اُمید افزا اور ہمت بڑھانے والے اشعار
- صاحب لڑی محمداحمد
- تاریخ ابتداء
فاتح
لائبریرین
پڑھی تو ضرور ہے میں نے لیکن انتہائی جھوٹ اور بکواس پر مبنی ہے یہ نظم۔۔۔ یہ چند روز میں کچھ نہیں ہونے والا۔۔۔ زندگی بھر ایسا ہی چلتا ہے۔۔۔
مدیحہ گیلانی
محفلین
ہيں ابھی صد ہا گہر اس ابر کی آغوش ميں
برق ابھی باقی ہے اس کے سينہء خاموش ميں
برق ابھی باقی ہے اس کے سينہء خاموش ميں
مدیحہ گیلانی
محفلین
اور یہ ہمارا پسندیدہ ترین نعتیہ شعر ہے کہ ۔۔
غم سبھی راحت و تسکین میں ڈھل جاتے ہیں
جب کرم ہوتا ہے حالات بدل جاتے ہیں۔
بےشک ۔۔۔اس سے بڑھ کر تو کوئی اُمید و حوصلہ دلا ہی نہیں سکتا ۔
غم سبھی راحت و تسکین میں ڈھل جاتے ہیں
جب کرم ہوتا ہے حالات بدل جاتے ہیں۔
بےشک ۔۔۔اس سے بڑھ کر تو کوئی اُمید و حوصلہ دلا ہی نہیں سکتا ۔
مدیحہ گیلانی
محفلین
اور سلیم کوثر کی یہ غزل بھی اُمید کے دیئے جلاتی ہوئی کہ
نہ اس طرح کوئی آیا نہ کوئی آتا ہے
مگر وہ ہے کہ مسلسل دیے جلاتا ہے
کبھی سفر کبھی رختِ سفر گنواتا ہے
پھر اُس کے بعد کوئی راستہ بناتا ہے
یہ لوگ عشق میں سچے نہیں ہیں ورنہ ہجر
نہ ابتدا نہ کہیں انتہا میں آتا ہے
یہ کون ہے جو دکھائی نہیں دیا اب تک
اور ایک عمر سے اپنی طرف بلاتا ہے
وہ کون تھا میں جسے راستے میں چھوڑ آیا
“یہ کون ہے جو مرے ساتھ ساتھ آتا ہے“
وہی تسلسلِ اوقات توڑ دے گا کہ جو
درِ اُفق پہ شب و روز کو ملاتا ہے
جو آسمان سے راتیں اُتارتا ہے سلیم
وہی زمیں سے کبھی آفتاب اُٹھاتا ہے
غدیر زھرا
لائبریرین
ہم دیکھیں گے
لازم ہے کہ ہم بھی دیکھیں گے
وہ دن کہ جس کا وعدہ ہے
جو لوحِ ازل میں لکھا ہے
جب ظلم و ستم کے کوہ گراں
روئی کی طرح اُڑ جائیں گے
ہم محکوموں کے پاؤں تلے
یہ دھرتی دھڑ دھڑ دھڑکے گی
اور اہل حرم کے سر اوپر
جب بجلی کڑکڑ کڑکے گی
جب ارضِ خدا کے کعبے سے
سب بُت اٹھوائے جائیں گے
ہم اہل صفا مردود حرم
مسند پہ بٹھائے جائیں گے
سب تاج اچھالے جائیں گے
سب تخت گرائے جائیں گے
بس نام رہے گا اللہ کا
جو غائب بھی ہے ، حاضر بھی
جو ناظر بھی ہے ، منظر بھی
اٹھے گا انا الحق کا نعرہ
جو میں بھی ہوں اور تم بھی ہو
اور راج کرے گی خلقِ خدا
جو میں بھی ہوں اور تم بھی ہو
(فیض احمد فیض)
لازم ہے کہ ہم بھی دیکھیں گے
وہ دن کہ جس کا وعدہ ہے
جو لوحِ ازل میں لکھا ہے
جب ظلم و ستم کے کوہ گراں
روئی کی طرح اُڑ جائیں گے
ہم محکوموں کے پاؤں تلے
یہ دھرتی دھڑ دھڑ دھڑکے گی
اور اہل حرم کے سر اوپر
جب بجلی کڑکڑ کڑکے گی
جب ارضِ خدا کے کعبے سے
سب بُت اٹھوائے جائیں گے
ہم اہل صفا مردود حرم
