اُمید افزا اور ہمت بڑھانے والے اشعار

[جاسمن]

شکست و فتح مرا مسئلہ نہیں ہے فراز
میں زندگی سے نبرد آزما رہا سو رہا

 

[جاسمن]

ابھی پروں میں اڑانوں کا زور زندہ ہے
اداس چاند سے کہہ دو چکور زندہ ہے
۔
رفیق سندیلوی

 

[جاسمن]

وہی محفوظ رکھے گا میرے گھر کو بلاﺅں سے
جو بارش میں شجر سے گھونسلا گرنے نہیں دیتا

 

[جاسمن]

خوش ہو نہ جان کر ہمیں غرقاب، موجِ دہر!
ابھریں گے سطحِ آب سے اک بار، دیکھنا
فاتح

 

[محمد ریحان قریشی]

مصیبت بھی راحت فزا ہو گئی ہے
تیری آرزو رہنما ہو گئی ہے

یہ وہ راستہ ہے دیارِ وفا کا
جہاں بادِ صر صر صبا ہوگئی ہے

ترے رتبہ دانِ محبت کی حالت
تیرے شوق میں کیا سے کیا ہوگئی ہے

پہنچ جائیں گے انتہا کو بھی حسرت
جب اس راہ کی ابتدا ہو گئی ہے

حسرت موہانی

 

[ہادیہ]

جو یقین کی راہ پر چل پڑےانہیں منزلوں نے بھی پناہ دی
جنہیں وسوسوں نے ڈرا دیا وہ قدم قدم پر بہک گئے

 

[Hedayatullah]

راتوں کو چلنے والے رہ جائیں تھک کے جس دم
امید ان کی میرا ٹوٹا ہوا دیا ہو


اقبالؒ

واہ بھائی,واہ

 

[Hedayatullah]

گماں آباد ہستی میں یقیں مردمسلماں کا
بیاباں کی شب تاریک میں قندیل رہبانی
(علامہ اقبال)

 

[محمد تابش صدیقی]

جو وہ دن گزر گیا تھا تو یہ رات بھی کٹے گی
کبھی شام آ گئی تھی کبھی آئے گی سحر بھی

صوفی تبسم

 

[محمد عدنان اکبری نقیبی]

بچھڑ کے تجھ سے مجھے ہے اُمید ملنے کی
سُنا ہے روح کو آنا ہےپھر بدن کی طرف
نظم طبا طبائی

 

[محمد عدنان اکبری نقیبی]

یہی ہے زندگی کچھ خواب کچھ اُمیدیں
انھیں کھلونوں سےتم بہل سکوتو چلو۔
ندا فاضلی

 

[جاسمن]

شہرِ ظلمات کو ثبات نہیں

اے نظامِ کہن کے فرزندو!
اے شبِ تار کے جگر بندو!

یہ شبِ تار جاوداں تو نہیں،
یہ شبِ تار جانے والی ہے،
تا بکے تیرگی کے افسانے،
صبحِ نو مسکرانے والی ہے،

اے شبِ تار کے جگر گوشو!
اے سحر دشمنو، ستم کوشو!

صبح کا آفتاب چمکے گا،
ٹوٹ جائے گا جہل کا جادو،
پھیل جائے گی ان دیاروں میں،
علم و دانش کی روشنی ہر سو،

اے شبِ تار کے نگہبانو!
شمعِ عہدِ‌زیاں کے پروانو!
شہرِ ظلمات کے ثناء خوانو!
شہرِ ظلمات کو ثبات نہیں،
اور کچھ دیر صبح پر ہنس لو،
اور کچھ دیر۔۔۔۔۔۔ کوئی بات نہیں!!

 

[جاسمن]

شہرِ ظلمات کو ثبات نہیں

اے نظامِ کہن کے فرزندو!
اے شبِ تار کے جگر بندو!

یہ شبِ تار جاوداں تو نہیں،
یہ شبِ تار جانے والی ہے،
تا بکے تیرگی کے افسانے،
صبحِ نو مسکرانے والی ہے،

اے شبِ تار کے جگر گوشو!
اے سحر دشمنو، ستم کوشو!

صبح کا آفتاب چمکے گا،
ٹوٹ جائے گا جہل کا جادو،
پھیل جائے گی ان دیاروں میں،
علم و دانش کی روشنی ہر سو،

اے شبِ تار کے نگہبانو!
شمعِ عہدِ‌زیاں کے پروانو!
شہرِ ظلمات کے ثناء خوانو!
شہرِ ظلمات کو ثبات نہیں،
اور کچھ دیر صبح پر ہنس لو،
اور کچھ دیر۔۔۔۔۔۔ کوئی بات نہیں!!
حبیب جالب

 

[جاسمن]

اگر عثمانیوں پہ کوہِ غم ٹوٹا تو کیا غم ہے
کہ خونِ صد ہزار انجم سے ہوتی ہے سحر پیدا
(اقبال)

 

[فاتح]

شہرِ ظلمات کو ثبات نہیں

اے نظامِ کہن کے فرزندو!
اے شبِ تار کے جگر بندو!

یہ شبِ تار جاوداں تو نہیں،
یہ شبِ تار جانے والی ہے،
تا بکے تیرگی کے افسانے،
صبحِ نو مسکرانے والی ہے،

اے شبِ تار کے جگر گوشو!
اے سحر دشمنو، ستم کوشو!

صبح کا آفتاب چمکے گا،
ٹوٹ جائے گا جہل کا جادو،
پھیل جائے گی ان دیاروں میں،
علم و دانش کی روشنی ہر سو،

اے شبِ تار کے نگہبانو!
شمعِ عہدِ‌زیاں کے پروانو!
شہرِ ظلمات کے ثناء خوانو!
شہرِ ظلمات کو ثبات نہیں،
اور کچھ دیر صبح پر ہنس لو،
اور کچھ دیر۔۔۔۔۔۔ کوئی بات نہیں!!

حبیب جالب کی یہ نظم پڑھ کے فیض کی نظم "و یبقیٰ وجہ ربک( ہم دیکھیں گے)" یاد آتی ہے۔

 

[جاسمن]

ہم بدلتے ہیں رخ ہواؤں کا
آئے دنیا ہمارے ساتھ چلے
۔قابلؔ اجمیری

 

[انیس خان]

تندیِ باد مخالف سے نہ گھبرا اے عقاب
یہ تو چلتی ہیں تجھےاونچا اڑانے کےلیے

 

[محمد تابش صدیقی]

چراغِ آرزو اب تک بحمد اللہ روشن ہے
بجھانے پر تُلی ہیں دیر سے مایوسیاں میری
نظرؔ لکھنوی

 

[ام اویس]

چلے تو کٹ ہی جائے گا سفر آہستہ آہستہ
ہم اُن کے پاس جاتے ہیں مگر آہِستہ آہستہ

ابھی تاروں سے کھیلو، چاند کی کرنوں سے اٹھلاؤ
ملے گی اُس کے چہرے کی سحر آہستہ آہستہ

دریچوں کو تو دیکھو چِلمنوں کے راز کو سمجھو
اُٹھیں گے پردہ ہائے بام و در آہستہ آہستہ
مصطفٰی زیدی

 

[ام اویس]

حیات لے کے چلو کائنات لے کے چلو
چلو تو سارے زمانے کو ساتھ لے کے چلو