسرا مصرعہ کیا ہے، کسی کو یاد ہو تو لکھ دے

 

[الف عین]

حیرت ہے یہ شمشاد کہاں کہاں سے اشعار اور مصرعے صھونڈھ نکالتے ہیً/؎۔ ویسے یہ شعر میں نے نہیں سنا۔

 

[ابن سعید]

خیر یہ شعر میرا سنا ہوا تو ہے پر شعر اس درجے کا نہیں تھا کہ اسے حافظے میں جگہ دیتا۔

 

[الف عین]

داستان بھی کچھ لکھو سعود کلاسیکی طرز کی۔ مجھے امید ہے کہ تم قدیم اردو میں بھی کچھ لکھ سکو گے۔

 

[ابن سعید]

ڈر رہا ہوں کہ کہیں تک بندیوں کی طرح قدیم اردو کا بھی جنازہ نہ نکال بیٹھوں۔ ابھی کل جو افسانچہ ارسال کیا ہے اسے قدیم اردو میں لکھا جا سکتا تھا اگر پہلے یہ خیال گزرا ہوتا تو۔

 

[شمشاد]

ذرا ذرا باتوں پر ڈرتے رہیں گے تو زندگی میں کامیاب ہونا دشوار ہو جائے گا۔ جو بھی کرنا ہو بے دھڑک اور ڈنکے کی چوٹ کریں۔

 

[ابن سعید]

رہنے دیجئے شمشاد بھائی اتنا با ہمت ہوتا تو کیا بات تھی۔

 

[مغزل]

زہے نصیب۔۔اس انکساری پر۔۔

 

[ابن سعید]

سعود میاں اب تو بقول علامہ

کہ درویشی بھی عیاری ہے سلطانی بھی عیاری

حقیقت بیان کیجئے تو کسر نفسی لگتا ہے۔