مسند پہ بٹھائے جائیں گے
سب تاج اچھالے جائیں گے
سب تخت گرائے جائیں گے
بس نام رہے گا اللہ کا
جو غائب بھی ہے ، حاضر بھی
جو ناظر بھی ہے ، منظر بھی
اٹھے گا انا الحق کا نعرہ
جو میں بھی ہوں اور تم بھی ہو
اور راج کرے گی خلقِ خدا
جو میں بھی ہوں اور تم بھی ہو
(فیض احمد فیض)
قرۃالعین اعوان
لائبریرین
ممکن ہے نکل آئے یہاں کوئی مسافر
صحرا میں لگاتے چلو دو چار شجر اور
صحرا میں لگاتے چلو دو چار شجر اور
امراؤ جان ادا
محفلین
میں اس نظم کے شاعر کا نام ڈھونڈ رہی تھی، معلوم ہے آپ کو؟ہم سے تو مایوسی والے اشعار سنیئے صاحب۔۔۔
چلیں اک نظم ہے ناگزیر مجھے بہت پسند ہے اس معاملے میں۔۔۔ وہ سنیئے
یہ رات اپنے سیاہ پنجوں کو جس قدربھی دراز کر لے
میں تیرگی کا غبار بن کر نہیں جیوں گا
مجھے پتہ ہے کہ ایک جگنو کے جاگنے سے
یہ تیرگی کی دبیز چادر نہیں کٹے گی
مجھے خبر ہے کہ میری بے زور ٹکروں سے
فصیلِ دہشت نہیں ہٹے گی
میں جانتا ہوں کہ میرا شعلہ
چمک کے رزقِ غبار ہو گا
تو بے خبر یہ دیار ہو گا
میں روشنی کی لکیر بن کر
کسی ستارے کی مثل بکھروں گا
بستیوں کو خبر نہ ہو گی
میں جانتا ہوں کہ میری کم تاب
روشنی سے سحر نہ ہو گی
مگرمیں پھر بھی سیاہ شب کا
غبار بن کر نہیں جیوں گا
کرن ہو کتنی نحیف لیکن کرن ہے پھر بھی
وہ ترجماں ہے کہ روشنی کا وجود زندہ ہے
اور جب تک
یہ روشنی کا وجود زندہ ہے رات اپنے
سیاہ پنجوں کو جس قدربھی درازکر لے
کہیں سے سورج نکل پڑے گا
نیرنگ خیال
لائبریرین
محمد یعقوب آسی
محفلین
بہت شکریہ آسی صاحب،
کیا خوب اشعار ہیں۔ غالب تو غالب ہیں۔
لیکن جناب کا شعر بھی بہت اعلیٰ ہیں۔
شاید یہ مقولہ بھی کسی ایسے ہی ستم ظریف کا ہے۔
“A pessimist sees the difficulty in every opportunity; an optimist sees the opportunity in every difficulty.”
بہت آداب جناب محمد احمد صاحب۔ ایک شعر اور پیش کر رہا ہوں:
خونِ تازہ بن کے دوڑوں گا بہاروں کی رگوں میں
خاک بھی ہو جاؤں گر، اِس شہر کی آب و ہوا سے
خاک بھی ہو جاؤں گر، اِس شہر کی آب و ہوا سے
(ردیف: اِس شہر کی آب و ہوا سے)
محمد یعقوب آسی
محفلین
مرے افکار میرے ہم سفر ہیں
میں اپنی ذات میں اک قافلہ ہوں
میں اپنی ذات میں اک قافلہ ہوں
اختر شاد
محمد یعقوب آسی
محفلین
ثانی لہو تمام نہیں رائگاں گیا
دھرتی سے کچھ اساس گلِ تر نے چھین لی
دھرتی سے کچھ اساس گلِ تر نے چھین لی
۔۔۔ صدیق ثانی
محمد یعقوب آسی
محفلین
آس کا دامن نہ چھوڑو یار، آسی دیکھنا
مشکلیں جو آج ہیں ہو جائیں گی آسان کل
مشکلیں جو آج ہیں ہو جائیں گی آسان کل
محمداحمد
لائبریرین