الف بے پے کا کھیل/الف بے میں بات چیت ‏(3)

[ابن سعید]

قطرہ آب باراں اب ترچھی تیروں کی مانند سطح ارض میں پیوست ہو رہے تھے اور دھول سے اٹے کھلیانوں میں اچانک ہریالی پھوٹ پڑی تھی۔ (قید مجھ پر یہ لگی ہے کہ مجھے افسانے میں رنگ بھرنا ہے لہٰذا ابھی ہریالی کا ہرا رنگ بھرا ہے)

 

[شمشاد]

کافی ہے ایک ہی رنگ، ویسے دو چار رنگ اور بھی بھرے جا سکتے ہیں جیسے ہیروئن کا رنگ پیلا پڑ گیا، ہیرو کے چہرے کا رنگ سرخ ہو گیا، وغیرہ وغیرہ۔

 

[عندلیب]

گلابی رنگ کا کیا ہوگا شمشاد بھائی وہ شائد ہیروئن کے والد کا ہوگا

 

[ابن سعید]

گلابی، جامنی، فیروزی، سرمئی، بنفشئی، بیگنی اور نارنجی جیسے دوسرے رنگ بھی بھرنے پڑ جائیں تو بس اتنا کہہ دینا کافی ہوگا کہ حاضرین کے چہروں پر یکے بعد دیگرے ایک ایک رنگ آرہا تھا اور جا رہا تھا۔

 

[ابن سعید]

لیجئے گلابی رنگ دو بار مستعمل ہو گیا اب تو رنگ سرخی مائل ہو جائے گا۔

 

[زونی]

مجھے معلوم ہی نہیں کہ یہاں کوئی افسانہ چل نکلا ھے

 

[ابن سعید]

نا جانے اس افسانے کا کیا حشر ہونے والا ہے اپیا۔ ممکن ہے کہ اس افسانے کا ہی افسانہ بن جائے۔

 

[شمشاد]

وہ تو بنے گا ہی۔ جب اتنے سارے اراکین اپنے اپنے پلاٹ شامل کریں گے تو یہی ہو گا۔ (اگر کارنر والا پلاٹ ہو تو ایک میرے لیے رکھ لیجیئے گا)

 

[ابن سعید]

ہم نے سوچا تو تھا کہ بہنوں کو حصّہ نہیں دیتے وراثت میں (ایک طرح سے غبن کرنا یا ہڑپنا کہا جائے گا) تو کیوں ناں شمشاد بھائی کے نام کر دیں ایک گوشہ۔ لیکن جو ٹھیک چوراہے والا کارنر تھا وہ تو باٹا شوز والوں نے لے لیا۔ اور جو دوسرا گوشہ تھا گلی والا وہاں میک ڈونالڈ اور برستا بار کا جھگڑا چل رہا ہے تب تک وہ کیفے کافی ڈے کے تصرف میں ہے۔

 

[شمشاد]

یہ تو قصہ ہی تمام ہو گیا، پلاٹ بھی گیا اور افسانہ بھی۔

 

[زونی]

اب نیا افسانہ مجھے ہی شروع کرنا پڑے گا

 

[شمشاد]

برائے مہربانی افسانے کو رہنے دیں، پہلے والا بھی فلاپ ہو گیا ہے۔ کچھ کھانے پینے کی بات کریں۔

 

[ابن سعید]

پکوان بھی تو سارے بے لذت ہیں کتنا کھایا جائے؟

 

[الف عین]

تو کیا محض لذتِ کام و دہن کے لئے کھانا چاہئے۔ برخوردار، ہمارے نانا اللہ بخشے ہمیشہ کہا کرتے تھے۔ خوردن برائے زیستن نہ کہ زیستن برائے خوردن

 

[ابن سعید]

ٹھیک ہے پھر میں اب چلتا ہوں برائے زیستن کھانا کھانے۔

 

[شمشاد]

ثروت ہر بار میرے ذمے ہی کیوں ہوتی ہے؟

 

[جیہ]

جناب یہ ثروت کون ہے؟

 

[شمشاد]

چلو جی منکر نکیر میں سے ایک آ گئے ثروت کا حساب لینے۔ بی بی ثروت عتیق کی بات کر رہا ہوں جو پی ٹی وی کی مشہور اداکارہ ہے / تھی۔

 

[عندلیب]

چونکہ ہمیں نہیں معلوم ہے ثروت کون ہے ،کیوں نہ ہم انھیں شمشاد بھائی کے قریبی رشتہ دار تصور کر لیں ۔

 

[شمشاد]

حیرت ہے عندلیب آپ بھی دشمنوں سے مل گئیں +رونا+