اُمید افزا اور ہمت بڑھانے والے اشعار

[جاسمن]

ساقی۔ بھائی! آپ کی نظم لاجواب ہے۔

 

[جاسمن]

عشق میں بکھرنے تک
حوصلہ نہ ہاری میں

 

[جاسمن]

کیسا لگے اس بار اگر موسمِ گل میں
تتلی کا بدن اوڑھ کے جگنو نکل آئے

 

[جاسمن]

کبھی کبھی تو اسیروں کی بے گناہی سے
عدالتوں کے کٹہرے بھی خوف کھاتے ہیں

 

[جاسمن]

کھِلا کھِلا ہو یہ جہاں،دھُلا دھُلا سماج ہو
تیری زمیں پہ اے خدا،محبتوں کا راج ہو

 

[جاسمن]

مجھ کو دُشمن کے ارادوں پہ بھی پیار آتا ہے
تیری اُلفت نے محبت میری عادت کر دی

 

[جاسمن]

جو زخم دل پہ آئے ہیں،وہ اس سے کیوں چھپا نہ لوں
میں خار خار انگلیوں میں کچھ گلاب لے چلوں

 

[جاسمن]

حسین تر ہیں شکستیں کہ ہر شکست کے بعد
ہم اپنے آپ میں کیا کیا سنورتے رہتے ہیں

 

[جاسمن]

ڈوبتے ڈوبتے سورج نے سیہ شب سے کہا
چاند نکلا بھی تو کیا لختِ جگر اپنا ہے

 

[جاسمن]

اس خیال سے گذری ہے شامِ درد اکثر
کہ درد حد سے بڑھے گا تو میں مسکرا دوں گا
تُو آسمان کی صورت ہے گر پڑے گا کبھی
زمیں ہوں میں مگر تُجھ کو آسرا دوں گا
محسن نقوی

 

[ساقی۔]

ساقی۔ بھائی! آپ کی نظم لاجواب ہے۔

بہت شکریہ باجی ۔ آپ نے خوب ہمت بڑھائی ہماری۔

 

[قرۃالعین اعوان]

اہلِ ہمت کو بلاؤں پہ ہنسی آتی ہے
ننگِ ہستی ہے مصیت میں پریشاں ہونا

 

[جاسمن]

نہیں ہے یوں کہ مقدّر پہ اپنے پچھتائیں...
بساط بھر ہی سہی، دشمنوں سے لڑ جائیں
― سعد اللہ شاہ

 

[جاسمن]

زندگی شمع کی مانند جلاتا ہوں ندیم
بُجھ تو جاؤں گا مگر صبح تو کر جاؤں گا

 

[جاسمن]

جنگ لڑنا پڑتی ہے اپنے زور بازو پر
زندگی کے میداں میں معجزے نہیں ہوتے

 

[جاسمن]

اگر رہنا ہے گلشن میں تو اپنے آشیانے کی
کبھی تخریب بھی ہوگی،کبھی تعمیر بھی ہوگی
یہ ہم جانتے ہیں،زندگی اک خواب ہے افسر
مگر اس خواب کی آخر کوئی تعبیر بھی ہوگی

 

[جاسمن]

میں کھو بھی جاؤں اگر زندگی کے میلے میں
وہ مہربان مجھے پھر سے ڈھونڈ لاتا ہے

 

[جاسمن]

جدا ہوئے ہیں بہت لوگ ایک تم بھی سہی
اب اتنی سی بات پہ کیا زندگی حرام کریں

 

[جاسمن]

زندگی کے بند دروازوں سے ٹکرانے کے بعد
راستے کچھ عقل و دل کے درمیاں سے مل گئے

 

[محمد بلال اعظم]

جدا ہوئے ہیں بہت لوگ ایک تم بھی سہی
اب اتنی سی بات پہ کیا زندگی حرام کریں

ناصر کاظمی کو سلام