اپنی پسند کا ایک شعر۔۔ ۔ ۔ ۔ ۔

[سیدہ شگفتہ]

سرور علم ہے کیف شراب سے بہتر
کوئی رفیق نہیں ہے کتاب سے بہتر

کلام: پیزادہ عاشق کیرانوی

 

[hania khan]

جان سے پیارے لوگوں سے بھی کچھ کچھ پردہ لازم ہے
ساری بات بتانے والے کچھ کچھ پاگل ہوتے ہیں

 

[معاویہ وقاص]

یہ جو سائے میں لگے بیٹھے ہیں دیوار سے ہم
کسے معلوم دیوار اٹھائے ہوئے ہیں

احمد نوید

 

[عمر سیف]

بچھڑتے وقت کوئی بدگمانی دل میں آ جاتی
اسے بھی غم نہیں ہوتا، مجھے بھی غم نہیں ہوتا

 

[ناعمہ عزیز]

سنو اگر ایک آنسو کی قیمت ہو ایک ہی پیسہ
تو سنو تم لاکھوں کے مقروض ہو میرے

 

[ناعمہ عزیز]

جیسے سمندر سے چُرا لیتی ہیں لہریں دامن
اتنا سادہ ہے تیرا مجھ سے گریزاں ہونا ۔
(غلط لکھنے کی صورت میں شاعر سے معذرت کے ساتھ )

 

[ناعمہ عزیز]

وہ مجھے یوں چاہئے
جیسے لوگوں کو سکوں چاہئے

 

[عمر سیف]

نجانے کس کا تصور مجهے سنوارتا ہے
میں اپنے آپ کو آراستہ نہیں کرتا

 

[کاشف اکرم وارثی]

خود کلامی عجیب ہوتی ہے
خود سے باتیں اور آپ کی باتیں۔۔۔۔

 

[عمر سیف]

شاید میں تیرے دھیان میں پھر سے اُبھر سکوں
میں اجنبی سہی‘ مجھے پہچان کے تو دیکھ

 

[عرفان سرور]

وہ دلبر ہے عدم وہ ماربھی ڈالے محبت سے
تو قاتل اس کو کہنا، اک سلوکِ جارحانہ ہے

 

[صائمہ شاہ]

روح کے زخم کہاں بھرتے ہیں
عمر بھر چارہ گری رہتی ہے

 

[عرفان سرور]

ہمیشہ تازہ دم إس کے محلے تک پہنچا ہوں
تھکن أس وقت ہوتی ہے جب وہ گھر پر نہیں ملتا

 

[عرفان سرور]

اُس نے جب شام کا کِیا وعدہ
پھر پتہ شام کا نہیں ملتا

 

[عرفان سرور]

بات کرتے ہیں خوشی کی بھی تو اک رنج کے ساتھ
وہ ہنساتے بھی ہے ایسا کہ رلا دیتے ہیں

 

[عرفان سرور]

ہم پشیمان ہوں جا کر تو ہے قسمت اپنی
وہ وہیں ملتے ہیں جس گھر کا پتا دیتے ہیں

 

[عرفان سرور]

اس کو کہتے ہیں یہی باد ہوائی ہے جواب
خط کے پرزے مری جانب وہ اڑا دیتے ہیں

 

[عرفان سرور]

یہ تبرک کا بہانہ ہے کہ لے لے کے رقیب
چٹکیوں ہی میں مری خاک اڑا دیتے ہیں

 

[عرفان سرور]

دھیمی دھیمی آنچ پر ہوں عشق میں
کیا سلیقے سے جلاتا ہے مجھے۔

 

[عرفان سرور]

ایک تو میں سچ کے ہاتھوں تنگ ہوں
جس کو دیکھو چھوڑ جاتا ہے مجھے۔