الف بے پے کا کھیل 60 ویں قسط

[شمشاد]

چائے سامنے ہو تو کسی کی کوئی خبر نہیں ہوتی۔

 

[وجی]

حضرت کیا یاد دلا رہے ہیں

 

[شمشاد]

خیالی پلاؤ کی یاد نہیں دلا رہا۔ صرف چائے کی بات کر رہا تھا۔

 

[الف عین]

دن میں چائے کی یاد تو نہ دلاؤ، روزہ خراب ہو جاتا ہے!

 

[طارق شاہ]

ڈانواڈول روزے ! ۔۔ خراب ہونے میں روزے بالکل ہمارے عادات ، اطوار اور ارادوں کی طرح ہی ہیں

 

[شمشاد]

ذکر کس نے کیا تھا چائے کا؟ اس کو جرمانہ کیا جائے۔

 

[کھوکھر]

رہنے دیں آپ جرمانہ کریں گے سب سے زیادہ آپ ہی چائے کا ذکر کرتے ہیں

 

[وجی]

زبردست جناب۔

 

[طارق شاہ]

سراہا چائے کو جا رہا ہے یا جرمانہ کے رد کرنے کے خیال کو ؟

 

[شمشاد]

شدید گرمی پڑ رہی ہے یہاں پر۔

 

[وجی]

صبر کریں جناب

 

[شمشاد]

ضروری ہے ناں جناب کہ صبر کا پھل میٹھا ہوتا ہے۔

 

[طارق شاہ]

طبیعت ایسے پھلوں کی خواہاں ہے جو یہاں میّسر نہیں ہیں، مثلاّ شریفہ، گنگا یا لیار ، جامن وغیرہ

 

[شمشاد]

ظاہر ہے ایسے پھل وہاں کہاں دستیاب ہوں گے۔

 

[الف عین]

عام تو نہیں، لیکن کم از کم شریفہ میں نے کیلی فورنیا میں دیکھا ہے۔

 

[شمشاد]

غلط آپ بھی نہیں کہہ رہے۔

 

[طارق شاہ]

فدوی ماہ اگست کے وسط میں انشاللہ ریاست کیلیفورنیا میں ہوگا تو تلاشِ شریفہ کرے گا ،جسے سیتا پھل بھی کہا جاتا ہے، پہلے یہاں پیلی (ادھ پکے) کھجوریں بھی نہیں ملتی تھیں، اب یہ ہمارے یہاں گرمیوں میں دیسی اور عرب اسٹورز میں نظر آجاتی ہیں ۔ کیلیفورنیا ایک تو معتدل موسم کی
وجہ سے بہت سے پھل کی ریاست ہے، دوسرے میکسیکو سے ہمسائیگی کی وجہ سے وہاں کے
پھل بھی یہاں یعنی کیلیفورنیا میں با آسانی دستیاب ہیں

 

[شمشاد]

قسمت اچھی ہوئی تو شریفاں ضرور مل جائے گی، نہیں تو شریف تو مل ہی جائیں گے۔

 

[طارق شاہ]

کم شریفائیں یہاں بھی نہیں کہ ہم صرف ان کے لئے رخت سفرباندھیں، یا وہاں پہنچ کر متجسّس ہوں پھربنام شریف برادر بزرگ رکھتا ہوں، جو شکاگو میں ہوتے ہیں

 

[شمشاد]

گھر پر تو نہیں ہیں ناں، شکاگو میں ہیں ناں جو کہ دور ہے۔