اپنی پسند کا ایک شعر۔۔ ۔ ۔ ۔ ۔

[غ۔ن۔غ]

کیسے کیسے خواب دیکھے دربدر کیسے ہوئے​

کیا بتائیں روز و شب اپنے بسر کیسے ہوئے ​

حادثے ہوتے ہی رہتے ہیں مگر یہ حادثے ​

ایک ذرا سی زندگی میں اِس قدر کیسے ہوئے​

 

[غ۔ن۔غ]

میری جان آج کا غم نہ کر، کہ نہ جانے کاتبِ وقت نے​

کسی اپنے کل میں بھی بھول کر، کہیں لکھ رکھی ہوں مُسرّتیں​

 

[مغزل]

مغزل

سنائی دیتی ہے کس کے بدن کی سرگوشی​

یہ کون ہے جو میرے آس پاس رہتا ہے​

​

مغزل

مرا خامہ اس کا گواہ ہے ، مری شاعری بھی دلیل ہے ​

مری سانس ہے جو رواں دواں، تری چاہتوں کا کمال ہے ​

​

​

​

بہت خوب پگلی بہت خوب۔۔۔ ​

یارب یہ طلسمِ شبِ مہتاب نہ ٹوٹے​

میں جاگ بھی جاؤں تو مرا خواب نہ ٹوٹے​

اعجاز رحمانی​

 

[عمر سیف]

خود پیاس کا صحرا ہوں مگر دل کی یہ ضد ہے
ہر دشت پہ ساون کی طرح ٹوٹ کے برسوں

 

[محمداحمد]

اک عمر لکھتے رہے پھر بھی ورق سادہ رہا
جانے کیا لفظ تھے جو ہم سے نہ تحریر ہوئے

 

[میاں چاند]

تم ، تم اور صرف تم​

لو ختم ہوئی میری داستان​

 

[عمر سیف]

ہم سانجھ سمے کی چھایا ہیں ، تم چڑھتی رات کے چندرماں
ہم جاتے ہیں ، تم آتے ہو، پھر میل کی صورت کیونکر ہو

 

[محمداحمد]

داستاں ختم ہونے والی ہے
تم مری آخری محبت ہو

جون ایلیا

 

[عمر سیف]

بیٹھے ہیں تیری محفل میں کئی دوست نئے
اب تمھیں یار پرانے کی ضرورت کیا ہے

 

[محمداحمد]

بے سبب بات بڑھانے کی ضرورت کیا ہے
ہم خفا کب ہیں منانے کی ضرورت کیا ہے

 

[عمر سیف]

جس کی ایما پہ کیا ترکِ تعلق سب نے
اب وہی شخص مجھے طعنہِ تنہائی دے

 

[محمداحمد]

چھپ چھپ کے روؤں اور سرِ انجمن ہنسوں
مجھ کو یہ مشورہ، مرے درد آشنا کا تھا

احمد ندیم قاسمی

 

[عمر سیف]

زندگی جس کو تیرا پیار ملا وہ جانے
ہم تو ناکام رہے چاہنے والوں کی طرح

 

[محمداحمد]

ہم وفائیں کرکے رکھتے ہیں وفاؤں کی اُمید
دوستی میں اس قدر سودا گری بھی جرم ہے

 

[عمر سیف]

میں جتنا بھی بھلاتا ہوں تم اتنا یاد آتے ہو
خدارا ترکِ الفت میں مجھے کیوں یوں ستاتے ہو
بھری محفل میں بت بن کر تمھارے ساتھ رہتا ہوں
مگر تم ہو اثر کو پاس پا کر بھی بھلاتے ہو!
( بشیر احمد اثر )

 

[محمداحمد]

میں جتنا بھی بھلاتا ہوں تم اتنا یاد آتے ہو
خدارا ترکِ الفت میں مجھے کیوں یوں ستاتے ہو
بھری محفل میں بت بن کر تیرے ساتھ رہتا ہوں
مگر تم ہو اثر کو پاس پا کر بھی بھلاتے ہو!
( بشیر احمد اثر )

ویسے تیسرے مصرعے میں "تیرے" کی جگہ شاید "تمھارے" ہونا چاہیے۔

 

[محمداحمد]

فراز ترکِ محبت تو خیر کیا ہوگا​

یہی بہت ہے کہ کم کم ملا کرو اس سے​

 

[عمر سیف]

تو فلک پہ روشن ہے میں زمیں پہ جلتا ہوں
تیری میری قسمت کا ایک سا ستارا ہے

 

[محمداحمد]

اس نے آہستہ سے جب پکارا مجھے
جھک کے تکنے لگا ہر ستارا مجھے

امجد اسلام امجد

 

[عمر سیف]

اس بےوفا کے واسطے خود کو کروں تباہ
پاگل تو میں نہیں کہ پیوں زہر گھول کے