محمد یعقوب آسی
محفلین
’’کیوں‘‘ آخر کیوں ۔۔۔۔۔ بھئی!
انگریزی (و دیگر) الفاظ کا اردو ترجمہ
- صاحب لڑی ماہی احمد
- تاریخ ابتداء
سید ذیشان
محفلین
میں دور نظارت پہ ایک طویل دورانیے کا تمثیل دیکھنے میں محو تھا کہ رواں دُور گفتن کی سطح منور ہوئی ، ربط کے اعداد تو نامانوس تھے مگر بلاوا موصول کرنے پر ادراک ہوا کہ دوسری طرف اپنا ہی دیرینہ دوست ہے
اس کو دیکھ کر تو مجھے اپنا آپ ضرورت سے زیادہ غرب زدہ محسوس ہو رہا ہے۔
ماہی احمد
لائبریرین
’’کیوں‘‘ آخر کیوں ۔۔۔ ۔۔ بھئی!
ابن رضا
لائبریرین
دماغ کو کچھ نیا کرنے ، مثبت اور منفرد سوچنے پر اکسانا ، تحقیق کرنا ، غور کرنا کبھی بھی معیوب نہیں گردانا جاتا۔ ہاں مگر ایسی الگ سوچ والوں کو عموماً دیوانے کا خطاب ملتا ہے۔ مگر یہ بھی امر اپنی جگہ کے انقلاب بھی دیوانے ہی لے کے آتے ہیں۔
سید ذیشان
محفلین
اچھے سوالات ہیں جن کا بدقسمتی سے کوئی جواب نہیں ہے۔
ابن سعید
خادم
ہمارا خیال ہے کہ تکنیکی نوعیت کے مضامین میں بھی اس بات کی پوری پوری گنجائش موجود ہونی چاہیے کہ مباحثہ، وضاحت اور تدریس کی زبان علاقائی رکھی جائے بس اصطلاحات وہ برتے جائیں جو مقبول عام ہوں یا عالمی سطح پر جانے جاتے ہوں۔ اس بات کے ساتھ ساتھ یہ بات بھی ضروری ہے کہ بول چال کے لیے انگریزی زبان میں علیحدہ سے مہارت حاصل کی جائے تا کہ میدان عمل میں آ کر اپنی صلاحیتوں کا اظہار کرنے میں مشکل نہ ہو۔
ماہی احمد
لائبریرین
میں سنجیدہ ہو کر پوچھ رہی ہوں، کہہ سکتے ہیں صلاح مانگ رہی ہوں۔
صرف یہ چاہتی تھی کہ اپنے حصے کی کوشش کر کے جاؤں، پر شاید یہ مشکل ترین عمل ہے، میرے پاپا ہی صحیح کہتے ہیں کہ "یہاں کچھ نہیں ہوسکتا"۔۔۔
ماہی احمد
لائبریرین
ہمارا خیال ہے کہ تکنیکی نوعیت کے مضامین میں بھی اس بات کی پوری پوری گنجائش موجود ہونی چاہیے کہ مباحثہ، وضاحت اور تدریس کی زبان علاقائی رکھی جائے بس اصطلاحات وہ برتے جائیں جو مقبول عام ہوں یا عالمی سطح پر جانے جاتے ہوں۔ اس بات کے ساتھ ساتھ یہ بات بھی ضروری ہے کہ بول چال کے لیے انگریزی زبان میں علیحدہ سے مہارت حاصل کی جائے تا کہ میدان عمل میں آ کر اپنی صلاحیتوں کا اظہار کرنے میں مشکل نہ ہو۔
سیاسی بیان!!!!
سید ذیشان
محفلین
پاپا اس لئے کہتے ہیں کہ انہوں نے کوشش کر کے دیکھ لیا ہو گا لیکن آپ اپنی کوشش جاری رکھو۔ کچھ نہ کچھ تبدیلی تو آ ہی جائے گی۔
ماہی احمد
لائبریرین
بالکل یہی میرا نقتہ نظر ہے
آخری تدوین:
محمد یعقوب آسی
محفلین
آپ کے جذبات اور اردو سے آپ کا اُنس یقیناً قابلَ قدر ہیں، لیکن ۔۔۔
زبان کی ترویج کے لئے میری یا آپ کی انفرادی کوششیں محسوساتی سطح پر کچھ نہ کچھ اثر رکھتی ضرور ہیں، مگر عملی اطلاق کا حکم نہیں رکھتیں۔ بہت سارے کام سرکار کے کرنے کے ہوتے ہیں۔ ایک بہت پرانی مگر تکلیف دہ بات یاد آ گئی۔ میں ان دنوں ایک کالج میں پرنسپل صاحب کا پی اے تھا۔ صدرِ پاکستان کے وفتر سے ایک حکم نامہ جاری ہوا کہ آج سے تمام سرکاری خط وکتابت اردو میں ہو گی۔ ستم ظریفی دیکھئے کہ وہ حکم نامہ انگریزی میں ٹائپ کیا ہوا تھا۔
چلئے ، ایک لطیفہ بھی سن لیجئے:
’’مِس! وہ جو انگلش والی میڈم ہیں وہ انگلش میں بات کرتی ہیں، اور اردو والی مس اردو میں۔ آپ میتھ میں بات کیا کریں نا‘‘
’’زیادہ تین پانچ مت کرو اور یہاں سے نو دو گیارہ ہو جاؤ‘‘
