اپنی پسند کا ایک شعر۔۔ ۔ ۔ ۔ ۔

[میاں چاند]

لوگ کیسے غافل ہو جاتےہیں تیری خدائی سے یا رب​

مجھ سے تو تیرا بنایا ہوا ایک بندہ ہی نہیں بلایا جاتا ​

 

[سید شیرازی]

یاد آتا ہے مجھے وصل کا منظر اب بھی
تیرےہاتھوں کامرےلب سےشرارت کرنا

 

[سید شیرازی]

تری سانس تھی مری زندگی مری آرزو تھی تری خوشی
میں سمجھ گیا ترے بعد کیوں مری زندگی پہ زوال تھا

 

[مدثر اقبال]

تو نے غریبوں کا دل دُکھایا ہے
جا محبت تجھے خدا پوچھے۔۔۔۔

 

[fast_ismail]

ہے خاک کی پتلی ہر نرالی صورت
ہر صورتِ حُسن ہے خیالی صورت

تلبیس لباسی پہ نہ جا اے امجدؔ
پوڈر میں چھپی ہوئی ہے کالی صورت

از: امجد حیدرآبادی دکن

 

[عمر سیف]

اُس کے رخِ حسیں سے سَرکتی ہے جب نقاب
اِک چودھویں کا چاند نکلتا دکھائی دے

 

[سیدہ شگفتہ]

کیا خاک وہ جینا ہے جو اپنے ہی لیے ہو
خود مٹ کے کسی اور کو مٹنے سے بچا لے

(ساحر لدھیانوی)

اور سب بھول گئے حرفِ صداقت لکھنا
رہ گیا کام ہمارا ہی بغاوت لکھنا

(حبیب جالب)

 

[fast_ismail]

اپنی جانِ عزیز اپنی نہ ہوئی
عقل و خِرد و تمیز اپنی نہ ہوئی

ہم بھی کچھ ان کو نذر دیتے امجدؔ
افسوس کہ کوئی چیز اپنی نہ ہوئی

امجدؔ حیدرآبادی دکن الہند

 

[سیدہ شگفتہ]

ہوا کے شور میں برگ و شجر یہ کہتے ہیں
یہی خزاں کبھی قرضِ چمن اتارے گی

(خواجہ رضی حیدر)

 

[عمر سیف]

وہ شخص کے میں جس سے محبت نہیں کرتا
ہنستا ہے مجھے دیکھ کے نفرت نہیں کرتا
دنیا میں قتیل اُس سا منافق نہیں کوئی
جو ظلم تو سہتا ہے بغاوت نہیں کرتا

 

[کاشف اکرم وارثی]

یہ جو ایک شب کا حجاب ہے اسے درمیان سے ہٹا کبھی
کہ طلوع ِصبح کی آرزو میری کتنی نیندیں اڑا گئی​

 

[صائمہ شاہ]

ہر چارہ گر کو چارہ گری سے گریز تھا
ورنہ ہمیں جو دکھ تھے بہت لادوا نہ تھے

 

[مدثر اقبال]

بہار آءے تو میرا سلام کہ دینا
مجھے تو آج طلب کر لیا ہے صحرا نے
(قتیل شفاءی)

 

[مدثر اقبال]

کب تک رہوں میں خوفزدہ اپنے آپ سے
ایک دن نکل نہ جاؤں ذرا اپنے آپ سے

جس کی مجھے تلاش تھی وہ تو مجھی میں تھا
کیوں آج تک میں دور رہا اپنے آپ سے

تجھ سے وفا نہ کی تو کسی سے وفا نہ کی
کس طرح انتقام لیا . . . اپنے آپ سے

لوٹ آ، درون دل سے پکارے کوئی مجھے
دنیا کی آرزو میں نہ جا اپنے آپ سے ...!
_____
حمایت علی شاعر

 

[مدثر اقبال]

ذات در ذات ہمسفر رہ کر
اجنبی، اجنبی کو بھول گیا

 

[سید شیرازی]

کسی دن ہاتھ دھو بیٹھو گے مجھ سے
تمھیں عادت بہت ہے بے رُخی کی

 

[سید شیرازی]

رکھا تھا اُس نے مری آنکھ پر ہتھیلی کو
اب انتظار نظر کو اُسی کے ہاتھ کا ہے

 

[عمر سیف]

یہاں رہوں گا تو پھر تیرے تذکرے ہوں گے
اگر کہو تو تِرا شہر چھوڑ‌جاؤں میں

 

[غ۔ن۔غ]

میں ساحل ہُوں امجد اور وہ دریا جیسا ہے
کِتنی دُوری ہے دونوں میں، قُربت کتنی ہے​

 

[عمر سیف]

نظر جس طرف کر کے تم نگاہیں پھیر لیتے ہو
قیامت تک پھر اُس دل سے پریشانی نہیں جاتی