نعمان صدیقی
محفلین
خواجہ عزیز الحسن مجذوب
56
ہر چیز میں عکس رخ زیبا نظر آیا
عالم مجھے سب جلوہ ہی جلوہ نظر آیا
تو کب کسی طالب کو سراپا نظر آیا
دیکھا تجھے اتنا جسے جتنا نظر آیا
کیں بند جب آنکھیں تو مری کھل گئیں آنکھیں
کیا تم سے کہوں پھر مجھے کیا کیا نظر آیا
جب مہر نمایاں ہوا سب چھپ گئے تارے
تو مجھ کو بھری بزم میں تنہا نظر آیا
گردوں کو بھی اب دیکھ کے ہوتی ہے تسلی
غربت میں یہی ایک شناسا نظر آیا
سب دولت کونین جو دی عشق کے بدلے
اس بھاؤ یہ سودا مجھے سستا نظر آیا
ناکام ہی تا عمر رہا طالب دیدار
ہر جلوہ ترا بعد کو پردا نظر آیا
جو دور نگاہوں سے سر عرش بریں ہے
وہ نور سر گنبد خضرا نظر آیا
مجذوبؔ کبھی سوز کبھی ساز ہے تجھ میں
تو میرؔ کبھی اور کبھی سوداؔ نظر آیا
مجذوبؔ کے جذبے کی جو سمجھے نہ حقیقت
ان عقل کے اندھوں کو یہ سودا نظر آیا
56
ہر چیز میں عکس رخ زیبا نظر آیا
عالم مجھے سب جلوہ ہی جلوہ نظر آیا
تو کب کسی طالب کو سراپا نظر آیا
دیکھا تجھے اتنا جسے جتنا نظر آیا
کیں بند جب آنکھیں تو مری کھل گئیں آنکھیں
کیا تم سے کہوں پھر مجھے کیا کیا نظر آیا
جب مہر نمایاں ہوا سب چھپ گئے تارے
تو مجھ کو بھری بزم میں تنہا نظر آیا
گردوں کو بھی اب دیکھ کے ہوتی ہے تسلی
غربت میں یہی ایک شناسا نظر آیا
سب دولت کونین جو دی عشق کے بدلے
اس بھاؤ یہ سودا مجھے سستا نظر آیا
ناکام ہی تا عمر رہا طالب دیدار
ہر جلوہ ترا بعد کو پردا نظر آیا
جو دور نگاہوں سے سر عرش بریں ہے
وہ نور سر گنبد خضرا نظر آیا
مجذوبؔ کبھی سوز کبھی ساز ہے تجھ میں
تو میرؔ کبھی اور کبھی سوداؔ نظر آیا
مجذوبؔ کے جذبے کی جو سمجھے نہ حقیقت
ان عقل کے اندھوں کو یہ سودا نظر آیا
سیما علی
لائبریرین
میرے لب پہ ورد ہے لا الٰہ
یہی ورد ہے جو عظیم ہے
تو غفور ہے تو رحیم ہے
تیری رحمتوں کی حدیں نہیں
تیری کائنات کے درمیاں
میں تھا ایک نقطہ نا تمام
مرے مہربان! ترا شکریہ
مجھے دے کے وصفِ الٰہیہ
تو نے کیا سے کیا ہے بنا دیا
تو نے بندگی مجھے کی عطا
مری بندگی بڑی بات ہے
یہ تو عکس ہے تری ذات کا
تری ذات سے مری ذات ہے
ترے در پہ سر بہ سجود ہوں
مجھے آگہی سے نواز دے
مجھے رنگ فقرو نیاز دے
منیر احمد جامی
یہی ورد ہے جو عظیم ہے
تو غفور ہے تو رحیم ہے
تیری رحمتوں کی حدیں نہیں
تیری کائنات کے درمیاں
میں تھا ایک نقطہ نا تمام
مرے مہربان! ترا شکریہ
مجھے دے کے وصفِ الٰہیہ
تو نے کیا سے کیا ہے بنا دیا
تو نے بندگی مجھے کی عطا
مری بندگی بڑی بات ہے
یہ تو عکس ہے تری ذات کا
تری ذات سے مری ذات ہے
ترے در پہ سر بہ سجود ہوں
مجھے آگہی سے نواز دے
مجھے رنگ فقرو نیاز دے
منیر احمد جامی
سیما علی
لائبریرین
فاتحہ
تعریف تجھی کو زیبا ہے
سبحان اللہ، سبحان اللہ
تو سارے جہاں کا داتا ہے
سبحان اللہ، سبحان اللہ
ہے لطف و عنایت سب پہ تری
یکساں ہے کرم سب پر تیرا
رحمت ہے تری سب کے سر پر
رزاق ہے تو سب کا آقا
تو اول ہے، تو آخر ہے
تو افضل ہے، تو برتر ہے
تو ظاہر ہے، تو باطن ہے
تو مالک روزِ محشر ہے
اے قادر و عادل تیرے سوا
معبودِ حقیقی کوئی نہیں
ہم تیری عبادت کرتے ہیں
ہستی پہ تری ہم کو ہے یقیں
تو ایسی ہدایت دے ہم کو
چلتے ہی رہیں رستہ سیدھا
ان لوگوں کا رستہ دکھلا
جس پر کہ انھیں انعام ملا
اس رہ سے بچا جس پر کہ غضب
ہوتا ہے سدا تیرا نازل
ارماں ہے یہی، حسرت ہے یہی
مل جائے ہمیں سچی منزل
ڈاکٹر محمد شرف الدین ساحل