معاملات بہت دکھ دینے والے رہے ہیں، بی بی! ہم پینسٹھ برس میں ایک قوم نہیں بن پائے! ایک ملت کی بات تو پتہ نہیں کوئی سمجھتا بھی ہے یا نہیں سمجھتا۔
یونس
محفلین
جن اشیاء کا ذکر ہؤا ہے یہ جب آئی تھیں تو ان کا یہی نام تھا‘ اب آپ لفظ ”موبائل فون“ کو ہی لے لیں جب سے یہ آیا ہے اسکا یہی نام ہے اس کا ترجمہ کر نے سے کیا حاصل ؟ ہم اردو کو انگریزی کی مدد کے بغیر بول نہیں سکتے ” ہمیں بہت سی پرابلمز فیس کرنا پڑتی ہیں“ تو ایسی کیا مجبوری ہے کہ اس طرح کے انگریزی الفاظ اردو جو پہلے ہی ایک ”لشکری زبان “ ہے‘ میں نہ سمو ئے جائیں۔
شعر کے پس منظر میں ایک (شائد فرضی) قصہ ہے۔ ایک دیہاتی عورت کا اکلوتابیٹا شہر میں پڑھنے کےلئے گیا‘ ان دنوں درس گاہوں میں فارسی کا چلن عام تھا۔ لڑکے کی عام گفتگو میں آہستہ آہستہ فارسی کے بہت سے الفاظ عادتاً شامل ہو گئے۔(جیسے آجکل انگریزی کے ہیں) ۔ لڑکا چھٹی کے دوران گھر گیا۔ پیاس لگی‘ ماں سے پانی مانگنا تھا ”آب‘ آب“ کہنے لگا۔ ماں کو سمجھ نہیں آئی بیچارہ یہی الفاظ کہتا کہتا دم توڑ گیا۔ بعد میں اسے کسی نے آب کا مطلب سمجھایا تو ماں کی زبان سے یہ شعر سرزد ہؤا:
آب آب کر موئیوں بچڑا
اینہاں فارسیاں گھر گالے
(بیٹے تم آب آب کہتے مر گئے۔ اس فارسی زبان نے اسی طرح کئی گھر تباہ کئے ہیں )
۔۔۔ ماحول خاصا سنجیدہ بلکہ رنجیدہ ہو رہا ہے‘ چھوڑیں یہ بتائیں jugاور glass کو کیا کہیں گے ؟!
آخری تدوین:
ماہی احمد
لائبریرین
محمد یعقوب آسی
محفلین
مایوس نہیں ہونا ۔ اپنا کام جاری رکھئے، ظاہری سطح پر کچھ بھی اثر دکھائی نہ دے، اندر ہی اندر بہت سے ذہن آپ کی بات قبول کر رہے ہوں گے۔ اس کے اثرات ہو سکتا ہے آپ عمر بھر نہ دیکھ سکیں، لیکن ہوں گے ضرور!بالکل یہی میرا نکتہ نظر ہے
ابن سعید
خادم
جانے کیوں بٹیا کو سیاسی بیان لگا، جبکہ ہم نے اپنے خیال سے میانہ روی اختیار کرتے ہوئے وہ بات کہی ہے جو ہمیں درست لگتی ہے۔
ہم نے اپنی بات کے پہلے حصے میں بٹیا کے موقف کی تائید کی ہے جب کہ دوسرے حصے میں پہلی بات کے نتیجے میں رو نما ہونے والے ایک ممکنہ خطرے سے بچنے کی ممکنہ ترکیب بتائی ہے۔
ماہی احمد
لائبریرین
لشکری زبان کہیں اور سب قابلِ قبول۔
چینی اور جاپانی بھی لشکر میں آ جائیں گے ایک دن۔۔۔
glass شیشہ
محمد یعقوب آسی
محفلین
ہمارا خیال ہے کہ تکنیکی نوعیت کے مضامین میں بھی اس بات کی پوری پوری گنجائش موجود ہونی چاہیے کہ مباحثہ، وضاحت اور تدریس کی زبان علاقائی رکھی جائے بس اصطلاحات وہ برتے جائیں جو مقبول عام ہوں یا عالمی سطح پر جانے جاتے ہوں۔ اس بات کے ساتھ ساتھ یہ بات بھی ضروری ہے کہ بول چال کے لیے انگریزی زبان میں علیحدہ سے مہارت حاصل کی جائے تا کہ میدان عمل میں آ کر اپنی صلاحیتوں کا اظہار کرنے میں مشکل نہ ہو۔
معاملات اتنے آسان نہیں رہے محترمی! اور گزرتے وقت کے ساتھ ساتھ ہم مزید بہت کچھ کھو رہے ہیں۔ حقائق بہت تلخ ہیں اور آپ کی ان تجاویز کو جو ادارے عملی جامہ پہنا سکتے ہیں وہ ’’کچھ اور ہی‘‘ کر رہے ہیں، اور ’’کچھ اور ہی‘‘ کرتے رہیں گے۔
ابن سعید
خادم
اگر ہم اپنی توقعات کو معیاری سطح سے نیچے لا کر دیکھیں تو پائیں گے کہ کئی مقامات پر دانستہ یا غیر دانستہ طور پر کم و بیش ویسا ہی ہوتا ہے جیسا ہم نے بیان کیا۔